ເຄີຍສັງເກດບໍ່ວ່າເປັນຫຍັງໃນເວລານອນເເມວຈຶ່ງມັກມາໝົ້ນນອນຂ້າງໆເຮົາເປັນປະຈຳ ຫຼື ບາງເທື່ອມັນກໍມານອນທັບເຮົາເລີຍ ເຊິ່ງພຶດຕິກຳໜ້າຮັກຂອງເເມວນີ້ເຮັດໃຫ້ເຮົາຫຼົງຮັກມັນເຂົ້າໄປອີກ. ເເລ້ວເປັນຫຍັງມັນຈຶ່ງເຮັດເເບບນັ້ນ ຫຼືວ່ານ້ອງອາດຈະຕິດເຮົາຈົນບໍ່ຢາກຈາກໄປໃສເລີຍ? ມື້ນີ້ເຮົາຈະບອກກ່ຽວກັບພຶດຕິກຳອັນໜ້າຮັກນີ້ວ່າເປັນຫຍັງມັນຈຶ່ງມັກມານອນນຳເຮົາ.
ໂດຍຜູ້ຊ່ຽວຊານດ້ານພຶດຕິກໍາຂອງແມວໄດ້ອະທິບາຍເຫດຜົນທີ່ເເມວມັກນອນຂ້າງເຮົາ ຫຼື ນອນທັບເຮົາໄວ້ວ່າ:
- ເເມວຕ້ອງການຄວາມປອດໄພ ເນື່ອງຈາກເວລານອນເເມວຈະອ່ອນເເອທີ່ສຸດ ເພາະສະນັ້ນນ້ອງຈຶ່ງຕ້ອງການພື້ນທີ່ທີ່ປອດໄພທີ່ສຸດ ມັນຈຶ່ງເປັນເລື່ອງປົກກະຕິທີ່ເເມວມັກຈະມານອນນຳເຈົ້າຂອງທີ່ມັນໄວ້ວາງໃຈ ເເລະ ສາມາດປົກປ້ອງມັນໄດ້.
- ແມວຍັງມີນິດໄສມັກສ້າງອານາເຂດຂອງຕົນເອງໂດຍຜ່ານກິ່ນທີ່ມັນຖິ້ມໄວ້ຢູ່ເສື້ອຂອງເຮົາ. ດັ່ງນັ້ນ, ການທີ່ນ້ອງມານອນໃກ້ໆ ຫຼື ນອນທັບເຮົາ ກິ່ນຂອງນ້ອງກໍຈະຕິດກັບຕົວເຮົາຂອງ ນັ້ນໝາຍຄວາມວ່າເຮົາເປັນອານາເຂດຂອງນ້ອງ, ເຊິ່ງໃນຄວາມຄິດເຮົາ ເຮົາອາດຈະຄິດວ່າເຮົາເປັນເຈົ້າຂອງເເມວ ເເຕ່ໃນຄວາມຄິດເເມວນັ້ນ ເຂົາເປັນເຈົ້່າຂອງເຮົາ.
ນອກຈາກພຶດຕິກໍາທີ່ແມວມັກນອນຢູ່ໃກ້ໆກັບເຈົ້າຂອງເເລ້ວ ຫຼາຍຄົນອາດຈະເຄີຍມີປະສົບການກ່ຽວກັບແມວມັກນັ່ງຢູ່ຄີບອດ ຫຼື ກໍ່ກວນເຮົາໃນເວລາທີ່ພວກເຮົາໃຊ້ຄອມພິວເຕີ, ໂດຍເຫດຜົນທີ່ເຮັດເເບບນັ້ນກໍຍ້ອນຮຽກຮ້ອງຄວາມສົນໃຈຈາກເຈົ້າຂອງນັ້ນເອງ
ໃນຂະນະດຽວກັນ ບໍ່ວ່າຈະເປັນຄີບອດ ຫຼື ໜ້າຈໍຄອມພິວເຕີ ລວມເຖິງຮ່າງກາຍຂອງມະນຸດຂອງພວກເຮົາກໍມີຄວາມອົບອຸ່ນ, ສະນັ້ນພວກມັນມັກຈະເຂົ້າມາໃກ້ໆ ໃນເວລາທີ່ຕ້ອງການຄວາມອົບອຸ່ນໃຫ້ກັບຮ່າງກາຍ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
