ເມື່ອບໍ່ດົນມານີ້, ອາຈານ ຕ້ຳ ພິຣິຍະ ສຳພັນທາຣັກ – ຜູ້ອຳນວຍການໃຫຍ່ ບໍລິສັດ Chaloke Dot Com ໄດ້ໃຫ້ສຳພາດສົດກັບ Trader KP ໂດຍໄດ້ແບ່ງປັນມຸມມອງຂອງລາວກ່ຽວກັບເງິນໂດລາທີ່ກຳລັງເສື່ອມຄ່າ ແລະ ລວມທັງມູນຄ່າຂອງເງິນ Fiat ທີ່ກຳລັງສູນເສຍມູນຄ່າຢ່າງຕໍ່ເນື່ອງ.
ໂດຍສາມາດສະຫຼຸບໄດ້ 5 ເຫດຜົນຫຼັກໆທີ່ອາດຈະສົ່ງຜົນຕໍ່ສະຖຽນລະພາບຕໍ່ເງິນໂດລາດັ່ງນີ້:
- ການອັດສີດເງິນເຂົ້າສູ່ລະບົບ: ລັດຖະບານໄດ້ປະຕິບັດນະໂຍບາຍຜ່ອນຄາຍເງິນຕາເພື່ອກະຕຸ້ນເສດຖະກິດ. ສົ່ງຜົນໃຫ້ປະລິມານເງິນໃນຕະຫຼາດເພິ່ມຂຶ້ນແຕ່ການໃຊ້ຈ່າຍກັບຫຼຸດລົງ. ສິ່ງນີ້ສາມາດນໍາໄປສູ່ອັດຕາເງິນເຟີ້ ແລະ ການເສື່ອມລາຄາຂອງເງິນໂດລາ. ໃນທາງກົງກັນຂ້າມ, ຖ້າລັດຖະບານໃຊ້ນະໂຍບາຍການເງິນທີ່ເຄັ່ງຄັດ ເງິນໂດລາກໍມີແນວໂນ້ມທີ່ຈະແຂງຄ່າຂຶ້ນ.
- ພາລະໜີ້ສິນ: ພາລະໜີ້ສິນຂອງສະຫະລັດທີ່ສູງ ກຳລັງກົດດັນຄ່າເງິນໂດລາ
- ຄວາມບໍ່ສະເໝີພາບ: ຊ່ອງວ່າງທີ່ເພີ່ມຂຶ້ນລະຫວ່າງຄົນຮັ່ງມີ ແລະ ຜູ້ທຸກຍາກ. ສົ່ງຜົນກະທົບຕໍ່ກຳລັງການຊື້ຂອງປະຊາຊົນໂດຍລວມ
- ຕະຫຼາດແຮງງານ: ຕະຫຼາດແຮງງານທີ່ເຄັ່ງຕຶງ. ປະຊາຊົນຈຳນວນຫຼາຍຕ້ອງເຮັດວຽກຫຼາຍຢ່າງເພື່ອຫາເງິນພຽງພໍກັບການດຳລົງຊີວິດ. ສິ່ງນີ້ອາດຈະສົ່ງຜົນກະທົບຕໍ່ຄວາມໝັ້ນຄົງທາງສັງຄົມ ແລະ ເສດຖະກິດ.
- ການແຂ່ງຂັນ: ເສດຖະກິດໂລກມີການປ່ຽນແປງຢ່າງໄວວາ, ປະເທດອື່ນໆກໍາລັງເລີ່ມມີບົດບາດຫຼາຍຂຶ້ນໃນດ້ານເສດຖະກິດ. ສົ່ງຜົນກະທົບຕໍ່ຄວາມສໍາຄັນຂອງເງິນໂດລາໃນຖານະສະກຸນເງິນສຳຮອງຂອງໂລກ.
ນອກຈາກນີ້, ສະພາບເສດຖະກິດຂອງສະຫະລັດ ຍັງມີຜົນກະທົບຕໍ່ມູນຄ່າຂອງເງິນໂດລາ. ຖ້າເສດຖະກິດສະຫະລັດ ເຕີບໃຫຍ່ເຂັ້ມແຂງ ເງິນໂດລາມີແນວໂນ້ມທີ່ຈະແຂງຄ່າຂຶ້ນ. ໃນທາງກົງກັນຂ້າມ, ຖ້າເສດຖະກິດຂອງສະຫະລັດຊະລໍຕົວລົງ, ເງິນໂດລາມີແນວໂນ້ມທີ່ຈະອ່ອນຄ່າລົງເຊັ່ນກັນ.
ສະຫະລັດມີການຂາດດຸນການຄ້າເປັນເວລາຍາວນານ. ນີ້ໝາຍຄວາມວ່າການນໍາເຂົ້າສິນຄ້າ ແລະ ການບໍລິການຫຼາຍກ່ວາການສົ່ງອອກ ເຊິ່ງອາດຈະສົ່ງຜົນກະທົບຕໍ່ມູນຄ່າຂອງເງິນໂດລາໃນໄລຍະຍາວ.
ທັງນີ້, ຄວາມສ່ຽງທາງດ້ານພູມສາດ ເຊັ່ນ: ສົງຄາມ ຫຼື ຄວາມເຄັ່ງຕຶງທາງດ້ານການເມືອງ ກໍອາດຈະສົ່ງຜົນກະທົບຕໍ່ມູນຄ່າຂອງເງິນໂດລາ. ນັກລົງທຶນມັກຈະເບິ່ງເງິນໂດລາເປັນຊັບສິນທີ່ປອດໄພ ໃນເວລາທີ່ບໍ່ແນ່ນອນ
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
