ຍັງໄດ້ລຸ້ນ 4 ແຊ້ມ! ແມນຢູ ພິກເກມ ຍິງ 2 ປະຕູ ຂຶ້ນນຳ ເອົາຊະນະ ບາເຊໂລນາ ໄປໄດ້ 2 ປະຕູຕໍ່ 1 ຜ່ານເຂົ້າຮອບຕໍ່ໄປ ໄດ້ສຳເລັດ

ຍັງໄດ້ລຸ້ນ 4 ແຊ້ມ

ເອີ້ນໄດ້ວ່າຮ້ອນແຮງແບບຢຸດບໍ່ຢູ່ ກັບຟອມການຫຼິ້ນ ຂອງ ແມນເຊັສເຕີ້ ຢູໄນເຕັດ ຫຼັງເປີດສະໜາມ Old Trafford ພິກເກມເອົາຊະນະ ບາເຊໂລນາ ທີມຍັກໃຫຍ່ຈາກສະເປນ ໃນເກມ ຢູໂຣປາ ລີກ ຮອບ Playoff ນັດທີ 2 ໄປ 2 ປະຕູຕໍ່ 1 ຜ່ານເຂົ້າໄປໃນຮອບ 16 ທີມໄດ້ສຳເລັດ.

ໂດຍນັດນີ້ ບາເຊໂລນາ ເລີ່ມເກມມາໄດ້ພຽງ 17 ນາທີ ກໍມາໄດ້ປະຕູຂຶ້ນນຳໄປກ່ອນຈາກຈັງຫວະຈຸດໂທດ ທີ່ຍິງໂດຍ ໂຣເບີດ ເລວານໂດສກີ້ ກອງໜ້າເບີ 9 ຂອງບາເຊໂລນາ. ກ່ອນທີ່ທັງ 2 ຈະພະຍາຍາມບຸກກັນເພື່ອເອົາປະຕູ ແຕ່ກໍຍັງເຮັດຫຍັງກັນບໍ່ໄດ້ ແລະ ຈົບເຄິ່ງເວລາທຳອິດ ດ້ວຍສະກໍນີ້.

ຍັງໄດ້ລຸ້ນ 4 ແຊ້ມ

ແຕ່ເມື່ອເລີ່ມເຄິ່ງເວລາທີ 2 ມາ ເບິ່ງຄືວ່າ ນັກເຕະແມນຢູໄດ້ຢາວິເສດ ເພາະເລີ່ມມາພຽງບໍ່ເທົ່າໃດນາທີ ເຟຣັດ ກອງກາງແມນຢູ ທີມຊາດ ບຣາຊິວ ກໍມາຍິງປະຕູຕີສະເໝີໃຫ້ກັບແມນຢູໄດ້ ໃນນາທີ 47 ຂອງເກມ. ຈາກນັ້ນເກມຂອງແມນຢູ ກໍດີຂຶ້ນຕາມລຳດັບ ແລະ ມາໄດ້ປະຕູທີ 2 ຂຶ້ນນຳຈາກ ແອນໂທນີ ປີກລີລາດີ ຂອງແມນຢູ ໃນນາທີ 72 ຂອງເກມ ເຮັດໃຫ້ໂຮງຮູບເງົາແຫ່ງຄວາມຝັນແຫ່ງນີ້ສັ່ນສະເທືອນໄປດ້ວຍສຽງເຮ ແລະ ຄວາມດີໃຈຂອງແຟນໆແມນຢູ.

ຍັງໄດ້ລຸ້ນ 4 ແຊ້ມ

ປະຕູຂອງ ແອນໂທນີ ກາຍເປັນປະຕູໄຊ ຊ່ວຍໃຫ້ ແມນເຊັສເຕີ້ ຢູໄນເນັດ ເອົາຊະນະ ບາເຊໂລນາໄປໄດ້ ດ້ວຍຜົນປະຕູລວມ 4 ຕໍ່ 3 ຜ່ານເຂົ້າຮອບ 16 ທີມສຸດທ້າຍ ໃນ ຢູໂຣປາ ລີກ ຕໍ່ໄປ ແລະ ຮອບຕໍ່ໄປ ຈະໄດ້ພົບກັບທີມໃດນັ້ນ ຈະມີການຈັບສະຫຼາກຂຶ້ນໃນວັນທີ 24 ກຸມພານີ້.

ມາຮອດປັດຈຸບັນ ຖືໄດ້ວ່າ ແມນຢູ ເປັນທີມດຽວຈາກອັງກິດ ທີ່ຍັງມີລຸ້ນໃນທຸກໆ ລາຍການທີ່ລົງຫຼິ້ນ ບໍ່ວ່າຈະເປັນ Premier League, Carabao Cup, FA Cup ແລະ  Europa League.

ຍັງໄດ້ລຸ້ນ 4 ແຊ້ມ

ໂດຍໃນການແຂ່ງຂັນນັດຕໍ່ໄປຂອງ ແມນຢູ ນັ້ນແມ່ນ ໂອກາດທີ່ຈະຄວ້າແຊ້ມທຳອິດ ໃນລະດູການນີ້ ໂດຍການລົງຫຼິ້ນນັດຊິງຊະນະເລີດ ລາຍການ Carabao Cup ພົບກັບສະໂມສອນ ນິວ ຄາສເຊີ ຢູໄນເຕັດ ໃນວັນອາທິດ ທີ 26 ກຸມພານີ້ ເວລາ 23:30.

ຂອບໃຈຂໍ້ມູນຈາກ: https://bit.ly/3KzNRzY

ຕິດຕາມຂ່າວທັງໝົດຈາກ LaoX: https://laox.la/all-posts/