ຍີ່​ປຸ່ນ​ວາງ​ແຜນ​ຈະ​ສ້າງ​ຕູ້ກົດ​ນ້ຳ​ດື່ມ ທີ່ສາມາດ​ດູດ​ເອົາ​ອາຍພິດຄາ​ບອນ​ໄດອັອກໄຊໄດ້


Asahi Group Holdings ບໍລິສັດນ້ຳອັດລົມໃນໂຕກຽວ ກຳລັງວາງແຜນເພື່ອລົດຜ່ອນການປ່ອຍອາຍພິດຄາບອນ ໂດຍໃຊ້ຕູ້ກົດນ້ຳດື່ມອັດຕະໂນມັດ ເຊິ່ງທາງບໍລິສັດມີແຜນທີ່ຈະເລີ່ມທົດສອບໃນເດືອນມິຖຸນານີ້ ດ້ວຍເຄື່ອງຈັກໃໝ່ທີ່ປະກອບໄປດ້ວຍວັດສະດຸທີ່ສາມາດ “ດູດຊັບອາຍຄາບອນ” ເພື່ອປັບອຸນຫະພູມໃຫ້ກັບເຄື່ອງດື່ມ.

Asahi Group Holdings ບໍລິສັດນ້ຳອັດລົມໄດ້ອະທິບາຍວ່າ ເຄື່ອງຈັກໃໝ່ທີ່ກຳລັງຈົດສິດທິບັດ ຈະມີວັດສະດຸຄ້າຍຄືຜົງສີຂາວທີ່ຜະລິດຈາກທາດປະສົມແຄຊຽມຕ່າງໆ. ໃນເວລາທີ່ດູດຊັບອາຍພິດຄາບອນໄດ້ໃນລະດັບໜຶ່ງແລ້ວ, ຜົງດັ່ງກ່າວຈະຖືກນຳມາໃຊ້ໃນອຸດສາຫະກໍາເຊັ່ນ: ການເຮັດຝຸ່ນ ແລະ ພື້ນທີ່ເພາະປູກສາຫຼ່າຍທະເລ.

ໂດຍການທົດລອງຈະເລີ່ມຈາກການຕິດຕັ້ງຕູ້ປະມານ 30 ໜ່ວຍ ໃນເຂດ Kanto ແລະ Kansai ເຊິ່ງເປັນສ່ວນໜຶ່ງຂອງຄວາມພະຍາຍາມຂອງບໍລິສັດເພື່ອບັນລຸຄວາມເປັນກາງຂອງຄາບອນໃນປີ 2050.

Yoshiie Horii ໂຄສົກຂອງບໍລິສັດກ່າວວ່າ ເຄື່ອງຈັກແຕ່ລະເຄື່ອງສາມາດດູດຊຶມອາຍຄາບອນໄດ້ປະມານ 60 ກິໂລ ຫຼື 20% ຂອງການປ່ອຍອາຍຄາບອນ ເຊິ່ງບໍລິສັດວາງແຜນທີ່ຈະແທນທີ່ເຄື່ອງຈຳໜ່າຍໃນປັດຈຸບັນທັງໝົດ 260.000 ພາຍໃນປີ 2024.

ທີ່ມາ:

ຕິດຕາມຂ່າວທັງໝົດຈາກ LaoX: https://laox.la/all-posts/