ຄະນະຜູ້ແທນຈາກປະເທດ ອັງກິດ ນຳໂດຍ ທ່ານນາງ Melanie Barlow ເອກອັກຄະຣາຊະທູດອັງກິດປະຈຳລາວ ໄດ້ໄປຢ້ຽມຢາມເຂດເສດຖະກິດພິເສດສະຫວັນນະເຂດໂຊນ C ແລະ ທ່າບົກສະຫວັນນະເຂດ ພ້ອມແນມຫາໂອກາດການລົງທຶນຈາກອັງກິດ ເຂົ້າມາໃນເຂດດັ່ງກ່າວຕື່ມອີກ.
ໂອກາດດັ່ງກ່າວໃຫ້ການຕ້ອນຮັບໂດຍ ທ່ານ ທະນົງໄຊ ສຸກຄຳທາ ຫົວໜ້າບໍລິຫານ ເຂດເສດຖະກິດພິເສດສະຫວັນນະເຂດ ແລະ ບັນດັາຫົວໜ້າໜ່ວຍງານ ແລະ ຫຼາຍຂົງເຂດເຂົ້າຮ່ວມ.
ທ່ານນາງ Melanie Barlow ໄດ້ຊົມເຊີຍການພັດທະນາເຂດ SEZ ສະຫວັນນະເຂດ ແລະ ຜົນສຳເລັດຂອງຕົນ. ໂດຍຄະນະຜູ້ແທນໄດ້ສະແດງຄວາມສົນໃຈເປັນພິເສດຕໍ່ການລົງທຶນຢູ່ເຂດເສດຖະກິດພິເສດສະຫວັນນະເຂດ, ໂດຍສະເພາະເຂດ ໂຊນ C ແລະ ທ່າບົກສະຫວັນນະເຂດ ໂດຍໄດ້ຊັກຖາມກ່ຽວກັບຂະບວນການລົງທຶນ, ສິ່ງອຳນວຍຄວາມສະດວກ, ເງື່ອນໄຂຄວາມສາມາດບົ່ມຊ້ອນຂອງນັກລົງທຶນ, ນະໂຍບາຍສົ່ງເສີມການລົງທຶນ ແລະ ສະຖານທີ່ອື່ນໆຂອງນັກລົງທຶນ.
ທ່ານເອກອັກຄະຣາຊະທູດ ບາໂລວ ພ້ອມດ້ວຍຄະນະ ໄດ້ໄປຢ້ຽມຢາມເຂດເສດຖະກິດພິເສດສະຫວັນນະເຂດ C ເພື່ອສັງເກດເບິ່ງລະບົບການຂົນສົ່ງ, ຂະບວນການເອກະສານ ແລະ ລະບົບອື່ນໆ.
ພາຍຫຼັງການໄປທັດສະນະດັ່ງກ່າວ, ທ່ານເອກອັກຄະຣາຊະະທູດກ່າວວ່າ, ນາງເຊື່ອໝັ້ນວ່າເຂດ SEZ ສະຫວັນນະເຂດ ຈະສາມາດດຶງດູດນັກລົງທຶນເຂົ້າມາລົງທຶນໄດ້ຫຼາຍຂຶ້ນ ເນື່ອງຈາກສະຖານທີ່ຍຸດທະສາດ ແລະ ຄວາມເອົາໃຈໃສ່ຂອງຜູ້ພັດທະນາສະຖານທີ່, ເຊິ່ງຈະຊ່ວຍເລັ່ງການພັດທະນາເຂດດັ່ງກ່າວ.
Melanie Barlow ເຜີຍວ່າຈະຊຸກຍູ້ໃຫ້ບໍລິສັດອັງກິດຕັ້ງທຸລະກິດຢູ່ເຂດດັ່ງກ່າວເພື່ອແນໃສ່ສົ່ງອອກສິນຄ້າໄປອັງກິດ.
ເຂດເສຖກິດພິເສດ ສະຫວັນນະເຂດ (ໂຊນ C) ເປັນເຂດຍຸດທະສາດ ແລວເສດຖະກິດຕາເວັນອອກ-ຕາເວັນຕົກ ແລະ ໄດ້ຮັບການພັດທະນາ ຈາກເນື້ອທີ່ 234 ເຮັກຕາ ກາຍເປັນສູນອຸດສາຫະກຳ, ການຄ້າ ແລະ ການຂົນສົ່ງ.
ເນື່ອງຈາກການສ້າງຕັ້ງທີ່ຕັ້ງຍຸດທະສາດຂອງ EWEC ໂດຍອົງການຮ່ວມມືສາກົນຍີ່ປຸ່ນ (JICA), ເຂດເສດຖະກິດພິເສດສະຫວັນໄດ້ບັນລຸຄວາມສາມາດບົ່ມຊ້ອນໃນການພັດທະນາເຂດອຸດສາຫະກຳການຄ້າເສລີ.
ປັດຈຸບັນນີ້ ມີຫຼາຍບໍລິສັດໃນພາກພື້ນ ພວມພິຈາລະນາລົງທຶນໃນລາວ ເນື່ອງຈາກມີແຮງຈູງໃຈທີ່ສະເໜີໃຫ້, ສະຖຽນລະພາບທາງດ້ານການເມືອງຂອງປະເທດ, ຄ່າໃຊ້ຈ່າຍໃນການລົງທຶນເບື້ອງຕົ້ນຕໍ່າ ແລະ ພາສີນຳເຂົ້າທີ່ຕໍ່າ.
ທ່າບົກແມ່ນຕັ້ງຢູ່ແລວເສດຖະກິດຕາເວັນອອກ-ຕາເວັນຕົກຢູ່ຫ່າງຈາກຫວຽດນາມ 1.450 ກິໂລແມັດ.
ແລວເສດຖະກິດດັ່ງກ່າວຈະຜ່ານແຂວງສະຫວັນນະເຂດ ແລະ ປະເທດໄທ ແລະ ສິ້ນສຸດທີ່ເມືອງມົລມະນີ, ມຽນມາ, ແລະ ເຊື່ອມຕໍ່ທະເລອັນດາມັນ ແລະ ທະເລຈີນໃຕ້.
ປັດຈຸບັນເຂດດັ່ງກ່າວມີ 82 ບໍລິສັດໄດ້ລົງທະບຽນຢູ່ໃນເຂດ SEZ ສະຫວັນນະເຂດ, ໄດ້ເສຍພາສີເປັນຈໍານວນຫຼວງຫຼາຍໃຫ້ແກ່ລັດຖະບານ ແລະ ຊ່ວຍຍົກລະດັບຊີວິດການເປັນຢູ່ຂອງຊຸມຊົນທ້ອງຖິ່ນ, ທັງເປັນການຊຸກຍູ້ການສົ່ງອອກ.
ຕິດຕາມຂ່າວທັງໝົດຈາກ LaoX: https://laox.la/all-posts/
