![](https://laox.la/wp-content/uploads/2023/06/image-29-824x1024.png)
ຊາວ V.I.P (ຊື່ແຟນຄລັບຂອງວົງ BIGBANG) ພາກັນຊ໋ອກໄປຕາມໆກັນ ເມື່ອ T.O.P ຫຼື Choi Seung-hyun Rapper ຊື່ດັງ ແລະ ອ້າຍໃຫຍ່ແຫ່ງວົງ BIGBANG ໄດ້ອອກມາຢືນຢັນຜ່ານການຕອບຂໍ້ຄວາມຂອງແຟນຄລັບ ວ່າຕົນເອງໄດ້ອອກຈາກຄ້າຍຕົ້ນສັງກັດ YG Entertainment ແລະ ໄດ້ອອກຈາກວົງ BIGBANG ເປັນທີ່ຮຽບຮ້ອຍແລ້ວ.
![](https://laox.la/wp-content/uploads/2023/06/image-26.png)
ຫຼັງຈາກຕົ້ນປີ 2022 ທີ່ຜ່ານມາ ເຄີຍອອກມາປະກາດວ່າໄດ້ອອກຈາກຄ້າຍຕົ້ນສັງກັດ YG Entertainment ແລ້ວ ຫຼັງຈາກຢູ່ພາຍໃຕ້ສັງກັດມາດົນຫຼາຍກວ່າ 15 ປີ ເຊິ່ງໃນເວລານັ້ນທາງຄ້າຍເອງກໍໄດ້ຖະແຫຼງການວ່າ ເຖິງແມ່ນວ່າ TOP ເອງຈະອອກຈາກຄ້າຍແຕ່ກໍຍັງຮ່ວມເຮັດຜົນງານນຳວົງຢູ່.
![](https://laox.la/wp-content/uploads/2023/06/image-27.png)
ແຕ່ຫຼ້າສຸດ TOP ໄດ້ອອກມາຢືນຢັນວ່າຕົນເອງໄດ້ອອກຈາກວົງ BIGBANG ເປັນທີ່ຮຽບຮ້ອຍ ຫຼັງຈາກເຈົ້າຕົວໄດ້ອອກມາອັບເດດຄວາມເຄື່ອນໄຫວວ່າຍັງຄົງເດີນໜ້າເຮັດຜົນງານເພງຢຸ່ ຈົນມີແຟນຄລັບມາComment ຖາມວ່າຍັງຢູ່ໃນວົງຢູ່ບໍ່? ເຊິ່ງໜຸ່ມ TOP ເອງກໍອອກມາຕອບຢ່າງກົງໄປກົງມາວ່າ ຕົນເອງໄດ້ອອກຈາກວົງແລ້ວ ແລະ ກຳລັງກ້າວສູ່ເສັ້ນທາງໃໝ່ຂອງຊີວິດ ຕັ້ງແຕ່ປີກ່ອນ ແຖມຍັງໄດ້ເຮັດການຣີໂພສຂໍ້ຄວາມຈາກສຳນັກຂ່າວເກົາຫຼີໃຕ້ທີ່ໄດ່ກ່າວເຖິງ ໃນຖານະສະມາຊິກວົງ BIGBANG ພ້ອມກັບຂີດຂ້າຂໍ້ຄວາມຄຳວ່າ BIGBANG ອອກ ເປັນການປະກາດວ່າຕົນໄດ້ອອກຈາກວົງ ແລະ ບໍ່ໄດ້ເປັນສະມາຊິກຂອງວົງແລ້ວ.
![](https://laox.la/wp-content/uploads/2023/06/image-28.png)
ໂດຍຍັງມີການຕອບແຟນຄັບສັ້ນໆອີກວ່າ “ງານດ່ຽວ” ຫຼື ອາດຈະເປັນເສັ້ນທາງໃໝ່ທີ່ເລືອກແລ້ວ ຢ່າງໃດເຊື່ອວ່າແຟນໆຫຼາຍໆຍັງຄົງລໍຖ້າຜົນງານເພງໃໝ່ຂອງໜຸ່ມ TOP ກັນຢູ່ຢ່າງແນ່ນອນ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/