Binance ໄດ້ປະກາດໂປຣໂມຊັນເທຣດເເບບບໍ່ເສຍຄ່າທຳນຽມໃນຄູ່ເທຣດທັງໝົດຂອງ TrueUSD (TUSD), ນັກເທຣດທັງຫຼາຍຈະໄດ້ຮັບຜົນປະໂຫຍດຈາກການເທຣດຟຣີໂດຍບໍ່ເສຍຄ່າທຳນຽມໃນຄູ່ເທຣດທັງໝົດຂອງ TUSD ທັງໃນ spot ເເລະ margin, ໂດຍຜູ້ໃຊ້ສາມາດເທຣດໃນຄູ່ເງິນຂອງ TUSD ໄດ້ໂດຍບໍ່ເສຍຄ່າທຳນຽມໃດໆຕະຫຼອດເວລາທີ່ກຳນົດ ເຊິ່ງໂປຣໂມຊັນຈະເລີ່ມຕັ້ງເເຕ່ວັນທີ 30 ມິຖຸນາເປັນຕົ້ນໄປ.
ການປະກາດນີ້ເກີດຂຶ້ນຫຼັງຈາກ Binance ໄດ້ສ້າງໂທເຄັນຫຼາຍກວ່າ 1 ຕື້ໂດລາໃນ TUSD ຈາກເຄືອຂ່າຍ Tron ໃນອາທິດທີ່ຜ່ານມາ ອີງຕາມຂໍ້ມູນຈາກ Arkham Intelligence.
ເຖິງເເມ່ນວ່າການພັດທະນາຈະເກີດຂຶ້ນທ່າມກາງຄວາມປັ່ນປ່ວນຈາກການປະເຊີນກັບການດຳເນີນຄະດີໃນຫຼາຍປະເທດກໍຕາມ, ເເຕ່ Binance ກໍໄດ້ສະເເດງເຖິງຄວາມຕັ້ງໃຈທີ່ຈະເພີ່ມກໍລະນີການໃຊ້ງານໃຫ້ກັບຫຼຽນ Stable Coin TUSD ໃນເເພລັດຟອມຂອງຕົນ
ໂດຍ TUSD ແມ່ນ Stablecoin ທີ່ມີມູນຄ່າຕະຫຼາດຫຼາຍທີ່ສຸດເປັນອັນດັບ 5 ຂອງໂລກທີ່ອອກໂດຍ ArchBlock, ປະຈຸບັນກະເປົາເງິນ Crypto ຂອງ Binance ຖືຄອງຫຼຽນ TUSD ກວມເອົາ 90% ຂອງມູນຄ່າຕະຫຼາດທັງໝົດ ຄິດເປັນເງິນເເມ່ນ 3,1 ຕື້ໂດລາ, ອີງຕາມ Arkham Intelligence.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
