ສະຫະພາບຢູໂຣບໄດ້ປະຊຸມກຳມະການສິ່ງແວດລ້ອມວ່າ ຕ້ອງການໃຫ້ມາດຕະການດ້ານການລົດຂີ້ເຫຍື້ອຂອງສະຫະພາບຢູໂຣບເຂັ້ມງວດຂຶ້ນ ລວມທັງກຳນົດໃຫ້ຜະລິດຕະພັນ ແລະ ພາຊະນະບັນຈຸຕ່າງໆ ສາມາດຣີໄຊເຄິນໄດ້ ລວມເຖິງຄວບຄຸມການໃຊ້ວັດຖຸດິບຈາກແຫຼ່ງທຳມະຊາດ.
ເຊິ່ງສະຫະພາບຢູໂຣບກໍໄດ້ກຽມທີ່ຈະອະນຸມັດແຜນຂອງຄະນະກຳມະການ ເລື່ອງການເອົາວັດສະດຸພລາສຕິກມາຣີໄຊເຄິນ ແຕ່ຜູ້ຮ່າງກົດໝາຍຢູ່ໃນການປະຊຸມຊີ້ວ່າ ຕ້ອງມີການບັງຄັບກົດຂໍ້ນີ້ກັບທຸກໆວັດສະດຸ ບໍ່ສະເພາະແຕ່ພລາສຕິກ.
Jan Huitema ຜູ້ນຳຮ່າງກົດໝາຍດັ່ງກ່າວໄດ້ບອກວ່າ ການລົດຂີ້ເຫຍື້ອເປັນກະແຈທີ່ສຳຄັນ ເພື່ອສະຫະພາບຢູໂຣບຈະສາມາດເຮັດຕາມເປົ້າໝາຍປ່ອຍຄາບອນເປັນສູນໄດ້ໃນປີ 2050 ເນື່ອງຈາກການໃຊ້ວັດຖຸດິບຈາກແຫຼ່ງທຳມະຊາດປ່ອຍແກ໊ສເຮືອນແກ້ວຫຼາຍເຖິງ 80% ຫຼາຍກວ່າໃຊ້ວັດຖຸດິບທົດແທນ ທີ່ໄດ້ຈາກການຣີໄຊເຄິນຂີ້ເຫຍື້ອ ຫຼື ການນຳເອົາວັດສະດຸກັບມາໃຊ້ຊໍ້າ.
Jan Huitema ກ່າວວ່າ “ການປ່ອຍແກ໊ສຄາບອນໄດອັອກໄຊໃນອາກາດນັ້ນສູງຂຶ້ນຫຼາຍ, ຂັ້ນຕອນທັງໝົດຂອງການຣີໄຊເຄິນຈະສົ່ງຜົນຕໍ່ສິ່ງແວດລ້ອມໜ້ອຍກວ່າຂັ້ນຕອນທີ່ເອົາຊັບພະຍາກອນໃນທຳມະຊາດມາໃຊ້”
