ໂຄຄາ ໂຄລາ (Coca-Cola) ຫຼື ໂຄກ (Coke) ເຄື່ອງດື່ມນ້ຳອັດລົມທີ່ຄອງຕະຫຼາດໂລກມາຫລາຍທົດສະວັດ ແລະ ຖືເປັນຕົວແທນແຫ່ງການສະເຫຼີມສະຫຼອງໃນທຸກເທສະການ.
ໂຄຄາ ໂຄລາ ກຳເນີດຂຶ້ນໃນວັນທີ 8 ພຶດສະພາ 1886 ຫຼື 137 ປີກ່ອນ ທີ່ເມືອງແອດແລນຕາ ລັດຈໍເຈຍໂດຍ ເພສັດຊະກອນ John Stith Pemberton. ໂຄຄາ ໂຄລາ ຖືກຕັ້ງຊື່ຕາມສ່ວນປະສົມດັ້ງເດີມ 2 ຊະນິດທີ່ໃຊ້ໃນການຜະລິດໄດ້ແກ່ໃບໂຄຄາ ແລະ ຖົ່ວໂຄລາ ຖືກຕັ້ງຊື່ໂດຍ Frank Robinson ນັກບັນຊີທີ່ຊ່ວຍເຫຼືອ Pemberton ແລະ ຍັງເປັນຜູ້ອອກແບບໂລໂກ້ທີ່ໃຊ້ມາເຖິງປັດຈຸບັນ.
![](https://laox.la/wp-content/uploads/2023/05/image-323-794x1024.png)
Pemberton ມີການຄົ້ນຄິດສິນຄ້າຫຼາຍຊະນິດບໍ່ວ່າຈະເປັນຢາຍ້ອມຜົມ, ເຄື່ອງສຳອາງ ແລະ ນ້ຳຫອມ. ໄລຍະຕໍ່ມາ Pemberton ໄດ້ມີຄວາມສົນໃຈຕົ້ນໂຄຄາ ພືດພື້ນເມືອງຂອງຊາວເປຣູ ມີລິດເປັນຢາກະຕຸ້ນທີ່ມີມາຫຼາຍກວ່າ 2000 ປີ. ຕົ້ນໂຄຄາຍັງມີສານໂຄເຄນທີ່ຖືເປັນສານເສບຕິດ ແຕ່ໃນເວລານັ້ນໂຄເຄນຍັງບໍ່ຜິດກົດໝາຍ ແລະ ສານໂຄເຄນຍັງເປັນຢາຂ້າແມງໄມ້ໂດຍທຳມະຊາດ ເຊິ່ງ Pembertonຄິດວ່າໂຄເຄນສາມາດປິ່ນປົວອາການຕິດມໍຟີນໄດ້.
![](https://laox.la/wp-content/uploads/2023/05/image-324-1024x695.png)
Pemberton ໄດ້ທົດລອງຫຼາຍຄັ້ງ ແລະ ໄດ້ປັບປຸງສູດດ້ວຍການໃສ່ຖົ່ວໂຄລາ ຈຶ່ງກາຍເປັນວາຍໂຄລາໃນແບບຂອງຝຣັ່ງ (French Wine Coca) Pemberton ໄດ້ລະບຸວ່າເຄື່ອງດື່ມຊະນິດນີ້ສາມາດປິ່ນປົວໂຣກໄດ້ຫຼາກຫຼາຍເຊັ່ນ: ອາການຕິດມໍຟີນ, ອາຫານບໍ່ຍ່ອຍ, ບັນຫາກ່ຽວກັບເສັ້ນປະສາດ ເຊິ່ງຂະນະນັ້ນຍັງບໍ່ໄດ້ມີໃຜຄົ້ນຄິດວິທີປິ່ນປົວໄດ້.
![](https://laox.la/wp-content/uploads/2023/05/image-325-1024x700.png)
ເນື່ອງຈາກວາຍດັ່ງກ່າວຖືກຈຳກັດລູກຄ້າສະເພາະກຸ່ມ ຈຶ່ງໄດ້ມີການປັບປ່ຽນບໍ່ໃຫ້ມີແອວກໍຮໍ Pemberton ໄດ້ສົ່ງຕົວຢ່າງນ້ຳຫວານທີ່ຄິດຄົ້ນຂຶ້ນມາໃໝ່ໃຫ້ເຈົ້າຂອງຮ້ານເຄື່ອງດື່ມຄົນໜຶ່ງປະສົມໂຊດາຈຶ່ງເປັນທີ່ມາຂອງ ໂຄຄາ ໂຄລາ ທີ່ເໝາະສຳລັບທຸກເພດທຸກໄວ. ໂຄຄາໂຄລາບໍ່ມີການເປີດເຜີຍສູດ ນ້ຳອັດລົມ ໂຄຄາ ໂຄລາ ຈຶ່ງຍັງຄົງເປັນຄວາມລັບຈົນເຖິງທຸກວັນນີ້.
![](https://laox.la/wp-content/uploads/2023/05/image-326-1024x784.png)
ເມື່ອເລີ່ມຈຳໜ່າຍໃນປີທຳອິດ ໂຄຄາ ໂຄລາ ຂາຍໄດ້ພຽງ 1000 ແກ້ວເທົ່ານັ້ນ ດ້ວຍຄວາມມຸ່ງໝັ້ນ ເຮັດໃຫ້ສຸຂະພາບຂອງ Pemberton ເສື່ອມໂຊມລົງ, Pemberton ໄດ້ຂາຍບໍລິສັດ ໂຄຄາ ໂຄລາ ໃຫ້ກັບ Asa Candler ກ່ອນຈະເສຍຊີວິດລົງໃນປີ 1888.
ປີ 1900 ບໍລິສັດໄດ້ງົດສ່ວນປະສົມຂອງ ໂຄຄາ ລົງເນື່ອງຈາກມີສານໂຄເຄນ ແລະ ຍັງໄດ້ປ່ຽນຊື່ເປັນ Coke ທີ່ເຮົາຮູ້ຈັກໃນປັດຈຸບັນ.
![](https://laox.la/wp-content/uploads/2023/05/image-327-1024x697.png)
ຂອບໃຂຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/