ໃນປັດຈຸບັນ ພວກເຮົາບໍ່ສາມາດປະຕິເສດໄດ້ເລີຍວ່າຄວາມສຸກທີ່ເຮົາໄດ້ຮັບໃນຫຼາຍຢ່າງມັກຈະຈຳເປັນຕ້ອງໃຊ້ “ເງິນ” ໃນການຂັບເຄື່ອນ. ລວມໄປເຖິງປັດໄຈພື້ນຖານທີ່ເຮັດໃຫ້ຊີວິດປະຈຳວັນຜ່ານໄປໄດ້ກໍຈຳເປັນຕ້ອງໃຊ້ເງິນເຊັ່ນກັນ. ດັ່ງນັ້ນ, ເງິນຈຶ່ງຖືໄດ້ວ່າເປັນສິ່ງສຳຄັນທີ່ສາມາດເອີ້ນໄດ້ວ່າເປັນປັດໄຈທີ 4 ຫຼື 5 ທີ່ຈຳເປັນໃນຊີວິດຂອງເຮົາເລີຍກໍວ່າໄດ້.
ຢ່າງໃດກໍຕາມ, ການມີເງິນຫຼາຍນັ້ນສາມາດເຮັດໃຫ້ພວກເຮົາມີຄວາມສຸກຫຼາຍກໍຈິງ.
ແຕ່ຖ້າຫາກເຮົາບໍ່ຮູ້ວ່າຈະຕ້ອງເກັບອອມໄປອີກຫຼາຍເທົ່າໃດ? ກໍອາດຈະເຮັດໃຫ້ຫຼາຍຄົນເກີດອາການຄຽດ ຫຼື ທີ່ເອີ້ນວ່າອາການ “Money Dysmorphia“ ທີ່ຈະບັ່ນທອນຄວາມສຸກຂອງເຮົາໂດຍບໍ່ຮູ້ຕົວ.
- Money Dysmorphia ເເມ່ນຫຍັງ?
Money Dysmorphia ແມ່ນອາການທີ່ຄົນເຮົາມີຄວາມກັງວົນກ່ຽວກັບການເງິນຫຼາຍເກີນໄປຈົນເຮັດໃຫ້ຕົນເອງຄຽດ ຮູ້ສຶກວ່າມີເທົ່າໃດກໍບໍ່ພໍ ທັ້ງໆທີ່ຕົນເອງກໍມີໜ້າທີ່ການງານ ການເງິນທີ່ໝັ້ນຄົງ ແລະ ບໍ່ກ້າທີ່ຈະໃຊ້ຈ່າຍໃນເລື່ອງອື່ນໆ ເຖິງແມ່ນວ່າຈະເປັນເລື່ອງທີ່ຈຳເປັນກໍຕາມ. ຄ້າຍຄືກັບພາບສະທ້ອນທີ່ບິດເບືອນ ເຮັດໃຫ້ເຮົາຮູ້ສຶກບໍ່ມີວັນພໍ ເຖິງແມ່ນວ່າຈະມີເງິນລົ້ນມືກໍຕາມ. ທັງນີ້ອາການ Money Dysmorphia ກໍແມ່ນອາການສ່ວນໜຶ່ງຂອງອາການທາງຈິດ, ເຊິ່ງພົບວ່າ 64% ຂອງຜູ້ໃຫຍ່ມັກຈະຕົກຢູ່ໃນອາການ Money Dysmorphia.
