ເອີ້ນວ່າບໍ່ຕ້ອງຍ່າງ ຕ້ອງຖອຍເບິ່ງມວຍກັນເລີຍ ເຂົ້າມາແລ້ວແກວ່ງກຳປັ້ນໃສ່ກັນໂລດ ເມື່ອຣັດເຊຍ ຈັດການແຂ່ງຂັນ PHONE BOOTH FIGHTING ກໍຄືການຍົກເອົາຕູ້ໂທລະສັບ ມາເປັນສັງວຽນຊົກມວຍ ແລ້ວໃຫ້ 2 ນັກຊົກເຂົ້າໄປສູ້ກັນໃນຕູ້ໂທລະສັບດັ່ງກ່າວ.
ການແຂ່ງຂັນຄັ້ງນີ້ ຖືກຄິດຂຶ້ນມາຈາກກຸ່ມທີ່ມີຊື່ວ່າ Punch Club ເຊິ່ງເປັນກຸ່ມທີ່ຮັກໃນກິລາຕໍ່ສູ້ ແຕ່ມັກຈະຈັດການແຂ່ງຂັນຂຶ້ນໃນຮູບແບບທີ່ແປກໆ.
ໂດຍການແຂ່ງຂັນຊົກມວຍໃນຕູ້ໂທລະສັບດັ່ງກ່າວ ນັກຊົກທັງ 2 ຄົນຈະສາມາດອອກອາວຸດໄດ້ທັງໝົດ ແລະ ຈະຊົກກັນຢູ່ປະມານ 15 ນາທີ ແຕ່ຈະບໍ່ມີການກຳນົດວ່າຈັກຍົກ ນັ້ນໝາຍຄວາມວ່າ ພາຍໃນ 15 ນາທີ ນັກສູ້ທັງ 2 ຄົນຈະຊົກກັນຈົນມີຄົນໃດຄົນ 1 ນັອກ ຫຼື ຍອມ ນັ້ນເອງ.
ເຊິ່ງຈາກການຈັດການແຂ່ງຂັນແບບນີ້ ກໍມີຫຼາຍຝ່າຍອອກມາວິຈານວ່າເປັນການຊົກທີ່ດຸເດືອດຫຼາຍ ບາງຄົນກໍບອກວ່າມັນເປັນການແຂ່ງຂັນທີ່ປ່າເຖື່ອນເກີນໄປ ເພາະບໍ່ມີການໃຫ້ນັກກິລາພັກ ຫຼີ ຍ່າງຖອຍຫຼັງ ຫຼົບຫຼີກ ຄືກັບການແຂ່ງຂັນຊົກມວຍທົ່ວໄປ.
ພາຍຫຼັງວິດີໂອດັ່ງກ່າວຖືກເຜີຍແຜ່ໄປໃນໂລກອອນລາຍພາຍໃນມື້ດຽວ ໄດ້ມີຍອດວິວ ໃນ Twitter ໄປແລ້ວ ຫຼາຍກວ່າ 17.5 ລ້ານຄັ້ງ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
No comment