ລັດຖະບານໄຕ້ຫວັນໄດ້ອະນຸມັດໃຫ້ຈັດຕັ້ງສະມາຄົມອຸດສາຫະກໍາ Cryptocurrency ຢ່າງເປັນທາງການ, ໂດຍການເຄື່ອນໄຫວດັ່ງກ່າວ ຊີ້ໃຫ້ເຫັນຄວາມຄືບໜ້າຂອງລັດຖະບານໃນການຮອງຮັບເອົາ ແລະ ຄຸ້ມຄອງດູແລອຸດສາຫະກໍາທີ່ກຳລັງຂະຫຍາຍຕົວ. ເຊິ່ງນີ້ແມ່ນບາດກ້າວທີ່ສໍາຄັນໃນການຮອງຮັບປະກັນສະຖານະພາບຂອງອຸດສາຫະກໍາ cryptocurrency.
ປັດຈຸບັນ, ກຸ່ມທີ່ເຮັດວຽກດ້ານ cryptocurrency ທ້ອງຖິ່ນ ເຊິ່ງປະກອບດ້ວຍບໍລິສັດ cryptocurrency 22 ແຫ່ງ ລວມເຖິງບໍລິສັດແລກປ່ຽນເຊັ່ນ MaiCoin ແລະ BitoPro ເປັນຕົ້ນທີ່ໄດ້ຮັບການອະນຸມັດຈາກລັດຖະບານໃນການສ້າງຕັ້ງສະມາຄົມຢ່າງເປັນທາງການ. ໂດຍຂັ້ນຕອນຕໍ່ໄປແມ່ນການກຽມຕົວໃຫ້ພ້ອມໃນທ້າຍເດືອນມິຖຸນານີ້.
ຄວາມສໍາເລັດນີ້ ມັນເນັ້ນຢ້ຳເຖິງການຮ່ວມມືລະຫວ່າງພາກສ່ວນກ່ຽວຂ້ອງຂອງອຸດສາຫະກໍາ ແລະ ໜ່ວຍງານຄຸ້ມຄອງດູແລ. ເພື່ອສ້າງກອບສໍາລັບການເຮັດທຸລະກໍາ cryptocurrency ທີ່ມີຄວາມຮັບຜິດຊອບໃນໄຕ້ຫວັນ.
ປັດຈຸບັນໄຕ້ຫວັນໄດ້ຮຽກຮ້ອງໃຫ້ຜູ້ໃຫ້ບໍລິການ cryptocurrency ປະຕິບັດຕາມກົດໝາຍຕ້ານການຟອກເງິນ. ແຕ່ອຸດສາຫະກໍາໂດຍລວມແມ່ນຍັງບໍ່ມີການເຂັ້ມງວດໃນລະບຽບທີ່ຫຼາຍພໍ. ການສ້າງຕັ້ງສະມາຄົມຂຶ້ນ ຈະຊ່ວຍສົ່ງເສີມການຄຸ້ມຄອງຕົນເອງພາຍໃນອຸດສາຫະກໍາ.
ໂດຍການສ້າງຕັ້ງສະມາຄົມແມ່ນມີຄວາມສໍາຄັນດັ່ງຕໍ່ໄປນີ້:
ການຮອງຮັບ: ສະມາຄົມຈະຊ່ວຍໃຫ້ສະຖານະຂອງອຸດສາຫະກໍາ cryptocurrency ໄດ້ຮັບການຍອມຮັບຈາກລັດຖະບານ.
ການຄຸ້ມຄອງດູແລ: ສະມາຄົມສາມາດຊ່ວຍລັດຖະບານໃນການຄຸ້ມຄອງອຸດສາຫະກໍາ, ພັດທະນາຄໍາແນະນໍາ ແລະ ສ້າງມາດຕະຖານ
ການພັດທະນາ: ສະມາຄົມສາມາດສົ່ງເສີມການພັດທະນາອຸດສາຫະກໍາແບບຍືນຍົງໂດຍຜ່ານການສຶກສາ, ການຄົ້ນຄວ້າ ແລະ ນະວັດຕະກໍາ.
ການປົກປ້ອງຜູ້ບໍລິໂພກ: ສະມາຄົມສາມາດຊ່ວຍສ້າງກົນໄກປົກປ້ອງຜູ້ບໍລິໂພກ ແລະ ສ້າງຄວາມໝັ້ນໃຈໃນລະບົບ
ສະຫຼຸບແລ້ວ, ການອະນຸມັດສ້າງຕັ້ງສະມາຄົມອຸດສາຫະກໍາສະກຸນເງິນດິຈິຕອນໄຕ້ຫວັນ ເປັນບາດກ້າວທີ່ສໍາຄັນຕໍ່ການຮັບຮູ້ ແລະ ການຄຸ້ມຄອງດູແລອຸດສາຫະກໍາທີ່ກຳລັງຂະຫຍາຍຕົວນີ້, ສະມາຄົມຈະມີບົດບາດສໍາຄັນໃນການສົ່ງເສີມການພັດທະນາແບບຍືນຍົງ ແລະ ສ້າງລະບົບນິເວດສະກຸນເງິນດິຈິຕອນທີ່ປອດໄພ ແລະ ໂປ່ງໃສ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/