ສຳນັກຂ່າວຕ່າງປະເທດໄດ້ມີການລາຍງານວ່າ ລາຄາຂອງນ້ຳມັນພາຍໃນປີນີ້ຈະຫຼຸດລົງ 10%, ເຊິ່ງນີ້ຖືໄດ້ວ່າເປັນການຫຼຸດລົງຄັ້ງທຳອິດໃນຮອບ 2 ປີ. ຫຼັງຈາກທີ່ເກີດຄວາມກັງວົນທາງດ້ານດ້ານພູມສາດ, ການຫຼຸດຜ່ອນການຜະລິດ ແລະ ມາດຕະການໃນທົ່ວໂລກໃນການຄວບຄຸມໄພເງິນເຟີ້ໄດ້ເຮັດລາຄານ້ຳມັນມີການຜັນຜວນຢ່າງຮຸນແຮງ.
ໂດຍລາຄານ້ຳມັນດິບຂອງ Brent ໃນອະນາຄົດຈະໄດ້ເພີ່ມຂຶ້ນ 48 ເຊັນ ຫຼື 0.6%, ຢູ່ທີ່ 77.63 ໂດລາຕໍ່ບາເຣວ ທີ່ 0523 GMT ໃນວັນສຸກ, ເຊິ່ງເປັນມື້ສຸດທ້າຍໃນການຊື້ຂາຍຂອງປີ 2023, ໃນຂະນະທີ່ຕະຫຼາດນ້ຳມັນດິບຂອງສະຫະລັດ West Texas Intermediate (WTI) ຊື້ຂາຍກັນຢູ່ທີ່ 37 ເຊັນ ຫຼື ສູງກວ່າ 0.5% ໃນລາຄາ 72.14 ໂດລາ.
ແລະໃນວັນສຸກ ລາຄານ້ຳມັນຢູ່ຄົງທີ່ຫຼັງຈາກທີ່ຫຼຸດລົງ 3% ໃນມື້ກ່ອນ ເນື່ອງຈາກບໍລິສັດຂົນສົ່ງນ້ຳມັນຫຼາຍແຫ່ງກຽມທີ່ຈະຂົນສົ່ງຜ່ານເສັ້ນທາງທະເລແດງ. ບັນດາບໍລິສັດໃຫຍ່ໆໄດ້ຢຸດການນຳໃຊ້ເສັ້ນທາງທະເລແດງ ຫຼັງຈາກກຸ່ມຫົວຮຸນແຮງ Houthi ຂອງເຢແມນ ໄດ້ເລີ່ມທີ່ຈະແນເປົ້າໃສ່ເຮືອຂົນສົ່ງຕ່າງໆ.
ແຕ່ເຖິງແບບນັ້ນ, ດັດຊະນີຂອງບໍລິສັດນ້ຳມັນດິບທັງສອງກໍກຳລັງຈະປິດຕົວລົງໃນລະດັບຕໍ່າສຸດໃນໄລຍະທ້າຍປີນີ້. ເຊິ່ງເຫດການດັ່ງກ່າວກໍໄດ້ເລີ່ມຂຶ້ນນັບຕັ້ງແຕ່ປີ 2020 ເປັນຕົ້ນມາຈາກການລະບາດຂອງໂຣກຄັ້ງໃຫຍ່ເຮັດໃຫ້ຄວາມຕ້ອງການ ແລະ ລາຄາຂອງນ້ຳມັນຫຼຸດລົງ
ການຫຼຸດຜ່ອນການຜະລິດໂດຍ OPEC+ ໄດ້ຮັບການພິສູດແລ້ວວ່າບໍ່ພຽງພໍໃນການຊຸກຍູ້ລາຄາໃຫ້ເພີ່ມຂຶ້ນ, ໂດຍໃນເກນມາດຕະຖານໄດ້ຫຼຸດລົງເກືອບ 20% ຈາກລະດັບສູງສຸດຂອງຕົນໃນປີນີ້.
ຢ່າງໃດກໍຕາມ, ເຖິງແມ່ນວ່າຜົນປະກອບການຂອງນ້ຳມັນໃນທ້າຍປີຈະບໍ່ຄ່ອຍດີເທົ່າໃດ ແຕ່ໃນທາງກົງກັນຂ້າມຕະຫຼາດຮຸ້ນທົ່ວໂລກກັບມີທ່າອ່ຽງທີ່ຈະສູງຂຶ້ນໃນທ້າຍປີ 2023.
ໂດຍດັດຊະນີຮຸ້ນ MSCI (.MIWD00000PUS) ທີ່ໄດ້ຕິດຕາມຮຸ້ນໃນ 47 ປະເທດ, ເພີ່ມຂຶ້ນປະມານ 20% ຈາກຕົ້ນປີ, ເນື່ອງຈາກນັກລົງທຶນໄດ້ເພີ່ມການວາງເດີມພັນໃນການປັບຫຼຸດອັດຕາເງິນເຟີ້ຢ່າງໄວວາຈາກທະນາຄານກາງສະຫະລັດໃນປີໜ້າ. ໃນຕະຫຼາດສະກຸນເງິນ, ເງິນໂດລາແຂງຄ່າ ແລະ ມີທ່າອ່ຽງທີ່ຈະຫຼຸດລົງ 2% ໃນປີນີ້, ຫຼັງຈາກທີ່ສະກຸນເງິນໄດ້ມີການແຂງຄ່າຂຶ້ນໃນ 2 ປີທີ່ຜ່ານມາ.
ໂດຍຜູ້ຊ່ຽວຊານໄດ້ຄາດການວ່າ ການຫຼຸດອັດຕາດອກເບ້ຍ ອາດຈະສາມາດຫຼຸດຜ່ອນຕົ້ນທຶນການກູ້ຢືມເງິນຂອງຜູ້ບໍລິໂພກໃນຂົງເຂດການຊົມໃຊ້ທີ່ສຳຄັນ ແລະ ເງິນໂດລາທີ່ອ່ອນຄ່າລົງຈະເຮັດໃຫ້ນ້ຳມັນມີລາຄາຖືກສຳລັບຜູ້ຊື້ຕ່າງປະເທດ, ແລະນີ້ອາດຈະຊ່ວຍເພີ່ມຄວາມຕ້ອງການໃນປີ 2024.
ນອກຈາກນີ້ຍັງໄດ້ມີການຄາດການອີກວ່າ ລາຄາຂອງນ້ຳມັນດິບ Brent ແມ່ນຈະສະເລ່ຍ ຢູ່ທີ່ 84.43 ໂດລາຕໍ່ບາເຣວໃນປີ 2024, ເມື່ອທຽບໃສ່ກັບລາຄາສະເລ່ຍທີ່ປະມານ 80 ໂດລາຕໍ່ບາເຣວໃນປີນີ້ ແລະ ໄດ້ແຕະລະດັບ 100 ໂດລາໃນປີ 2022 ຫຼັງຈາກຣັດເຊຍບຸກເຂົ້າຢູເຄຣນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
