ປິດສາກລົງໄປແລ້ວກັບການແຂ່ງຂັນ The International 10 ຂອງເກມ Dota 2 ທີ່ມີເງິນຮາງວັນລວມສູງເຖິງ 40.000.000 ໂດລາ ເຊິ່ງຈັດຂຶ້ນທີ່ ປະເທດ ໂຣມາເນຍ ໂດຍເປັນການຈັດແບບເຄິ່ງອອນໄລນ໌ ເພາະເນື່ອງດ້ວຍການລະບາດຂອງ ພະຍາດ Covid-19 ຈຶ່ງອະນຸຍາດໃຫ້ ສະເພາະ ນັກແຂ່ງ ແລະ ທີມງານເຂົ້າໄປໃນສະໜາມໄດ້.
ເຊິ່ງທີມທີ່ຊະນະເລີດໃນການແຂ່ງຂັນໃນເທື່ອນີ້ກໍແມ່ນ Team Spirit ທີມໄວໜຸ່ມໄຟແຮງຈາກ ຣັດເຊຍ ທີ່ສາມາດເອົາຊະນະທີມ PSG.LGD ຈາກປະເທດຈີນໄດ້ດ້ວຍຄະແນນ 3-2, Team Spirit ຖືວ່າເປັນທີມມ້າມືດນອກສາຍຕາທີ່ບໍ່ມີໃຜຄິດວ່າຈະສາມາດເອົາຊະນະການແຂ່ງຂັນໄດ້.
ແຕ່ Team Spirit ກໍສາມາດຜ່ານທີມຊັ້ນນຳຕ່າງໆຂອງໂລກ Dota 2 ໃນປີນີ້ມາໄດ້ພ້ອມທັງຄວ້າເງິນຮາງວັນອັນດັບໜຶ່ງ ຈຳນວນ 18 ລ້ານໂດລາ (ຫຼືປະມານ 182.629.800.000 ກີບ) ຈາກເງິນຮາງວັນລວມທັງໝົດ 40 ລ້ານໂດລາ ເຊິ່ງຖືວ່າເປັນເງິນຮາງວັນທີ່ສູງທີ່ສຸດໃນປະຫວັດສາດຂອງວົງການ E-sport.
Team Spirit Member:
- Yatoro – Illya Mulyarchuk
- Torontotokyp – Alexander Kherktek
- Collapse – Magomed Khalilov
- Mira – Miroslaw Kolpakov
- Miposhka – Yaroslav Naidenov
ຕິດຕາມຂ່າວທັງໝົດຈາກ LaoX: https://laox.la/all-posts/
