Knight Frank ທີ່ປຶກສາດ້ານອະສັງຫາລິມະຊັບເປີດເຜີຍວ່າ ຫວຽດນາມໄດ້ມີກຸ່ມປະຊາກອນທີ່ຢູ່ໃນລະດັບຄວາມຮັ່ງມີສູງ (ultra-high-net-worth) ໂດຍມີຊັບສິນສຸດທິຫຼາຍກວ່າ 30 ລ້ານໂດລາສະຫະລັດ, ສົ່ງຜົນໃຫ້ປະເທດຫວຽດນາມກາຍເປັນອັນດັບ 5 ໃນພາກພື້ນອາຊີປາຊີຟິກສຳລັບການຂະຫຍາຍຕົວທີ່ໄວທີ່ສຸດ ແລະ ຄາດວ່າຈຳນວນກຸ່ມປະຊາກອນດັ່ງກ່າວຈະເພີ່ມຂຶ້ນ 30% ຈາກ 752 ຄົນເປັນ 1,000 ຄົນໃນປີ 2028, ແຊງໜ້າເກົາຫຼີໃຕ້ (29,5%), ຮ່ອງກົງ (22,4%) ແລະ ສິງກະໂປ (15,7%).
ໃນປີ 2023, ຈຳນວນຄົນຮັ່ງມີຂອງຫວຽດນາມເພີ່ມຂຶ້ນ 2,4% ຂຶ້ນເປັນ 752 ຄົນ, ໃນຂະນະທີ່ໄທເພີ່ມຂຶ້ນ 0,8%, ແຕ່ອັດຕາເພີ່ມຂຶ້ນຂອງຫວຽດນາມຍັງຕ່ຳກວ່າມາເລເຊຍ (4,3%), ອິນໂດເນເຊຍ (4,2%) ແລະ ສິງກະໂປ (4%)
ໃນລາຍງານຍັງໄດ້ລະບຸວ່າ ຈຳນວນປະຊາກອນທີ່ຮັ່ງມີລະດັບສູງໃນທົ່ວໂລກໄດ້ເພີ່ມຂຶ້ນ 4,2% ໃນປີກາຍນີ້ເປັນ 626,619 ຄົນ ຫຼື ເທົ່າກັບວ່າມີບັນດານັກລົງທຶນທີ່ຮັ່ງມີເກີດຂຶ້ນໃໝ່ເກືອບ 70 ຄົນໃນທຸກໆມື້, ໂດຍໃນນັ້ນ, ອາຊີເປັນພາກພື້ນທີ່ອັດຕາການເຕີບໂຕໄວທີ່ສຸດທີ່ 38,3% ແລະ ຄາດວ່າຈະສືບຕໍ່ເຕີບໂຕໄວທີ່ສຸດໃນອີກ 5 ປີຂ້າງໜ້າ, ດ້ວຍຈຳນວນຄົນທີ່ຮັ່ງມີສູງເຖິງ 228,849 ຄົນໃນປີ 2028.
ໃນຂະນະທີ່ບົດລາຍງານ Luxury Investment Index ຂອງ Knight Frank ໄດ້ລະບຸວ່າ ໃນລະຫວ່າງປີ 2018 – 2022 , ຍອດການນຳເຂົ້າສິນຄ້າທີ່ມີລາຄາແພງຕໍ່ປີຂອງຫວຽດນາມກໍໄດ້ມີການເຕີບໂຕຂຶ້ນເຊັ່ນກັນ, ໂດຍຫວຽດນາມໄດ້ນຳເຂົ້າເຄື່ອງປະດັບ 8%, ລົດໃຫຍ່ 26%, ໄວນ໌ 6% ແລະ ໂມງ 8%.
ໂດຍສາເຫດຫຼັກໆທີ່ເຮັດໃຫ້ຈຳນວນມະຫາເສດຖີຫວຽດນາມເພີ່ມຂຶ້ນແມ່ນໄດ້ແກ່:
ເສດຖະກິດຫວຽດນາມມີການເຕີບໂຕຢ່າງຕໍ່ເນື່ອງ
- ເສດຖະກິດຫວຽດນາມໄດ້ເຕີບໂຕສະເລ່ຍແຕ່ 6-7% ຕໍ່ປີໃນໄລຍະ 10 ປີຜ່ານມາ ແລະ ຄາດວ່າ 2023 ວ່າຈະເຕີບໂຕ 6.5%
- ຫວຽດນາມແມ່ນໜຶ່ງໃນປະເທດທີ່ມີເສດຖະກິດເຕີບໂຕໄວທີ່ສຸດຢູ່ອາຊີ
ການລົງທຶນຈາກຕ່າງປະເທດ
- ປະເທດຫວຽດນາມດູດນັກລົງທຶນຈາກຕ່າງປະເທດໃຫ້ເຂົ້າມາລົງທຶນໃນປະເທດຕົນເອງຫຼາຍຂຶ້ນ
- ໃນປີ 2023, ຫວຽດນາມ ໄດ້ຮັບເງິນລົງທຶນໂດຍກົງຈາກຕ່າງປະເທດ (FDI) 36.6 ຕື້ໂດລາ
- FDI ຊ່ວຍສ້າງວຽກເຮັດງານທໍາ ແລະ ສົ່ງເສີມການຂະຫຍາຍຕົວຂອງເສດຖະກິດ
ການຂະຫຍາຍຕົວຂອງຕະຫຼາດຮຸ້ນ
- ດັດຊະນີ VN ຂອງຫວຽດນາມ ເພີ່ມຂຶ້ນ 14.4% ໃນປີ 2023
- ຕະຫຼາດຫຼັກຮຸ້ນຫວຽດນາມແມ່ນໜຶ່ງໃນຕະຫຼາດຫຼັກຮຸ້ນທີ່ມີປະສິດທິພາບສູງທີ່ສຸດໃນອາຊີ
- ການຂະຫຍາຍຕົວຂອງຕະຫຼາດຮຸ້ນຊ່ວຍສ້າງຄວາມຮັ່ງມີໃຫ້ແກ່ນັກລົງທຶນ
ນະໂຍບາຍຂອງລັດຖະບານ
- ລັດຖະບານຫວຽດນາມ ມີນະໂຍບາຍຊຸກຍູ້ການລົງທຶນ ແລະ ການຄ້າ
- ລັດຖະບານຫວຽດນາມມີການປັບປຸງສະພາບແວດລ້ອມທາງທຸລະກິດ
- ນະໂຍບາຍຂອງລັດຖະບານຊ່ວຍສ້າງໂອກາດທາງທຸລະກິດໃໝ່
ໂຄງສ້າງປະຊາກອນ
- ຫວຽດນາມມີປະຊາກອນໄວໜຸ່ມຫຼາຍ
- ປະຊາກອນໄວໜຸ່ມແມ່ນກໍາລັງແຮງງານທີ່ສັກກະຍະພາບ
- ແຮງງານທີ່ມີສັກກະຍະພາບຈະຊ່ວຍຂັບເຄື່ອນເສດຖະກິດ.
ທັງນີ້, ບໍລິສັດ New World Wealth ຍັງໄດ້ຄາດການວ່າ ຫວຽດນາມຈະມີຄວາມຮັ່ງມີເພີ່ມຂຶ້ນ 125% ໃນ 10 ປີຕໍ່ໜ້າ, ໃນນັ້ນມີການເຕີບໂຕສູງສຸດໃນດ້ານ GDP ຕໍ່ຫົວຄົນ ແລະ ຈຳນວນມະຫາເສດຖີອີກດ້ວຍ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
