ເຄສ iPhone ຝັງເມັດພືດ ທີ່ຖືກຈັດສະແດງໃນງານ Maker Faire Rome 2023 ອອກແບບ ແລະ ຜະລິດໂດຍບໍລິສັດ iGreen Gadgets ເປັນບໍລິສັດຜະລິດສິນຄ້າທີ່ເປັນມິດກັບສິ່ງແວດລ້ອມ ໂດຍທາງບໍລິສັດໄດ້ອະທິບາຍວ່າ ໃນເຄສ iPhone ມີເມັດພືດຝັ່ງຢູ່ໃນນັ້ນ ເມື່ອຖືກຝັງລົງດິນ, ຫົດນ້ຳ ແລະ ມີແສງແດດຢ່າງພຽງພໍມັນກໍຈະສາມາດຈະເລີນເຕີບໂຕໄດ້.
ໂດຍທາງບໍລິສັດ iGreen Gadgets ໃຊ້ເວລາພັດທະນາຫຼາຍກວ່າ 2 ປີ ເຮັດໃຫ້ໄດ້ວັດສະດຸທີ່ມີເອກະລັກດ້ານຄວາມຍືດ ແລະ ແຂງແຮງ ຈົນສາມາດປ້ອງກັນໂທລະສັບຂອງທ່ານໄດ້ ໂດຍເຄສເອງກໍສ້າງມາຈາກວັດສະດຸທຳມະຊາດ ຈະບຳລຸງເມັດພືດເປັນຢ່າງດີ ແລະ ມີຟີມທີ່ສ້າງຂຶ້ນມາພິເສດທີ່ຈະປົກປ້ອງຢູ່ສະເໝີ.
ຫາກວ່ານຳເອົາເຄສໄປຝັງດິນ ແລະ ຫົດນ້ຳ ຟີມກໍຈະລະລາຍອອກ ໂດຍຈະມີທັງໝົດ 3 ສີໃຫ້ເລືອກ ແຕ່ລະສີກໍຈະໄດ້ພືດພັນທີ່ແຕກຕ່າງກັນອອກໄປໄດ້ແກ່ ສີຂຽວ ແມ່ນໃບກະເພົາ, ສີຟ້າອ່ອນ ແມ່ນ ດອກຟໍເກັດມີນັອດ ແລະ ສີເຫຼືອງແມ່ນ ດອກເດຊີ ພ້ອມລາຄາການວາງຂາຍແມ່ນ 27 ໂດລາ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
