ຫຸ້ນເອີຣົບຕົກ ຍ້ອນມີຂ່າວທະນາຄານຍັກໃຫຍ່ ພົວພັນເງິນຜິດກົດໝາຍ

ຫຸ້ນເອີຣົບຕົກ-ຍ້ອນມີຂ່າວທະນາຄານ

ຫຸ້ນເອີຣົບຕົກ ຍ້ອນກໍລະນີມີຂ່າວທະນາຄານຍັກໃຫຍ່ພົວພັນຂໍ້ກ່າວຫາຍັກຍອກເງິນຜິດກົດໝາຍ ແລະ ສະຖານະການ COVID-19 ກົດດັນດັດຊະນີໂດຍລວມ.

ຂ່າວກຳລັງມາແຮງກ່ຽວກັບການຍົກຍ້າຍເງິນຜິດກົດໝາຍໃນທະນາຄານຍັກໃຫຍ່ຂອງໂລກ ເປັນໜື່ງໃນປັດໄຈທີ່ກົດດັນດັດຊະນີ Stoxx 600 ຕະຫຼາດຫຸ້ນເອີຣົບຕ່ຳລົງ 3.2% ໂດຍຫຸ້ນກຸ່ມທະນາຄານຕ່ຳລົງ 5.7% ຂະນະທີ່ສະຖານະການ COVID-19 ຍັງເປັນອີກປັໄຈທີ່ກົດດັນຕະຫຼາດຫຸ້ນຕໍ່ເນື່ອງ ໂດຍຫຸ້ນກຸ່ມທ່ອງທ່ຽວຕົກລົງທີ່ 5.2% ເຊິ່ງດັດຊະນີໂດຍລວມໄດ້ຖືກປິດລົງໃນເຂດແດນລົບ.

ນັກລົງທຶນຈັບຕາເບີ່ງຫຸ້ນທະນາຄານ ຫລັງມີລາຍງານວ່າທະນາຄານ Standard Chartered ແລະ HSBC ມີສ່ວນກ່ຽວຂ້ອງກັບການປ່ອຍໃຫ້ມີການຍົກຍ້າຍເງີນຕ້ອງສົງໃສມາເປັນເວລາ 20 ປີ ໂດຍໃນຕະຫລາດຫລັກຊັບລອນດອນ ຫຸ້ນ Standard Chartered ຕ່ຳລົງ 5.2% ຄະນະທີ່ຫຸ້ນ HSBC ຕົກ 4.9% ໂດຍໃນລະຫວ່າງມື້ຫຸ້ນ HSBC ຕົກລົງມາໃນລະດັບຕ່ຳສຸດໃນຮອບ 25 ປິ.

ຫລັງມີຂ່າວອອກມາ Standard Chartered ອອກແຈ້ງການຊີ້ແຈງວ່າໃນຄວາມເປັນຈິງວ່າມີຄົນພະຍາຍາມຟອກເງິນ ແລະ ຫຼີກລ້ຽງມາດຕະການຂວ້ຳບາດຢູ່ຕະຫຼອດເວລາ ເຊິ່ງຖືເປັນຄວາມຮັບຜິດຊອບຂອງທະນາຄານໃນການຕໍ່ສູ້ກັບອາດຊະຍາກຳທາງການເງິນຢ່າງຈິງຈັງ ຄະນະທີ່ HSBC ລະບຸວ່າຈະບໍ່ໃຫ້ຄວາມເຫັນກ່ຽວກັບກິດຈະກຳທີ່ຜິດກົດໝາຍໃນເວລານີ້.

ແຫຼ່ງທີ່ມາ:

https://www.cnbc.com/2020/09/21/european-markets-banks-coronavirus-news-weigh-on-sentiment.html?fbclid=IwAR1udg9zmWZD6vA-jeHR8HWY_5fipPp-yarOp09262PQh0UgJ5D5I8d3W-0

https://www.marketwatch.com/story/heres-how-key-swing-states-are-leaning-in-the-presidential-race-and-how-theyre-weathering-the-recession-11600708945?mod=home-page&fbclid=IwAR1mFjWtj9jQVPSTmqrbK83NbUb9K9BT7xkUMiU5g81v7zNK0bqycqIc1FI

https://www.cnbc.com/2020/09/20/stock-market-futures-open-to-close-news.html?fbclid=IwAR30ZKfM8aEDmQdISq3qEcOrgCMNIj3wEjCOr0feth7H_abDFqqEh8WMJ4c