ເມື່ອຮອດໄລຍະທ້າຍປີເປັນເລື່ອງປະຈຳຢູ່ແລ້ວທີ່ທາງ Pantone ບໍລິສັດຊື່ດັງທີ່ດໍາເນີນກິດຈະກຳກ່ຽວກັບສີແລະສິ່ງພິມລາຍໃຫຍ່ຂອງໂລກຈະອອກມາເລືອກສີໃຫ້ກັບປີທີ່ຈະມາຮອດ ແລະ ສຳລັບປີ 2023 ນີ້ທາງ Pantone ໄດ້ເລືອກໃຫ້ສີແດງເຂັ້ມລະຫັດ Pantone 18-1750 Viva Magenta ກາຍເປັນ Pantone of the Year 2023 ຫຼື ສີປະຈໍາປີ 2023.
![pantone-ປະກາດໃຫ້ສີແດງເຂັ້ມ-18-1750-viva-magenta](https://laox.la/wp-content/uploads/2022/12/image-54.png)
![pantone-ປະກາດໃຫ້ສີແດງເຂັ້ມ-18-1750-viva-magenta](https://laox.la/wp-content/uploads/2022/12/image-55.png)
ສາເຫດທີ່ເລືອກສີນີ້ Pantone ໄດ້ໃຫ້ເຫດຜົນວ່າ ເພາະ Viva Magenta ເປັນສີທີ່ແປກໃໝ່ທີ່ສື່ເຖິງຄວາມແຂງແກ່ນ ແລະ ມີຊີວິດຊີວາ. ພ້ອມນັ້ນ ມັນຍັງເປັນສີແດງໂທນອຸ່ນທີ່ໃຫ້ຄວາມຮູ້ສຶກອົບອຸ່ນ ຂະນະດຽວກັນກໍມີໂທນແດງຢູ່ໃນຕົວ ເຊິ່ງເໝາະແກ່ການວາງສົມດຸນ, ດຶງດູດທັງກາຍ ແລະ ຈິດໃຈ ສື່ເຖິງຄວາມກ້າຫານທີ່ໄຮ້ຄວາມຢ້ານກົວ ແລະ ສົ່ງເສີມຄວາມມ່ວນຊື່ນ, ເບິ່ງໂລກໃນແງ່ດີ ພ້ອມທີ່ຈະໃຫ້ເຮົາຂຽນເລື່ອງລາວໃໝ່ໆ.
![pantone-ປະກາດໃຫ້ສີແດງເຂັ້ມ-18-1750-viva-magenta](https://laox.la/wp-content/uploads/2022/12/image-56.png)
Leatrice Eiseman ຜູ້ອຳນວຍການບໍລິຫານຂອງ Pantone Color Institute ໄດ້ກ່າວວ່າ “ເຮົາເລືອກສີນີ້ເພາະຮູ້ສຶກວ່າມັນເປັນໂທນສີທີ່ແປກໃໝ່ໃນໄລຍະເວລາທີ່ບໍ່ທຳມະດາ ເຊິ່ງເປັນການນຳສະເໜີວິໄສທັດໃໝ່ໃຫ້ກັບເຮົາ ແລະສີນີ້ເປັນສິ່ງທີ່ສັ່ນສະເທືອນ ເຕັມໄປດ້ວຍພະລັງແລະຄວາມຫ້າວຫັນ ສະແດງໃຫ້ເຫັນເຖິງສັນຍານໃໝ່ແຫ່ງຄວາມແຂງແກ່ນ ເຊິ່ງເປັນສິ່ງທີ່ເຮົາທຸກຄົນຕ້ອງການສຳລັບອະນາຄົດໃນປີນີ້”
“ເຮົາຫວັງວ່າ Viva Magenta ຈະຊ່ວຍສ້າງໂລກບໍ່ຢຸດ ກະຕຸ້ນໃຫ້ເກີດການທົດລອງ ເຮັດໃຫ້ຈິດວິນຍານກ້າທີ່ຈະສຳຫຼວດສິ່ງແປກໃໝ່ໃນອະນາຄົດ” Leatrice Eiseman ກ່າວ.
ສຳລັບໃຜທີ່ຢາກຮູ້ລາຍລະອຽດຂອງສີແດງເຂັ້ມ Pantone 18-1750 Viva Magenta ໄດ້ທີ່: https://cutt.ly/V1CoGUb
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/