ຕໍ່ໄປນີ້ Google Maps ຈະບໍ່ແມ່ນພຽງແຕ່ App ສຳຫຼັບນຳທາງອີກຕໍ່ໄປເພາະຕອນນີ້ໄດ້ເປີດຕົວ Feature ໃໝ່ຄື Community Feed ທີ່ເປັນການສະແດງຟີດຂ່າວຈາກຊຸມຊົນອ້ອມຂ້າງໃຫ້ຜູ້ໃຊ້ງານສາມາດຕິດຕາມຂ່າວສານຈາກຮ້ານອາຫານ, ຮ້ານຄ້າ ຫຼື ຄົນທີ່ຢູ່ໃນພື້ນທີ່ນັ້ນໆໄດ້ວ່າຕອນນີ້ມີຫຍັງປ່ຽນແປງ ຫຼື ມີຫຍັງເກີດຂຶ້ນແດ່ ເຊິ່ງເຮົາສາມາດກົດຕິດຕາມສະຖານທີ່ທີ່ເຮົາຕ້ອງການໄປໄດ້ຢ່າງວ່ອງໄວ.
ສຳຫຼັບ Feature Community Feed ເຂົ້າມາໃໝ່ໂດຍຈະໃຊ້ໃນແຖບ Explore ທາງດ້ານລຸ່ມຂອງ App ທີ່ໃຊ້ງານສາມາດຕິດຕາມຂ່າວສານຈາກຮ້ານອາຫານ ຫຼື ຊຸມຊົນຕ່າງໆກັບພວກ Social media ຄື Facebook ຫຼື Twitter ນັ້ນເອງ.
Community Feed ຈະສະແດງຟີດຂ່າວທີ່ມີທັງການຣີວິວ (ສະຖານທີ່, ສິນຄ້າ,ອາຫານ ແລະ ອື່ນໆ) Post ຮູບພາບສະຖານທີ່, ການໃຫ້ Rating ສິນຄ້າ ຫຼື ບໍລິການ, ສະຖານທີ່ໜ້າສົນໃຈ ອື່ນໆ ທີ່ຈະມີການອັບເດດ ລວມເຖິງມີຄຳແນະນຳຈາກຮ້ານຄ້າ ຮ້ານອາຫານຜູ້ໃຊ້ງານ ຫຼື ບຸກຄົນທີ່ເປັນຄົນທ້ອງຖິ່ນໃນພື້ນທີ່ນັ້ນໆ ນອກຈາກນີ້ເຮົາຍັງສາມາດກົດຕິດຕາມ account ຫຼື ກົດ Like Post ທີ່ໜ້າສົນໃຈເພື່ອຊ່ວຍໃຫ້ຜູ້ໃຊ້ງານສາມາດວາງແຜນກິດຈະກຳ ແລະ ວາງແຜນການເດີນທາງໄດ້ດີຂຶ້ນ ເພາະໄດ້ຮູ້ເຖິງການອັບເດດຂໍ້ມູນໃໝ່ໆຂອງສະຖານທີ່ທີ່ເຮົາຕ້ອງການຈະໄປເຊັ່ນ: ມື້ນີ້ຮ້ານເປີດ ຫຼື ບໍ່, ມີການສ້ອມແປງຫົນທາງ ປິດຫົນທາງ ຫຼື ບໍ່, ໂປຣໂມຊັ່ນຂອງຮ້ານແຖວນັ້ນເປັນຕົ້ນ.
Community Feed ຍັງເປັນຕົວຊ່ວຍໃຫ້ທຸລະກິດຕ່າງໆສາມາດແລກປ່ຽນຂໍ້ມູນກັບລູກຄ້າໄດ້ດີຍິ່ງຂຶ້ນ ແລະ ສາມາດນຳຂໍ້ມູນທີ່ມີການ Post ໃນ Feed ໄປໃຊ້ພັດທະນາທຸລະກິດຕໍ່ໄປໄດ້ອີກດ້ວຍ.
ຕອນນີ້ Google ໄດ້ເລີ່ມປ່ອຍອັບເດດ Feature Community Feed ໃຫ້ກັບຜູ້ໃຊ້ງານທົ່ວໂລກແລ້ວ ທັງລະບົບ Android ແລະ iOS.
ທີ່ມາ: https://droidsans.com/google-maps-new-features-community-feed/
