ສັນຍາຊື້ຂາຍ ໂກໂກ້ ລ່ວງໜ້າໃນຕະຫຼາດ ນິວຢອກ ປັບຕົວຂຶ້ນຕິດຕໍ່ກັນເປັນວັນທີ 4 ຕິດຕໍ່ກັນ ຫຼັງມີຂ່າວກ່ຽວກັບບັນຫາເລື່ອງເງິນທຶນໃນການເຮັດສວນໂກໂກ້ໃນການ່າ ເຊິ່ງເປັນແຫຼ່ງຜະລິດໂກໂກ້ ໃຫຍ່ອັນດັບ 2 ຂອງໂລກ.
ລາຍງານລະບຸວ່າ ການ່າ ອາດສູນເສຍແຫຼ່ງທຶນທີ່ສໍາຄັນ ເນື່ອງຈາກວິກິດການຜະລິດໂກໂກ້, ທີ່ມີປະລິມານບໍ່ພຽງພໍຂອງເມັດໂກໂກ້ເພື່ອສະໝັກຂໍທຶນ. ໂດຍຄະນະກຳມະການໂກໂກ້ຂອງການາ (Cocobod) ແມ່ນຕ້ອງອາໄສເງິນທຶນຈາກຕ່າງປະເທດໃນການຊື້ເມັດໂກໂກ້ຈາກຊາວກະສິກຳ.
ໂດຍລາຄາໂກໂກ້ແມ່ນເພີ່ມຂຶ້ນປະມານ 60% ໃນເດືອນດຽວ ແລະໄດ້ເພີ່ມຂຶ້ນສອງເທົ່າໃນປີນີ້. ສະພາບດິນຟ້າອາກາດທີ່ບໍ່ດີ ແລະ ພະຍາດທີ່ກ່ຽວກັບພືດເຮັດໃຫ້ການເກັບກ່ຽວຕົກຕໍ່າໃນອາຟຣິກາຕາເວັນຕົກ ເຊິ່ງນີ້ແມ່ນພາກພື້ນທີ່ມີການປູກກໂກໂກ້ໃຫຍ່ທີ່ສຸດໃນໂລກ. ສ່ວນສະພາບການຢູ່ພາກພື້ນອື່ນຍັງບໍ່ມີທ່າອ່ຽງວ່າຈະດີຂຶ້ນ ເຮັດໃຫ້ອຸດສາຫະກຳດັ່ງກ່າວຕ້ອງປະສົບກັບຄວາມຫຍຸ້ງຍາກ.
ລາຄາໂກໂກ້ທີ່ສູງຂຶ້ນຈະເຮັດໃຫ້ຕົ້ນທຶນການຜະລິດຊັອກໂກແລັດສູງຂຶ້ນຕະຫຼອດປີ. ໃນຂະນະທີ່ ບາງຜູ້ຜະລິດໄດ້ມີການຫຼຸດຜ່ອນຂະໜາດຂອງແຖບຊັອກໂກແລັດຂອງເຂົາເຈົ້າ ຫຼືໃຊ້ສ່ວນປະກອບເພີ່ມເຕີມເພື່ອຫຼຸດຜ່ອນຜົນກະທົບ.
ຕິດຕາມຂ່າວທັງໝົດຈາກ LaoX: https://laox.la/all-posts/
