ຫ້ອງການ ກະຊວງການເງິນ ອອກແຈ້ງການ ການນໍາໃຊ້ ເຄື່ອງໝາຍຫົວໜ່ວຍຕົວເລກ ຕາມທີ່ໄດ້ກໍານົດໄວ້ໃນມາດຕາ 07 ຂອງກົດໝາຍວ່າດ້ວຍ ການບັນຊີ (ສະບັບປັບປຸງ) ກຳນົດໃໝ່ໃຫ້ ໃຫ້ໃຊ້ຈຸດ (,) ໃນຕົວເລກເຕັມ ແລະ ໃຊ້ຈໍ້າ (.) ໃນຕົວເລກເສດ ໃນການບັນຊີທຸກຂະແໜງການ.
ໂດຍ ເອກະສານດັ່ງກ່າວ ລະບຸວ່າ:
1. ການບັນທຶກບັນຊີ, ເອກະສານບັນຊີ ແລະ ເອກະສານລາຍງານການເງິນ ຂອງຫົວໜ່ວຍຖືບັນຊີ ຕ້ອງນໍາໃຊ້ເຄື່ອງ ໝາຍຫົວໜ່ວຍຕົວເລກ ເຊັ່ນ: ພັນ, ໝື່ນ, ແສນ, ລ້ານ, ຕື້ ຂຶ້ນໄປໃຫ້ນໍາໃຊ້ເຄື່ອງໝາຍຈຸດ ( , ) ແລະ ຈໍານວນເສດສ່ວນໃຫ້ນໍາໃຊ້ເຄື່ອງໝາຍຈໍ້າ ( . ) ເຂົ້າໃນການຈັດຕັ້ງປະຕິບັດວຽກງານບັນຊີ ນັບແຕ່ປີການບັນຊີ 2024 ເປັນຕົ້ນໄປ. ໃນກໍລະນີ, ຫົວໜ່ວຍຖືບັນຊີ ດໍາເນີນວຽກງານບັນຊີ ທີ່ບັນທຶກດ້ວຍມື ແມ່ນໃຫ້ເລີ່ມແຕ່ວັນທີ 01 ມິຖຸນາ 2024 ເປັນຕົ້ນໄປ;
2. ສໍາລັບໂປຣແກຣມບັນຊີແຫ່ງລັດ ແລະ ໂປຣແກຣມບັນຊີວິສາຫະກິດ ທີ່ໄດ້ຮັບອະນຸຍາດຈາກກະຊວງການເງິນ ໃນໄລະຍະຜ່ານມາ ຕ້ອງປັບປຸງເຄື່ອງໝາຍຫົວໜ່ວຍຕົວເລກ ເຊັ່ນ: ພັນ, ໝື່ນ, ແສນ, ລ້ານ, ຕື້ ຂຶ້ນໄປ ໃຫ້ນໍາໃຊ້ ເຄື່ອງໝາຍຈຸດ ( , ) ແລະ ຈໍານວນເສດສ່ວນໃຫ້ນໍາໃຊ້ເຄື່ອງໝາຍຈໍ້າ ( . ) ໃຫ້ສໍາເລັດ ແລະ ຕ້ອງສະເໜີກົມຄຸ້ມຄອງການບັນຊີກະຊວງການເງິນ ເພື່ອທົດສອບຄວາມຖືກຕ້ອງຂອງໂປຣແກຣມບັນຊີ ກ່ອນນໍາໃຊ້ ແລະ ຈໍາໜ່າຍທົ່ວໄປ ຕາມລະບຽບກົດໝາຍ.
ຕິດຕາມຂ່າວທັງໝົດຈາກ LaoX: https://laox.la/all-posts/
 ໃນຕົວເລກເຕັມ ແລະ ໃຊ້ຈໍ້າ (.) ໃນຕົວເລກເສດ ໃນການບັນຊີທຸກຂະແໜງການ){kind=link}