Mercari ແພລັດຟອມອີຄອມເມີດຍັກໃຫຍ່ຂອງຍີ່ປຸ່ນ ໄດ້ກ້າວເຂົ້າສູ່ອຸດສາຫະກໍາ cryptocurrency, ດ້ວຍການເປີດຕົວບໍລິການຊື້ຂາຍ Ethereum (ETH) ໃນແອັບພິເຄຊັນຂອງຕົນເອງ. ໂດຍໄດ້ເປີດໃຫ້ລິການຕັ້ງແຕ່ວັນທີ 21 ພຶດສະພາທີ່ຜ່ານມາ.
ການເປີດຕົວໃນຄັ້ງນີ້ ຖືເປັນການຂະຫຍາຍຂອບເຂດທຸລະກິດຂອງ Mercari ເຂົ້າໄປໃນຕະຫຼາດ cryptocurrency ທີ່ມີການເຕີບໂຕຢ່າງໄວວາ, ໂດຍ Mercari ແນມເຫັນໂອກາດທີ່ຈະດຶງດູດລູກຄ້າໃໝ່ໆ ແລະ ເພີ່ມຖານຜູ້ໃຊ້ປັດຈຸບັນໃຫ້ມີສ່ວນຮ່ວມກັບແພລັດຟອມຫຼາຍຂຶ້ນ.
Mercari ແມ່ນເປັນທີ່ຮູ້ຈັກກັນດີໃນນາມ “ຕະຫຼາດຊື້ຂາຍອອນລາຍທີ່ໃຫຍ່ທີ່ສຸດຂອງຍີ່ປຸ່ນ” ໂດຍດໍາເນີນການງານໃນລັກສະນະຂອງ “ຕະຫຼາດນັດອອນລາຍ” ຄ້າຍຄືກັບ eBay, ຜູ້ໃຊ້ສາມາດຊື້ ແລະ ຂາຍຜະລິດຕະພັນທີ່ຫຼາກຫຼາຍໃນແພລັດຟອມ.
ໃນໄລຍະ 2 – 3 ປີທີ່ຜ່ານມາ, Mercari ໄດ້ໃຫ້ຄວາມສຳຄັນກັບ cryptocurrencies ຫຼາຍຂຶ້ນ. ບໍລິສັດໄດ້ເປີດຕົວເວັບເທຣດ crypto ຂອງຕົນເອງ ແລະ ໄດ້ເຊື່ອມເວັບເທຣດນີ້ເຂົ້າກັບແອັບພິເຄຊັນສຳລັບການຊື້ຂາຍສິນຄ້າ (marketplace app) ທີ່ມີຢູ່ແລ້ວ
ຄວາມສໍາເລັດຂອງເວັບເທຣດ crypto Mercari:
- ຜົນການສຳຫຼວດໃນປີກາຍນີ້ ຊີ້ອອກວ່າ ຜູ້ໃຊ້ Cryptocurrency ຊາວຍີ່ປຸ່ນລາຍໃໝ່ມີທ່າອ່ຽງທີ່ຈະເລືອກໃຊ້ເວັບເທຣດຂອງ Mercari ຫຼື Rakuten (ຄູ່ແຂ່ງວົງການອີຄອມເມີຊ) ຫຼາຍກວ່າການເລືອກໃຊ້ເວັບເທຣດຂອງບໍລິສັດດ້ານ crypto ທີ່ໄດ້ສ້າງຕັ້ງຂຶ້ນມາດົນນານ.
- ບໍລິສັດລູກດ້ານ cryptocurrency ຂອງ Mercari ຄື Melcoin ໄດ້ປະສົບຄວາມສຳເລັດໃນການປະມວນຜົນທຸລະກຳຊຳລະເງິນດ້ວຍ Bitcoin (BTC) ໃນແພລັດຟອມຫຼາຍກວ່າ 100,000 ລາຍການ
- Mercari ລາຍງານວ່າຜູ້ໃຊ້ຫຼາຍກວ່າ 2 ລ້ານຄົນໄດ້ເລີ່ມຕົ້ນການຊື້ຂາຍ Bitcoin (BTC) ໃນແພລັດຟອມຂອງຕົນແລ້ວ.
ການເປີດຕົວບໍລິການເທຣດ Ethereum (ETH):
ຜູ້ໃຊ້ແອັບພລິເຄຊັນ Mercari ຈະສາມາດຊື້ Ethereum ດ້ວຍບັດເຄຣດິດ ຫຼື ບັດເດບິດ ແລະ ສາມາດໃຊ້ຄະແນນສະສົມຂອງ Mercari ໃນການແລກປ່ຽນໄດ້
ໃນເບື້ອງຕົ້ນ, ຜູ້ຊື້ຈະສາມາດຊໍາລະເງິນດ້ວຍ Ethereum ໄດ້, ແຕ່ຜູ້ຂາຍຍັງຄົງໄດ້ຮັບເງິນເປັນສະກຸນເງິນເຢນ. ລາຄາສິນຄ້າໃນແພລັດຟອມ Mercari ຈະຄົງສະແດງເປັນສະກຸນເງິນເຢນເທົ່ານັ້ນ.
ປັດໄຈທີ່ສະໜັບສະໜູນການເຕີບໂຕຂອງ Ethereum:
ຂໍ້ມູນຈາກ Google Trends ສະແດງໃຫ້ເຫັນເຖິງການເພີ່ມຂຶ້ນຂອງການຄົ້ນຫາທີ່ກ່ຽວຂ້ອງກັບ Ethereum ນັບຕັ້ງແຕ່ຕົ້ນປີໃນປະເທດຍີ່ປຸ່ນ
ຄວາມສົນໃຈໃນ ETH ໄດ້ເພີ່ມຂຶ້ນອີກຄັ້ງໃນໄລຍະ 2 – 3 ມື້ທີ່ຜ່ານມາ. ເຊິ່ງນີ້ອາດມີສາເຫດມາຈາກການລາຍງານວ່າຄະນະກໍາມະການຫຼັກຊັບ ແລະ ຕະຫຼາດຫຼັກຊັບສະຫະລັດ (SEC) ອາດຈະອະນຸມັດ Spot ETH ETF ໃນໄວໆນີ້.
ການເປີດຕົວບໍລິການຊື້ຂາຍ Ethereum ໃນແອັບພລິເຄຊັນ Mercari ຖືເປັນກົນລະຍຸດທີ່ສະຫຼາດ. ເຊິ່ງນີ້ຈະຊ່ວຍດຶງດູດລູກຄ້າໃໝ່ ແລະ ເພີ່ມຖານຜູ້ໃຊ້ທີ່ມີຢູ່ໃຫ້ມີສ່ວນຮ່ວມກັບແພລັດຟອມຫຼາຍຂຶ້ນ ແລະ ອາດຈະເຮັດໃຫ້ Mercari ສາມາດຄວ້າເອົາໂອກາດໃນຕະຫຼາດ cryptocurrency ທີ່ມີການເຕີບໂຕຢ່າງໄວວານີ້່ໄດ້.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
