ຊາອຸດີອາຣະເບຍ ໄດ້ຕັດສິນໃຈທີ່ຈະບໍ່ຕໍ່ອາຍຸສັນຍາຂໍ້ຕົກລົງ “petrodollar deal”, ເຊິ່ງເປັນສັນຍາຂໍ້ຕົກລົງກ່ຽວນ້ຳມັນທີ່ໄດ້ມີການຮ່ວມມືກັບສະຫະລັດ. ໂດຍຂໍ້ຕົກລົງດັ່ງກ່າວມີມາດົນກວ່າ 80 ປີ ແລະ ຈະສິ້ນສຸດລົງໃນວັນອາທິດ 9 ມິຖຸນາ, ຕາມການລາຍງານສຳນັກຂ່າວຕ່າງປະເທດ.
ຂໍ້ຕົງລົງດັ່ງກ່າວ ໄດ້ມີການການລົງນາມຄັ້ງທໍາອິດໃນວັນທີ 8 ມິຖຸນາປີ 1974, ເຊິ່ງຖືເປັນສ່ວນສໍາຄັນຕໍ່ອິດທິພົນທາງດ້ານເສດຖະກິດຂອງສະຫະລັດໃນຂອບເຂດທົ່ວໂລກ, ອັນເນື່ອງມາຈາກເນື້ອຫາທີ່ສຳຄັນຂອງຕົກລົງ “petrodollar deal” ກໍຄື ຊາອຸດິີອາຣະເບຍ ຈະຂາຍນໍ້າມັນດິບໃຫ້ກັບປະເທດອື່ນໆໃນສະກຸນເງິນໂດລາສະຫະລັດເປັນຫຼັກ ເພື່ອແລກປ່ຽນກັບການທີ່ສະຫະລັດຈະຮັກສາຄວາມໝັ້ນຄົງທາງດ້ານການທະຫານໃຫ້ແກ່ຊາອຸດີອາຣະເບຍ
ການເລືອກທີ່ຈະບໍ່ຕໍ່ສັນຍາສະບັບນີ້, ຈະເຮັດໃຫ້ຊາອຸດີອາຣະເບຍຈະສາມາດຂາຍນໍ້າມັນ ແລະ ສິນຄ້າອື່ນໆໂດຍໃຊ້ສະກຸນເງິນທີ່ຫຼາກຫຼາຍເຊັ່ນ: ຢວນ, ຢູໂຣ ແລະ ເງິນເຢນ, ແທນທີ່ຈະເປັນພຽງແຕ່ເງິນໂດລາສະຫະລັດ. ນອກຈາກນີ້, ຊາອຸດີອາຣະເບຍຍັງໄດ້ໃຫ້ຄວາມສົນໃຈກ່ຽວກັບ ການນໍາໃຊ້ສະກຸນເງິນດິຈິຕອນຄື Bitcoin ສໍາລັບການເຮັດທຸລະກໍາອີກດ້ວຍ
ການຕັດສິນໃຈຂອງ ຊາອຸດີອາຣະເບຍ ຖືເປັນບາດກ້າວທີ່ສໍາຄັນໃນການກ້າວອອກຈາກລະບົບ petrodollar, ເຊິ່ງໄດ້ຖືກສ້າງຕັ້ງຂຶ້ນໃນປີ 1972 ຫຼັງຈາກສະຫະລັດທີ່ຍົກເລີກ ການຜູກຄ່າເງິນໂດລາກັບຄໍາ.
ທັງນີ້, ການເຄື່ອນໄຫວຂອງຊາອຸດີອາຣະເບຍຄາດວ່າຈະຍິ່ງເລັ່ງທ່າອ່ຽງໄປສູ່ການໃຊ້ສະກຸນເງິນອື່ນນອກເໜືອຈາກເງິນໂດລາສະຫະລັດ. ໃນເລື່ອງຂອງການຄ້າລະຫວ່າງປະເທດ
ນອກຈາກນີ້, ຊາອຸດີອາຣະເບຍ ຍັງໄດ້ເຂົ້າຮ່ວມໂຄງການ “mBridge”, ເຊິິ່ງເປັນການຮ່ວມມືກັນໃນການພັດທະນາແພລັດຟອມສະກຸນເງິນດິຈິຕອນລະຫວ່າງທະນາຄານກາງ ແລະ ທະນາຄານການຄ້າ.
ໂຄງການ mBridge ໄດ້ເລີ່ມຕົ້ນໃນປີ 2021 ແລະ ມີຈຸດປະສົງເພື່ອອໍານວຍຄວາມສະດວກໃນການຈ່າຍເງິນຂ້າມຊາຍແບບ real-time ແລະ ດຳເນີນທຸລະກຳແລກປ່ຽນເງິນຕາຕ່າງປະເທດ ໂດຍຜ່ານເຕັກໂນໂລຊີ distributed ledger ຫຼື ບັນຊີແຍກປະເພດ, ເຊິ່ງປັດຈຸບັນໂຄງການນີ້ກຳລັງຢູ່ໃນການການພັດທະນາຢ່າງຕໍ່ເນື່ອງ.
ຢ່າງໃດກໍຕາມ, ການເຄື່ອນໄຫວໃນຄັ້ງນີ້ຂອງປະເທດ ຊາອຸດິີອາຣະເບຍ ຖືເປັນຈຸດເລີ່ມຕົ້ນຂອງການປ່ຽນແປງອັນໃຫຍ່ຫຼວງຂອງລະບົບເສດຖະກິດໂລກ. ສໍາລັບຜົນກະທົບທີ່ຈະສົ່ງຜົນກະທົບຕໍ່ການຄ້າ ແລະ ການເງິນລະຫວ່າງປະເທດ, ຍັງເປັນບັນຫາທີ່ຕ້ອງໄດ້ຮັບການຕິດຕາມຢ່າງໃກ້ຊິດໃນອະນາຄົດ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
