ສະຫະພັນບານເຕະສາກົນ ຫຼືວ່າ FIFA ປະກາດອະນຸມັດເລື່ອນໂປຣແກຣມການແຂ່ງຂັນ ບານໂລກ 2022 ທີ່ປະເທດກາຕາ ໃຫ້ໄວກວ່າກຳນົດຂຶ້ນອີກ 1 ມື້ ມາເປັນວັນທີ 20 ພະຈິກ 2022 ຈາກກຳນົດການກ່ອນໜ້ານີ້ແມ່ນວັນທີ 21 ພະຈິກ 2022.
![ບານໂລກ](https://laox.la/wp-content/uploads/2022/08/image-212.png)
ສືບເນື່ອງມາຈາກຄວາມຕ້ອງການຂອງທາງເຈົ້າພາບ ປະເທດ ກາຕ້າ ທີ່ຕ້ອງການລົງຫຼິ້ນເປັນຄູ່ທຳອິດຂອງການແຂ່ງຂັນ ຈາກກ່ອນໜ້ານີ້ຄູ່ເປີດສະໜາມທີ່ຖືກວາງໄວ້ ແມ່ນ ຄູ່ລະຫວ່າງ ເຊເນກັລ ພົບກັບ ເນເທີແລນ ໃນວັນທີ 21 ພະຈິກ ກາຕ້າຈຶ່ງຂໍໃຫ້ທາງ FIFA ເລື່ອນຄູ່ຂອງຕົນ ທີ່ຈະພົບກັບ ທີມຊາດ ເອກວາດໍ ມາເຕະໃຫ້ໄວຂຶ້ນ ໃນວັນທີ 20 ພະຈິກ ແທນ.
![ບານໂລກ](https://laox.la/wp-content/uploads/2022/08/image-213.png)
ໂດຍຂໍ້ສະເໜີດັ່ງກ່າວ ແມ່ນໄດ້ຮັບອະນຸມັດຈາກ ສະພາ FIFA ເຊິ່ງນຳໂດຍ ປະທານ FIFA ຄົນປັດຈຸບັນຢ່າງ ອິນຟານຕິໂນ ລວມເຖິງ ໄດ້ຮັບຄວາມເຫັນດີຈາກປະທານສະຫະພັນບານເຕະ ທັງ 6 ທະວີບ.
ສ່ວນວັນທີ 21 ພະຈິກ ທີ່ກ່ອນໜ້ານີ້ຖືກວາງໃຫ້ເປັນມື້ທຳອິດໃນການແຂ່ງຂັນ ຈະມີເຕະ ກັນ 3 ຄູ່ ຄື: ເຊເນກັລ ພົບກັບ ເນເທີແລນ ຂອງກຸ່ມ A ຕໍ່ດ້ວຍ ເກມຂອງກຸ່ມ B ລະຫວ່າງ ອັງກິດ ພົບກັບ ອີຣ່ານ ແລະ ສະຫະລັດອາເມຣິກາ ພົບກັບ ເວວ ຕາມລຳດັບ.
![ບານໂລກ](https://laox.la/wp-content/uploads/2022/08/image-214.png)
ໂດຍ FIFA ລະບຸກ່ຽວກັບການເລື່ອນໂປຣແກຣມໃນຄັ້ງນີ້ວ່າ ເຫດຜົນທີ່ໃຫ້ ກາຕ້າ ເຈົ້າພາບ ເລື່ອນການແຂ່ງຂັນມາເຕະເປັນຄູ່ເປີດສະໜາມ ກໍເພື່ອຮັກສາທຳນຽມທີ່ປະຕິບັດກັບປະເທດທີ່ເປັນເຈົ້າພາບ ວ່າຕ້ອງໄດ້ລົງເຕະເປັນຄູ່ທຳອິດ ຕາມຮອຍຂອງ ເຢຍລະມັນ, ອາຟຣິກາໃຕ້, ບຣາຊິວ ແລະ ຣັດເຊຍ ເຈົ້າພາບບານໂລກ 4 ຄັ້ງຫຼ້າສຸດ ແລະ ທາງ FIFA ຢືນຢັນວ່າ ຄົນທີ່ຊື້ປີ້ເຂົ້າມາເບິ່ງການແຂ່ງຂັນ ໃນມື້ທຳອິດ ທີ່ກຳນົດການເກົ່າແມ່ນວັນທີ 21 ພະຈິກ ແມ່ນສາມາດໃຊ້ປີ້ນັ້ນ ມາເຂົ້າມາເບິ່ງໃນວັນທີ 20 ພະຈິກ ໄດ້ຄືເກົ່າ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
No comment