ກົດໝາຍສົ່ງເສີມການຜະລິດນະວັດຕະກໍາ ແລະ ເທັກໂນໂລຢີຈະ “ມີສ່ວນສຳຄັນຫຼາຍໃນການພັດທະນາເສດຖະກິດຂອງປະເທດ” ພ້ອມຍັງສ້າງວຽກເຮັດງານທຳໃຫ້ກັບໜຸ່ມສາວເພີ່ມຂຶ້ນ.
ເມື່ອວັນທີ 4 ເດືອນພຶດສະພາທີ່ຜ່ານມາ, Nayib Bukele ປະທານາທິບໍດີ El Salvador ໄດ້ປະກາດບັງຄັບໃຊ້ກົດໝາຍທີ່ລົດຜ່ອນພາສີສໍາລັບເທັກໂນໂລຢີນະວັດຕະກຳ ລວມເຖິງການສ້າງຊອບເເວ, Crypto ເເລະ AI.
ທັງນີ້ ກົດໝາຍທີ່ລົງນາມໂດຍ Nayib Bukele ຈະຍົກເວັ້ນການເກັບພາສີສໍາລັບເທັກໂນໂລຢີເຫຼົ່ານີ້ເປັນເວລາ 15 ປີ ເເລະ ຍັງລວມເຖິງການຫັກພາສີກຳໄລຈາກການຂາຍຮຸ້ນ ເຊິ່ງຈະຈ່າຍພາສີກໍຕໍ່ເມື່ອໄດ້ຮັບຜົນກຳໄລຈາກການຂາຍສິນຊັບເທົ່ານັ້ນ.
ຮ່າງກົດໝາຍດັ່ງກ່າວໄດ້ຮັບການອະນຸມັດໃນວັນທີ 19 ເມສານີ້ ໂດຍສະພານິຕິບັນຍັດຂອງ El Salvador.
Elisa Rosales ສະມາຊິກລັດຖະສະພາກ່າວໃນກອງປະຊຸມວ່າ ສະພານິຕິບັນຍັດໃໝ່ ແລະ ຝ່າຍບໍລິຫານກຳລັງເຮັດວຽກເພື່ອວາງຕຳແໜ່ງປະເທດໃນຖານະເປັນຜູ້ນຳດ້ານການຜະລິດດ້ານເທັກໂນໂລຍີໃນອາເມລິກາລາຕິນ.
“ມີແຮງຈູງໃຈ 5 ປະການທີ່ໄດ້ຮັບເປັນເວລາ 15 ປີ ແລະ ພວກເຮົາບໍ່ໄດ້ກຳນົດຈຳນວນເງິນໃນການລົງທຶນຂັ້ນຕ່ຳ. ເນື່ອງຈາກວ່າພວກເຮົາຕ້ອງການທີ່ຈະສະໜັບສະໜູນການເລີ່ມຕົ້ນທັງໝົດເຫຼົ່ານັ້ນ. ພວກເຮົາມີວິໄສທັດທີ່ແຕກຕ່າງ ເເລະ ກຳລັງວາງຕຳເເໜ່ງປະເທດຂອງພວກເຮົາດ້ວຍຮູບເເບບທີ່ແຕກຕ່າງອອກໄປໃນລະດັບສາກົນ”
ນອກຈາກນັ້ນ, ກົດໝາຍໃໝ່ນີ້ຈະສ້າງໂອກາດສໍາລັບການພັດທະນາຂອງ AI, ເທັກໂນໂລຢີທີ່ກ້າວໜ້າທີ່ຜູ້ໃຊ້ ແລະ ບໍລິສັດຫຼາຍລ້ານຄົນໃນແຕ່ລະມື້ ເພື່ອປັບປຸງປະສິດທິພາບ ເເລະ ຜົນຮັບໃຫ້ດີຍິ່ງຂຶ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
