“ພະຍານາກ” ຕາມຄວາມເຊື່ອໃນສາສະໜາພຸດ ໂດຍທົ່ວໄປ ຈະເຊື່ອວ່າ ເປັນສັດທີ່ສາມາດເນລະມິດເປັນມະນຸດຊາຍ ແລະ ຍິງໄດ້. ພ້ອມທັງຍັງເປັນສັນຍະລັກແຫ່ງສາຍນ້ຳ ເປັນຜູ້ພິທັກຮັກສາ ແລະ ເປັນສັນຍະລັກແຫ່ງຄວາມອຸດົມສົມບູນ.
ເມື່ອບໍ່ດົນມານີ້ ທາງລັດຖະບານປະເທດໄທ ເຫັນດີເປັນເອກະພາບໃຫ້ “ພະຍານາກ” ເປັນເອກະລັກປະຈຳຊາດ ປະເພດສັດໃນຕຳນານ ເຊິ່ງເປັນການປະກາດໃນເຊີງສັນຍະລັກ ເພື່ອສ້າງໃຫ້ເກີດການຮຽນຮູ້ປະຫວັດສາດ ເອກະລັກ ແລະ ວັດທະນະທຳຂອງຊາດ. ພ້ອມທັງຍັງເປັນການຕໍ່ຍອດເປັນ Soft Power ໃນການນຳທຶນວັດທະນະທຳມາຂັບເຄື່ອນເສດຖະກິດ ເພີ່ມມູນຄ່າທາງດ້ານເສດຖະກິດ-ວັດທະນະທຳ-ສັງຄົມ ແລະ ອາດນຳລາຍໄດ້ເຂົ້າມາໃຫ້ແກ່ປະເທດ.
ຖ້າເວົ້າເຖິງ “ພະຍານາກ” ແລ້ວ ບໍ່ວ່າຈະເປັນສັງຄົມໄທ-ລາວ (ບາງສ່ວນ) ຕ່າງກໍພາກັນເຄົາລົບນັບຖື ແລະ ເຊື່ອຖື ຫຼາຍພໍສົມຄວນ ເພາະມີຕຳນານຫຼາຍຢ່າງທີ່ກ່ຽວກັບພະຍານາກ ຈົນມາຮອດປັດຈຸບັນປະຊາຊົນກໍຍັງຄົງນັບຖື ອະດີດເຄີຍກ່ຽວພັນກັບຂະນົບທຳນຽມ ປະເພນີ ສິລະປະ-ວັດທະນະທຳ ແລະ ພິທີກຳຕ່າງໆ ຈົນມາຮອດປັດຈຸບັນ. ເປັນຜູ້ພິທັກສາສະໜາ ເປັນຂັ້ໄດເຊື່ອມລະຫວ່າງໂລກກັບສະຫວັນ.
ຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
