ສະຫະລັດມິີຄວາມຕັ້ງໃຈທີ່ຈະຍົກເລີກເຄືອຂ່າຍທີ່ພັດທະນາໂດຍຈີນທີ່ໃຊ້ໃນການຂັບເຄື່ອນທຸລະກໍາ cryptocurrency ຢ່າງບໍ່ມີກໍານົດ ແລະ ໃນຮ່າງກົດໝາຍໃໝ່ແມ່ນຈະມີຮາກຖານມາຈາກຮ່າງກົດໝາຍທັງສອງຝ່າຍທີ່ສະເໜີໂດຍສະພານິຕິບັນຍັດ.
ໃນວັນພຸດທີ່ຜ່ານມາ, ສະພານິຕິບັນຍັດຂອງສະຫະລັດ ແລະ ຄະນະກໍາມະການຫຼັກຊັບແລະ ຕະຫຼາດຫຼັກຊັບ (SEC) ທີ່ນໍາພາໂດຍ Abigail Spanberger ແລະ Zach Nunn ໄດ້ສະເໜີຮ່າງກົດໝາຍຂຶ້ນມາໃໝ່ເພື່ອຈໍາກັດເຈົ້າໜ້າທີ່ລັດຖະບານກາງຈາກການເຮັດທຸລະກິດໂດຍໃຊ້ເຄືອຂ່າຍ blockchain ໃນປະເທດຈີນ, ໂດຍຮ່າງກົດໝາຍສະບັບໃໝ່ໄດ້ມີການລະບຸວ່າ ທຸລະກຳທາງທຸລະກິດໂດຍໃຊ້ crypto ຈະຖືກ “ຈຳກັດ” ແລະ “ຖືກເນລະເທດພ້ອມກັບ USDT ຂອງ Tether”
ເຫດການດັ່ງກ່າວໄດ້ສະແດງໃຫ້ເຫັນຢ່າງຊັດເຈນເຖິງຂໍ້ກັງຂາຂອງວໍຊິງຕັນຕໍ່ສາຍສຳພັນກັບປະເທດຈີນສຳລັບສະກຸນເງິນດິຈິຕອນ. ໃນຂະນະດຽວກັນ, ຄຳຖະແຫຼງການຈາກບຸກຄົນທີ່ກ່ຽວຂ້ອງກັບຮ່າງກົດໝາຍໃໝ່ນີ້ ອາດຈະເປັນສິ່ງທີ່ສະທ້ອນເຖິງສົງຄາມເຢັນກັບອຸດສາຫະກໍາ crypto. ເນື່ອງຈາກວ່າຮ່າງກົດໝາຍດັ່ງກ່າວໄດ້ສະແດງໃຫ້ເຫັນໄດ້ຢ່າງຈະແຈ້ງວ່າຕ້ອງການສະກັດກັ້ນບໍ່ໃຫ້ບັນດາວິສາຫະກິດຂອງສະຫະລັດ ແລະເ ຈົ້າໜ້າທີ່ລັດຖະບານໃຊ້ແພລັດຟອມ Crypto ສໍາລັບສ້າງໂອກາດໃນການລົງທຶນ. ໃນບັນດາບໍລິສັດ crypto ທີ່ໄດ້ຖືກກ່າວເຖິງໃນຮ່າງກົດໝາຍນີ້ແມ່ນ iFinex, ບໍລິສັດແມ່ຂອງ Tether ເຊິ່ງໄດ້ມີການລະບຸເຖິງການຫ້າມໃຊ້ຫຼຽນ USDT ທີ່ເປັນຫຼຽນທີ່ໃຫຍ່ທີ່ສຸດໃນໂລກ. ແລະນີ້ໝາຍຄວາມວ່າ ທຸລະກຳທີີ່ໃຊ້ USDT ທັງໝົດຈະຖືກລຶບອອກ.
ໃນຂະນະດຽວກັນ, ຂໍ້ສະເໜີໃນຮ່າງກົດໝາຍດັ່ງກ່າວຍັງພະຍາຍາມທີ່ຈະຫ້າມບໍ່ໃຫ້ເຈົ້າໜ້າທີ່ຂອງລັດຖະບານ ຕິດຕາມທຸລະກຳດິຈິຕອນໂດຍໃຊ້ແພລັດຟອມ crypto ທີ່ພັດທະນາໃນຈີນ ແລະ ຍັງໄດ້ລະບຸວ່າ ຈະຕັດຂາດບໍ່ໃຫ້ເຈົ້າໜ້າທີ່ຂອງລັດຖະບານເຂົ້າມາຫຍຸ້ງກ່ຽວໃນການສະໜັບສະໜຸນ blockchain ໃນປະເທດຈີນທີ່ກ່ຽວຂ້ອງກັບການຊື້ຂາຍ crypto.
Zach Nunn ເຊິ່ງເປັນສະມາຊິກສະພາຄົນໃໝ່ທີ່ເຂົ້າຮ່ວມຄະນະກຳມາທິການໃນປີນີ້. ໂດຍລາວໄດ້ສະແດງຄວາມເຫັນກ່ຽວກັບຮ່າງກົດໝາຍທີ່ກ່າວມານີ້ວ່າ:
“ພາຍໃນທົດສະວັດຕໍ່ໄປ ອາເມຣິກາທຸກຄົນຈະເກັບຂໍ້ມູນສ່ວນຕົວທີ່ສຳຄັນໄວ້ໃນເຕັກໂນໂລຊີ blockchain, ສະນັ້ນການລົງທຶນອັນໃຫຍ່ຫຼວງຂອງຈີນໃນໂຄງສ້າງພື້ນຖານນີ້ເຮັດໃຫ້ເກີດຄວາມກັງວົນກ່ຽວກັບຄວາມປອດໄພແຫ່ງຊາດ ແລະ ຄວາມເປັນສ່ວນຕົວຂອງຂໍ້ມູນຢ່າງຫຼວງຫຼາຍ”
ນອກຈາກນີ້ ເຈົ້າໜ້າທີ່ຂອງລັດຖືກຫ້າມບໍ່ໃຫ້ໃຊ້ເຄືອຂ່າຍ blockchain ອື່ນໆອີກຫຼາຍແຫ່ງລວມເຖິງ Spartan Network, Red Date Technology Co. ແລະ The Conflux, ເຊິ່ງເຄືອຂ່າຍເຫຼົ່ານີ້ເປັນ blockchain ທີ່ຢູ່ເບື້ອງຫຼັງຂອງສະກຸນເງິນດິຈິຕອນຂອງຈີນ ແລະ ສະໜັບສະໜູນຜະລິດຕະພັນ blockchain ເຊັ່ນ Digital Yuan ຂອງທະນາຄານກາງຈີນ (CBDC).
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
