ບໍລິສັດ Green and Smart Mobility (GSM) ຜູ້ໃຫ້ບໍລິການລົດແທັກຊີ່ໄຟຟ້າ ໃນຫວຽດນາມ ກໍາລັງຊອກຫາໂອກາດ ແລະ ກຽມຂະຫຍາຍທຸລະກິດລົດແທັກຊີ່ໄຟຟ້າໄປຍັງ ພາກສ່ວນອື່ນໆຂອງອາຊີຕາເວັນອອກສຽງໃຕ້ ໂດຍມີລາວ ແລະ ກຳປູເຈຍ ເປັນອັນດັບທໍາອິດ.
ຫົວໜ້າບໍລິຫານບໍລິສັດ Green and Smart Mobility (GSM), ທ່ານ Nguyen Van Thanh ກ່າວກັບ The Business Times ວ່າ: ໃນທ້າຍປີນີ້ ທາງບໍລິສັດມີເປົ້າໝາຍ ທີ່ຈະເອົາລົດ ແທັກຊີ່ໄຟຟ້າ ລົງໄປໃນຖະໜົນຂອງສອງປະເທດ
ທ່ານ Nguyen Van Thanh ໄດ້ອະທິບາຍຕື່ມອີກວ່າ ເປັນຫຍັງບໍລິສັດຈຶ່ງສຸມໃສ່ຄູ່ຮ່ວມມືອາຊຽນຢ່າງ ລາວ ແລະ ກຳປູເຈຍ. ໂດຍທ່ານກ່າວວ່າ: ລາວ ແລະ ກຳປູເຈຍແມ່ນສອງປະເທດທີ່ໃຫ້ບູລິມະສິດດ້ານການທ່ອງທ່ຽວ.
ໂຄງການດັ່ງກ່າວແມ່ນສອດຄ່ອງກັບຂະບວນການທ່ອງທ່ຽວ Visit Laos 2024 ເຊິ່ງເປັນຂໍ້ລິເລີ່ມທີ່ບັນດາແຂວງຕ່າງໆໃນທົ່ວປະເທດພວມປັບປຸງສະຖານທີ່ທ່ອງທ່ຽວເພື່ອອໍານວຍຄວາມສະດວກ ເພື່ອຕ້ອນຮັບນັກທ່ອງທ່ຽວໃນປີໜ້າ.
ໃນປີທ່ອງທ່ຽວລາວ 2024 ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຕັ້ງເປົ້າໝາຍດຶງດູດນັກທ່ອງທ່ຽວໃຫ້ໄດ້ 4,6 ລ້ານຄົນຕະຫຼອດປີ. ເປົ້າໝາຍລາຍຮັບແມ່ນ 712 ລ້ານໂດລາສະຫະລັດ.
https://www.facebook.com/photo/?fbid=716346453852544&set=a.364161612404365
ຕິດຕາມຂ່າວທັງໝົດຈາກ LaoX: https://laox.la/all-posts/