ຟິລິບປິນມີໂອກາດແຊງໜ້າສິງກະໂປຂຶ້ນເປັນສູນຄາສິໂນໃຫຍ່ອັນດັບສອງຂອງອາຊີ. ພາຍໃນປີ 2025, ຟິລິບປິນມີແນວໂນ້ມທີ່ຈະເອົາຊະນະສິງກະໂປຂຶ້ນເປັນຈຸດໝາຍປາຍທາງການດຳເນີນທຸລະກິດຄາສິໂນທີ່ໃຫຍ່ເປັນອັນດັບສອງຂອງອາຊີຖັດຈາກມາເກົາ, ຕາມທີ່ອົງການຄຸ້ມຄອງຄາສິໂນຂອງລັດຖະບານຟິລິບປິນໄດ້ຄາດການໄວ້.
ການຂະຫຍາຍຕົວນີ້ຄາດວ່າຈະໄດ້ຮັບການຂັບເຄື່ອນຈາກຫຼາຍປັດໄຈ ລວມທັງການເປີດຣີສອດແບບຄົບວົງຈອນແຫ່ງໃໝ່ໃນມະນີລາໃນທ້າຍປີນີ້. ນອກຈາກນັ້ນ, ອົງການດັ່ງກ່າວຍັງວາງແຜນທີ່ຈະຂາຍຄາສິໂນທີ່ດໍາເນີນການໂດຍລັດຖະບານ ພາຍໃນຕົ້ນປີ 2026 ເຊັ່ນກັນ.
ຟິລິບປິນຕັ້ງເປົ້າທີ່ຈະໄດ້ຮັບລາຍຮັບຈາກການພະນັນ 336 ຕື້ເປໂຊ (6.1 ຕື້ໂດລາສະຫະລັດ) ໃນປີ 2024, ເຊິ່ງຫຼາຍກວ່າລາຍຮັບຈາກການພະນັນຂອງສິງກະໂປ 815 ຕື້ໂດລາສະຫະລັດ (ປະມານ 220 ຕື້ໂດລາສະຫະລັດ). ແນວໃດກໍດີ, ສິງກະໂປຍັງບໍ່ທັນໃຫ້ຄວາມເຫັນກ່ຽວກັບການກ່າວອ້າງດັ່ງກ່າວ.
ໃນປັດຈຸບັນ, ຟິລິບປິນກໍາລັງເພິ່ງພາຄາສິໂນ ແລະ ຣີສອດແບບຄົບວົງຈອນເພື່ອດຶງດູດນັກທ່ອງທ່ຽວຕ່າງປະເທດ, ທັງນີ້ກໍຍ້ອນວ່າຈຳນວນນັກທ່ອງທ່ຽວໄດ້ຮັບຜົນກະທົບຢ່າງໜັກໜ່ວງຈາກການລະບາດຂອງພະຍາດໂຄວິດ-19. ເຊິ່ງໃນປີນີ້ຟິລິບປິນຕັ້ງເປົ້າທີ່ຈະດຶງດູດນັກທ່ອງທ່ຽວຕ່າງປະເທດ 7.7 ລ້ານຄົນໃນປີນີ້, ເພີ່ມຂຶ້ນຈາກ 5.45 ລ້ານຄົນໃນປີ 2023, ແຕ່ຍັງຕໍ່າກວ່າ 8.26 ລ້ານຄົນໃນປີ 2019 ເຊິ່ງເປັນໄລຍະກ່ອນການລະບາດຂອງໂຣກລະບາດ.
ເຖິງແມ່ນວ່າຈຳນວນນັກທ່ອງທ່ຽວຈີນໄດ້ຫຼຸດລົງ ແຕ່ກໍບໍ່ສາມາດຊະລໍການເຕີບໂຕຂອງຄາສິໂນອຸດສາຫະກຳນີ້ໄດ້. ເນື່ອງຈາກຄາສິໂນໃນຟີລິບປິນຄາດວ່າຈະດຶງດູດນັກທ່ອງທ່ຽວພາຍໃນປະເທດ. ລວມທັງນັກທ່ອງທ່ຽວຈາກເກົາຫຼີໃຕ້, ຍີ່ປຸ່ນ, ມາເລເຊຍ ແລະ ສິງກະໂປອີກດ້ວຍ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
