ພາບຈາກ:https://web.facebook.com/taflaos
ໃນວັນພຸດ ທີ 21 ຕຸລາທີ່ຜ່ານມາ ມູນນິທີເອເຊຍປະຈຳປະເທດລາວ ໄດ້ເປີດໂຕແອັບທຸລະກິດ ຢ່າງເປັນທາງການ ຮ່ວມກັບມະຫາວິທະຍາໄລແຫ່ງຊາດ ແລະ Stella ທີ່ Lab De Lines.
.
ແອັບToolakit ຫຼື ທຸລະກິດ ເປັນແອັບພິເຄຊັນ ສັງລວມຄວາມຮູ້ເພື່ອໃຫ້ຜູ້ປະກອບການ ທັງທຸລະກິດຂະໜາດນ້ອຍ ແລະ ທຸລະກິດຂະໜາດກາງ (MSMEs) ໃນປະເທດລາວໄດ້ຮຽນຮູ້ທິດສະດ້ານດິຈິຕອນ ແລະ ໃຫ້ຫົວໜ່ວຍທຸລະກິດສາມາດສ້າງທຸລະກິດອອນລາຍ ຜ່ານ Social Media ເພື່ອເພີ່ມຊ່ອງທາງດ້ານການຂາຍ ແນໃສ່ໃຫ້ພວກເຂົາໃຫ້ເຂົ້າເຖິງທັກສະທາງດ້ານດິຈິຕອນ ທີ່ບັນດາທຸລະກິດຕ້ອງການ ເພື່ອນຳມາປັບໃຊ້ໃສ່ໃນການພັດທະນາທຸລະກິດຂອງຕົນເອງ
ເຊິ່ງແອັບ Toolakit ໄດ້ພັດທະນາເນື້ອໃນບົດຮຽນໂດຍ Stella ແລະ ມູນນິທີເອເຊຍ ບໍ່ວ່າຈະເປັນຄວາມຮູ້ດ້ານດິຈິຕອນ, ຊັບພະຍາກອນທຸລະກິດອອນລາຍ ແລະ ອື່ນໆ. ພ້ອມດຽວກັນນີ້, ແອັບ Toolakit ຍັງໄດ້ເປັນພາກສ່ວນໜຶ່ງຂອງໂຄງການດິຈິຕອນອາຊຽນກ້າວໄກ (Go Digital ASEAN) ຂອງມູນນິທິເອເຊຍທີ່ໄດ້ຮັບການສະໜັບສະໜູນໂດຍ Google.org
Toolakit ເປັນແອັບສອງພາສາ ມີ ລາວ ແລະ ອັງກິດ ເຊິ່ງພາຍໃນແອັບ ຜູ້ໃຊ້ຈະສາມາດຮຽນຮູ້ບັນດາທັກສະດ້ານທຸລະກິດເຊິ່ງຖືກແຍກເປັນລະດັບຕາມຄວາມຍາກງ່າຍ ທີ່ຜູ້ໃຊ້ສາມາດເກັບແຕ້ມຄະແນນພາຍຫຼັງສຳເລັດການຮຽນໃນແຕ່ລະບົດ ພ້ອມນີ້ຍັງມີ ຫ້ອງສົນທະນາ ຫຼື Forum ທີ່ຜູ້ໃຊ້ສາມາດເຂົ້າໄປລົມກັນໃນຫົວຂໍ້ຕ່າງໆ ຫຼື ເພື່ອການສົນທະນາແລກປ່ຽນ ເຊິ່ງຕອນນີ້ສາມາດດາວໂຫຼດໄດ້ແລ້ວຟຣີ ທີ່ Playstore ໃນລະບົບ Android ທີ່: https://play.google.com/store/apps/details?id=com.toolakit
ອ້າງອີງ: https://web.facebook.com/taflaos