ສາເຫດທີ່ເຮັດໃຫ້ເກີດອາການ Money Dysmorphia
ໂດຍອາການດັ່ງກ່າວມັກມີສາເຫດມາຈາກ 3 ປັດໄຈຫຼັກໆທີ່ສຳຄັນເຊິ່ງໄດ້ເເກ່:
- ຄວາມກັງວົນກ່ຽວກັບສະຖານະທາງດ້ານການເງິນ
ໂດຍກຸ່ມຄົນທີ່ມີແນວໂນ້ມຈະເຂົ້າຂ່າຍພາວະ Money Dysmorphia ນັ້ນ ສ່ວນຫຼາຍຈະມັກກັງວົນກັບສະຖານະທາງດ້ານການເງິນໃນອະນາຄົດຂອງຕົນເອງຫຼາຍເກີນໄປເຊັ່ນ ຢ້ານວ່າເກີດເຫດການທີ່ຮ້າຍແຮງຂຶ້ນໃນອະນາຄົດ ເຖິງແມ່ນວ່າຈະມີເງິນເກັບສຳຮອງພຽງພໍທີ່ໃນການຮັບມືເລື່ອງເຫຼົ່ານີ້່ກໍຕາມ
- ກົດດັນຕົນເອງຫຼາຍເກີນໄປ
ໃນປັດຈຸບັນ, ຫຼາຍຄົນໄດ້ເລີ່ມທີ່ຈະເກັບເງິນຈໍານວນຫຼວງຫຼາຍໃນແຕ່ລະເດືອນ ເພື່ອຄວາມສະດວກໃນຊີວິດຫຼັງຈາກບໍານານ ແລະ ຫຼາຍຄົນເລືອກທີ່ຈະກິນບໍານານຕັ້ງແຕ່ອາຍຸຍັງນ້ອຍ. ເຊິ່ງນີ້ເຮັດໃຫ້ຄົນທີ່ມີພາວະ Money Dysmorphia ຢູ່ກ່ອນແລ້ວ ເກີດຄວາມກົດດັນຕໍ່ຕົນເອງຫຼາຍຂຶ້ນກວ່າເກົ່າ ແລະ ຍິ່ງບໍ່ກ້າທີ່ຈະໃຊ້ເງິນເພື່ອຄວາມສຸກຂອງຕົນເອງຫຼາຍຂຶ້ນ.
- ມີປະສົບການທີ່ບໍ່ດີກ່ຽວກັບສະຖານະທາງດ້ານການເງິນ
ຖ້າໃຜເຄີຍມີປະສົບການທີ່ບໍ່ດີກ່ຽວກັບການເງິນໃນໄລຍະຜ່ານມາ ເຊັ່ນ: ມີໜີ້ສິນຫຼາຍ ແລະ ໃຊ້ເວລາດົນທີ່ຈະຄ່ອຍໆຈ່າຍຈົນໝົດ ຫຼື ອາດຈະເຄີຍຕິດໜີ້ບັດເຄຣດິດ ຫຼື ອາດເຄີຍຢູ່ໃນຄອບຄົວທີ່ທຸກຍາກມາກ່ອນເປັນຕົ້ນ.
ນອກຈາກ Money Dysmorphia ແລ້ວຍັງມີພາວະອື່ນໆທີ່ກ່ຽວຂ້ອງກັບການໃຊ້ເງິນ ແລະ ອາດຈະສົ່ງຜົນເສຍຕໍ່ສຸຂະພາບຈິດຄື:
- ຂີ້ຕົວະ ຫຼື ປົກປິດເລື່ອງເງິນກັບຄົນໃນເຮືອນ
- ພະຍາຍາມລືມບັນຫາທາງດ້ານການເງິນ
- ເສບຕິດການໃຊ້ເງິນ
- ຢ້ານການໃຊ້ຈ່າຍເງິນ
- ກັງວົນເລື່ອງເງິນ
- ຊຶມເສົ້າຈາກບັນຫາທາງດ້ານການເງິນ
- ບົກພ່ອງໃນການຄວບຄຸມການໃຊ້ຈ່າຍ.
- ໂຣກຈິດຕະເພດ (Schizophrenia)
- ໂຣກສະໝອງເສື່ອມ (Alzheimer)
- ໂຣກຂາດເຫຼົ້າບໍ່ໄດ້ (alcoholism)
ວິທີປ້ອງກັນ Money Dysmorphia
- ປັບປ່ຽນມຸມມອງກ່ຽວກັບການເງິນ:
– ໃຫ້ເງິນເປັນເຄື່ອງມືທີ່ຊ່ວຍເຮັດໃຫ້ຊີວິດດີຂຶ້ນ.
– ເງິນບໍ່ແມ່ນຕົວວັດແທກຄວາມສໍາເລັດ.
