Dubai Financial Services Authority (DFSA) ອົງການບໍລິການດ້ານການເງິນຂອງດູໄບ ໄດ້ອະນຸມັດໃຫ້ XRP ສາມາດນຳໃຊ້ພາຍໃນ Dubai International Financial Center (DIFC) ສູນການເງິນນານາຊາດດູໄບໄດ້. ໂດຍຫຼຽນ XRP ນັ້ນເປັນຫຼຽນ Crypto ຕົວທຳອິດທີ່ໄດ້ຮັບການອະນຸມັດຈາກ DFSA ນັບຕັ້ງແຕ່ໄດ້ເປີດໃບສະໝັກຄໍາຮ້ອງຈາກບໍລິສັດ Crypto ພາຍນອກເພື່ອອະນຸຍາດໃຫ້ດໍາເນີນທຸລະກິດໃນສູນການເງິນນານາຊາດດູໄບ(DIFC).
Ripple ໄດ້ປະກາດການອະນຸມັດນຳໃຊ້ XRP ໃນວັນທີ 2 ພະຈິກປີ 2023. ໂດຍບໍລິສັດ crypto ທີ່ໄດ້ຮັບອະນຸຍາດຈາກ DIFC ຈະສາມາດເຊື່ອມໂຍງ XRP ເຂົ້າໃນການບໍລິການ Crypto ຂອງເຂົາໄດ້. ໂດຍ XRP ຈະເຂົ້າຮ່ວມກັບ BTC, ETH, ແລະ LTC ເຊິ່ງເປັນສິນຊັບທີ່ໄດ້ຮັບການອະນຸມັດກ່ອນໜ້ານີ້ພາຍໃຕ້ກົດລະບຽບ crypto ຂອງ DFSA.
ການອະນຸມັດຂອງ XRP ໃນຄັ້ງນີ້ຄາດວ່າຈະເຮັດໃຫ້ເກີດຄວາມຊັດເຈນທາງດ້ານກົດລະບຽບສໍາລັບ DIFC ແລະ ເຮັດໃຫ້ XRP ຖືກນໍາໃຊ້ໂດຍສະຖາບັນການເງິນ DIFC ເພື່ອເຮັດໃຫ້ການແລກປ່ຽນມູນຄ່າທົ່ວໂລກໄວຂຶ້ນ ແລະ ມີປະສິດທິພາບຫຼາຍຂຶ້ນ.
Brad Garlinghouse CO ຂອງ Ripple ໄດ້ຊົມເຊີຍຄວາມພະຍາຍາມຂອງດູໄບ ໃນການສົ່ງເສີມນະວັດຕະກໍາ ແລະ ສະໜັບສະໜູນການຮັບຮອງເອົາ crypto ມານຳໃຊ້, ພ້ອມກ່າວວ່າ: Ripple ຈະສືບຕໍ່ເພີ່ມທະວີການເຄື່ອນໄຫວທຸລະກິດຂອງຕົນໃນດູໄບ ແລະ ຈະເຮັດວຽກຢ່າງໃກ້ຊິດກັບໜ່ວຍງານຄຸ້ມຄອງດູໄບເພື່ອໃຫ້ຮັບຮູ້ເຖິງສັກກະຍະພາບຂອງ Crypto ຢ່າງເຕັມຮູບແບບ.
ການລົງທະບຽນ XRP ໃນດູໄບມີສັກກະຍtພາບທີ່ຈະປົດລັອກການຊຳລະເງິນໃນພູມີພາກໃໝ່, ລວມທັງການນໍາໃຊ້ Cryptocurrencies ອື່ນໆໃນ XRP Ledger. ການທີ່ Ripple ເລືອກ DIFC ເຊິ່ງເປັນທີ່ຕັ້ງສໍານັກງານໃຫຍ່ໃນ MENA ໃນປີ 2020, ເນື່ອງຈາກກົດລະບຽບທີ່ກ້າວໜ້າທາງດ້ານນະວັດຕະກໍາຂອງດູໄບ, ເຄືອຂ່າຍທີ່ກວ້າງຂວາງ ແລະ ຊື່ສຽງເປັນສູນກາງທາງດ້ານການເງິນຊັ້ນນໍາຂອງໂລກ. ໂດຍລູກຄ້າ Ripple ປະມານ 20% ແມ່ນອາໄສຢູ່ໃນ MENA.
ທັງນີ້ Ripple ຈະຈັດງານທີ່ສໍາຄັນຂຶ້ນໃນ Dubai ໃນວັນທີ 8 – 9 ເດືອນພະຈິກ ປີ2023, ເຊິ່ງເປັນການລວມຕົວຂອງອຸດສາຫະກໍາທາງດ້ານການເງິນ ແລະ ໜ່ວຍງານຄຸ້ມຄອງດູແລ ທີ່ຈະມາລວມຕົວກັນໃນສູນກາງທາງດ້ານການເງິນທີ່ສຳຄັນລະດັບໂລກ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
