(ນະຄອນຫຼວງວຽງຈັນ, ວັນທີ 10 ມັງກອນ 2024) – Vietjet ໄດ້ຖືກຈັດໃຫ້ເປັນສາຍການບິນທີ່ປອດໄພທີ່ສຸດໃນໂລກໃນປີ 2024 ອີກຄັ້ງໂດຍ AirlineRatings, ເວັບໄຊຄວາມປອດໄພ ແລະ ການຈັດອັນດັບຜະລິດຕະພັນຂອງສາຍການບິນທົ່ວໂລກ.
ໃນການປະເມີນປະຈໍາປີ, AirlineRatings ໄດ້ຕິດຕາມກວດກາ 385 ສາຍການບິນທົ່ວໂລກ ໂດຍການພິຈາລະນາຈາກການບັນທຶກເຫດການຂອງສາຍການບິນໃນຊຸມປີທີ່ຜ່ານມານີ້, ອາຍຸຂອງເຮືອບິນ, ຜົນການກວດສອບທີ່ດໍາເນີນໂດຍອົງການການບິນພົນລະເຮືອນ, ອົງການການບິນພົນລະເຮືອນສາກົນ (ICAO) ແລະ ອົງການການບິນອື່ນໆ. Vietjet ແລະ ບັນດາຄູ່ຮ່ວມມືດ້ານລາຄາໃນໂລກໄດ້ຮັບກຽດ ຖືກຈັດຢູ່ໃນ 10 ອັນດັບຕົ້ນໆເປັນເວລາຫຼາຍປີຕິດຕໍ່ກັນ, ໄດ້ຮັບຮາງວັນໃນດ້ານຄວາມປອດໄພການບິນຈາກລູກເຮືອ ແລະ ຜູ້ໂດຍສານ.
ຫົວໜ້າບັນນາທິການ AirlineRatings.com ທ່ານ Geoffrey Thomas ໃຫ້ຮູ້ວ່າ: “ການອຸທິດຕົນຂອງ Vietjet ໃນການຮັກສາວັດທະນະທຳຄວາມປອດໄພໃນທຸກດ້ານຂອງການປະຕິບັດການແມ່ນເປັນທີ່ໜ້າຊົມເຊີຍ, ໂດຍສະເພາະແມ່ນການຂະຫຍາຍເຄືອຂ່າຍການບິນຢ່າງຕັ້ງໜ້າ. ການປະຕິບັດລະບົບການຄຸ້ມຄອງຄວາມປອດໄພທີ່ເຂັ້ມແຂງ ແລະເປັນໄປຕາມກົດລະບຽບສາກົນຢ່າງເຂັ້ມງວດ ເຊິ່ງໄດ້ປະກອບສ່ວນເຂົ້າໃນຕົວຊີ້ວັດຄວາມໜ້າເຊື່ອຖືດ້ານວິຊາການທີ່ດີເລີດຂອງສາຍການບິນ. ເປັນສິ່ງທີ່ຮັບປະກັນຄວາມປອດໄພສູງສຸດໃນການປະຕິບັດງານຂອງພວກເຂົາໃນຫຼາຍປີ.”
AirlineRatings ຍັງໃຫ້ຄະແນນ Vietjet ໃນລະດັບ 7 ດາວ ເຊິ່ງເປັນອັນດັບທີ່ສູງທີ່ສຸດກ່ຽວກັບຄວາມປອດໄພດ້ານການບິນໃນໂລກໃນຫຼາຍປີຕິດຕໍ່ກັນນັບຕັ້ງແຕ່ປີ 2018 ເປັນຕົ້ນມາ.
Vietjet ໄດ້ເພີ່ມເຮືອບິນໃໝ່ທີ່ທັນສະໄໝ ແລະ ປະຢັດນ້ຳມັນຢ່າງຕໍ່ເນື່ອງ, ໂດຍມີຄວາມໜ້າເຊື່ອຖືດ້ານເຕັກນິກ 99,72% ໃນບັນດາຜູ້ປະກອບການຊັ້ນນຳໃນພາກພື້ນ ແລະ ທົ່ວໂລກ. ສາຍການບິນໄດ້ລົງທຶນຢ່າງຕໍ່ເນື່ອງໃນການເຝິກອົບຮົມ, ວິສະວະກໍາເຮືອບິນ ແລະ ການບໍລິການ MRO ເພື່ອຮັບປະກັນມາດຕະຖານສູງສຸດໃນດ້ານຄວາມປອດໄພ ແລະ ຄຸນະພາບ. ໃນການເຄື່ອນໄຫວທີ່ຜ່ານມາ, ສະຖາບັນການບິນ Vietjet (VJAA) ໄດ້ກາຍເປັນຄູ່ຮ່ວມມືການເຝິກອົບຮົມຂອງສະມາຄົມຂົນສົ່ງທາງອາກາດສາກົນ (IATA) ຢ່າງເປັນທາງການ ເພື່ອຮັບປະກັນໃຫ້ກຳລັງແຮງງານມີຄຸນະພາບສູງ. ນອກຈາກນັ້ນ, ບໍລິສັດ Vietjet ແລະ ການບິນລາວ ກໍໄດ້ສົມທົບກັນຈັດຕັ້ງປະຕິບັດສູນສ້ອມແປງເຮືອບິນຢູ່ສະໜາມບິນສາກົນວັດໄຕ, ນະຄອນຫຼວງວຽງຈັນ, ປະເທດລາວ. ການຮ່ວມມືນີ້ໄດ້ເສີມຂະຫຍາຍວິທີການຕັ້ງໜ້າຂອງສາຍການບິນໃນການຄຸ້ມຄອງ ບໍາລຸງ-ຮັກສາເຮືອບິນ.
AirlineRatings ໃຫ້ຄະແນນຄວາມປອດໄພ, ຜະລິດຕະພັນໃນການບິນ, ແລະ ໄດ້ຖືກນໍາໃຊ້ໂດຍຜູ້ໂດຍສານຫຼາຍລ້ານຄົນຈາກ 195 ປະເທດ ແລະ ໄດ້ກາຍເປັນມາດຕະຖານອຸດສາຫະກໍາສໍາລັບຄວາມປອດໄພ, ການຈັດອັນດັບຜະລິດຕະພັນ.
Vietjet ຈະໄດ້ເປີດເສັ້ນທາງບິນກົງເຊື່ອມຕໍ່ນະຄອນຫຼວງວຽງຈັນ ຫາ ນະຄອນໂຮ່ຈີມິນໃນວັນທີ 25 ກຸມພານີ້ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດໃນວັນຈັນ, ພຸດ, ສຸກ ແລະ ວັນອາທິດ ດ້ວຍເວລາພຽງ 1 ຊົ່ວໂມງ 45 ນາທີຕໍ່ຖ້ຽວເທົ່ານັ້ນ.
ຂໍ້ມູນເພີ່ມຕື່ມ: www.vietjetair.com
Media contact:
Ms. Kieu Duong (Amy)
Email: kieuduong@vietjetair.com
Cell: +84 932 775 066
ຕິດຕາມຂ່າວທັງໝົດຈາກ LaoX: https://laox.la/all-posts/
