CATL ຜູ້ຜະລິດແບັດເຕີຣີລົດໄຟຟ້າ (EV) ລາຍໃຫຍ່ຂອງຈີນ ໄດ້ເປີດຕົວແບັດເຕີຣີ lithium iron phosphate (LFP) ໃໝ່ຫຼ້າສຸດຂອງຕົນໃນວັນພະຫັດທີ່ຜ່ານມາ. ເຊິ່ງສາມາດຮອງຮັບໄລຍະການຂັບຂີ່ໄດ້ຫຼາຍກວ່າ 1,000 ກິໂລແມັດ (621 ໄມ) ໃນການສາກພຽງຄັ້ງດຽວ.
“Shenxing Plus ຖຶເປັນແບັດເຕີຣີ LFP ທໍາອິດຂອງໂລກທີ່ມີປະສິດທິພາບດີເລີດ” Gao Huan, ຫົວໜ້າເຕັກໂນໂລຊີຂອງພະແນກຍານພາຫະນະໄຟຟ້າຂອງ CATL ເປີດເຜີຍໃນກອງປະຊຸມຂ່າວທີ່ງານວາງສະແດງລົດໃຫຍ່ທີ່ປັກກິ່ງ.
ແບັດເຕີຣີ LFP ໄດ້ຖືກຍົກຍ້ອງວ່າມີຄວາມເປັນມິດກັບສິ່ງແວດລ້ອມຫຼາຍກວ່າແບັດເຕີຣີ lithium-ion ແບບດັ້ງເດີມທີ່ໃຊ້ໃນ EVs.
“ໃນປັດຈຸບັນ, ແບດເຕີຣີຮຸ່ນ Shenxing ໄດ້ຖືກນໍາໃຊ້ໃນລົດ 4 ຮຸ່ນ, ໂດຍສາມາດແລ່ນໄດ້ໄກເຖິງ 700 ກິໂລແມັດ ແລະ ຄາດວ່າຈະຕິດຕັ້ງໃນລົດຫຼາຍກວ່າ 50 ຮຸ່ນໃນທ້າຍປີນີ້” Gao ກ່າວຕື່ມ.
CATL ຫຼື Contemporary Amperex Technology ເຊິ່ງແມ່ນຜູ້ຜະລິດແບັດເຕີຣີລົດ EV ລາຍໃຫຍ່ທີ່ສຸດຂອງໂລກ ໄດ້ລາຍງານວ່າຜົນກໍາໄລທີ່ພິກກັບມາເຕີບໂຕອີກຄັ້ງໃນໄຕມາດທີ 1. ຫຼັງຈາກທີ່ປະເຊີນກັບພາວະການຫຼຸດລົງຂອງກໍາໄລປະຈໍາໄຕມາດທໍາອິດນັບຕັ້ງແຕ່ 2022 ເປັນຕົ້ນມາ, ທ່າມກາງຄວາມຕ້ອງການທີ່ຊະລໍຕົວລົງ ແລະ ການແຂ່ງຂັນທີ່ເພິ່ມທະວີຄວາມຮຸນແຮງ.
ອີງຕາມການຄົ້ນຄວ້າຂອງ Counterpoint Research ບໍລິສັດຄົ້ນຄວ້າຕະຫຼາດ ຜູ້ຜະລິດແບດເຕີຣີຂອງຈີນ, ລວມທັງ CATL ໄດ້ມີການເຕີບໂຕໄວກວ່າຄູ່ແຂ່ງ. ໂດຍກວມເອົາອັດຕາສ່ວນຫຼາຍກວ່າສອງສ່ວນສາມຂອງຜູ້ຜະລິດແບັດເຕີຣີລົດ EV ທົ່ວໂລກໃນປີກາຍນີ້.
ເມື່ອເດືອນມີນາທີ່ຜ່ານມາ, ປະທານ CATL ໄດ້ເປີດເຜີຍວ່າບໍລິສັດກໍາລັງປຶກສາຫາລືກ່ຽວກັບການສ້າງຕັ້ງສູນຄົ້ນຄວ້າ ແລະ ການພັດທະນາຢູ່ໃນຮ່ອງກົງ. ເພື່ອສະໜັບສະໜູນການສົ່ງອອກເຕັກໂນໂລຊີ
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