– ສຸມໃສ່ຄວາມສຸກ ແລະ ຄວາມພໍໃຈ ແທນທີ່ຈະຍຶເຕິດກັບວັດຖຸນິຍົມ - ຈັດການກັບຄວາມຄິດໃນແງ່ລົບ:
– ປະເຊີນໜ້າກັບຄວາມຄິດດ້ານລົບກ່ຽວກັບເງິນ
– ສຸມໃສ່ດ້ານບວກຂອງສະຖານະການທາງດ້ານການເງິນ
– ເຝິກຝົນໃຫ້ຕົນເອງຮູ້ສຶກພູມໃຈຕໍ່ກັບສິ່ງທີ່ຕົນເອງມີ - ຈັດລະບຽບໃນການໃຊ້ຈ່າຍເງິນ:
– ກໍານົດເປົ້າໝາຍທາງດ້ານການເງິນ
– ຈົດບັນທຶກລາຍຮັບ ແລະ ລາຍຈ່າຍ.
– ການວາງແຜນງົບປະມານ - ຊອກຫາກິດຈະກຳທີ່ບໍ່ຈຳເປັນຕ້ອງໃຊ້ເງິນ:
– ໃຊ້ເວລາກັບຄົນທີ່ເຮົາຮັກ.
– ຫາກິດຈະກຳຍາມວ່າງ
– ເປັນອາສາສະໝັກ - ປຶກສາຜູ້ຊ່ຽວຊານ:
– ນັກບຳບັດສາມາດຊ່ວຍພັດທະນາກົນໄກໃນການຮັບມືກັບບັນຫາ
– ທີ່ປຶກສາທາງດ້ານການເງິນສາມາດຊ່ວຍໃຫ້ເຮົາວາງແຜນທາງດ້ານການເງິນໄດ້ດີຂຶ້ນ. - ດູແລສຸຂະພາບກາຍ ແລະ ຈິດໃຈ:
– ກິນອາຫານທີ່ດີຕໍ່ສຸຂະພາບ.
– ອອກກໍາລັງກາຍເປັນປົກກະຕິ
– ນອນໃຫ້ພຽງພໍ. - ຢູ່ກັບປັດຈຸບັນ:
– ຫຼີກເວັ້ນຄວາມຄິດທີ່ເຮັດໃຫ້ຕົວເອງກັງວົນກັບເລື່ອງທີ່ບໍ່ທັນເກີດຂຶ້ນ.
– ຊື່ນຊົມສິ່ງທີ່ຕົນເອງມີ - ຕ້ອງຍອມຮັບວ່າເຮົາບໍ່ສາມາດຄວບຄຸມການເງິນຂອງຕົນເອງໄດ້ທັງໝົດ:
– ຮຽນຮູ້ທີ່ຈະຍອມຮັບ ແລະ ຜ່ອນຄາຍກັບຄວາມບໍ່ແນ່ນອນ. - ຮຽນຮູ້ທີ່ຈະໃຫ້ອະໄພຕົນເອງສໍາລັບຄວາມຜິດພາດທາງດ້ານການເງິນທີ່ຜ່ານມາ
– ສຸມໃສ່ປັດຈຸບັນ ແລະ ອະນາຄົດ - ຂໍຄວາມຊ່ວຍເຫຼືອຖ້າເຈົ້າກຳລັງປະສົບກັບບັນຫາໃນການຈັດການກັບຄວາມກັງວົນທາງດ້ານການເງິນ
– ມີແຫຼ່ງຂໍ້ມູນມາກມາຍທີ່ສາມາດຊ່ວຍທ່ານໄດ້.
Money Dysmorphia ບໍ່ໄດ້ໝາຍຄວາມວ່າມີບັນຫາທາງດ້ານການເງິນ ແຕ່ມັນເປັນບັນຫາຂອງແນວຄິດທີ່ບິດເບືອນ. ການຮັບຮູ້ເຖິງສັນຍານເຕືອນ, ຊອກຫາສາເຫດ ແລະ ປ້ອງກັນຢ່າງຖືກຕ້ອງ ກໍຈະຊ່ວຍໃຫ້ເຮົາມີຄວາມສຸກກັບຊີວິດຫຼາຍຂຶ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/