ທະນາຄານພັດທະນາອາຊີ (ADB) ໄດ້ບັນລຸຂໍ້ຕົກລົງກັບບັນດາປະເທດຜູ້ບໍລິຈາກເພື່ອລະດົມທຶນ 5 ຕື້ໂດລາສະຫະລັດໃຫ້ແກ່ 2 ກອງທຶນຄື: ກອງທຶນພັດທະນາອາຊີ (ADF) 14 ແລະ ກອງທຶນຊ່ວຍເຫຼືອດ້ານເຕັກນິກພິເສດ (TASF) 8. ການສະໜັບສະໜູນຄັ້ງນີ້ແມ່ນມີຂຶ້ນໃນກອງປະຊຸມປະຈຳປີຄັ້ງທີ 57 ຂອງ ADB ໂດຍມີຈຸດປະສົງດັ່ງນີ້:
- ສຸມໃສ່ປະເທດທີ່ທຸກຍາກທີ່ສຸດ ແລະ ດ້ອຍໂອກາດທີ່ສຸດ
ADF ແມ່ນກອງທຶນຊ່ວຍເຫຼືອທາງດ້ານການເງິນທີ່ໃຫຍ່ທີ່ສຸດຂອງ ADB ໃຫ້ແກ່ບັນດາປະເທດສະມາຊິກທຸກຍາກທີ່ກຳລັງພັດທະນາ ແລະ ດ້ອຍໂອກາດທີ່ສຸດ. ADF 14 ໄດ້ລະດົມທຶນຮອບທີ 13 ຈະຊ່ວຍສະໜັບສະໜູນຊ່ວຍການດຳເນີນງານແບບໃຫ້ເງິນລ້າຕັ້ງແຕ່ປີ 2025 – 2028.
- ເງິນທຶນທີ່ເພີ່ມຂຶ້ນ
ການລະດົມທຶນໃນຮອບນີ້ແມ່ນສູງກວ່າຮອບທີ່ຜ່ານມາ 22%, ເຊິ່ງແມ່ນການລະດົມທຶນຊ່ວຍເຫຼືອລ້າທີ່ໃຫຍ່ທີ່ສຸດຂອງ ADF ເທົ່າທີ່ເຄີຍມີມາ. TASF 8 ຍັງໄດ້ເໜີເງິນທຶນຊ່ວຍເຫຼືອລ້າສໍາລັບການກະກຽມໂຄງການ “ການສ້າງຄວາມສາມາດ ແລະ ຄໍາແນະນໍາທາງດ້ານເຕັກນິກ ຫຼື ນະໂຍບາຍ”
- ການປະຕິບັດດ້ານດິນຟ້າອາກາດ ແລະ ລັດທີ່ອ່ອນແອ
ADF 14 ໃຫ້ຄວາມສໍາຄັນແກ່ບັນດາປະເທດເກາະຂະໜາດນ້ອຍທີ່ມີຄວາມສ່ຽງຕໍ່ການປ່ຽນແປງຂອງດິນຟ້າອາກາດ ແລະ ປະເທດທີ່ກຳລັງປະເຊີນກັບການຂັດແຍ່ງກັນ. ນອກຈາກນີ້, ADF 14 ຍັງມີບົດບາດສໍາຄັນໃນການປັບຕົວກັບການປ່ຽນແປງດິນຟ້າອາກາດ, ການຫຼຸດຜ່ອນຄວາມສ່ຽງໄພພິບັດ ແລະ ການຮ່ວມມືໃນລະດັບພາກພື້ນ
- ແຫຼ່ງທຶນທີ່ມີຄວາມຫຼາກຫຼາຍ
ຫຼາຍກວ່າເຄິ່ງໜຶ່ງ (2.5 ຕື້ໂດລາ) ແມ່ນມາຈາກເງິນບໍລິຈາກຂອງປະເທດຕ່າງໆ, ລວມທັງຜູ້ບໍລິຈາກໃໝ່ 2 ປະເທດຄື: ອາເມເນຍ ແລະ ຈໍເຈຍ. ADB ຈະເພີ່ມເງິນການໂອນລາຍຮັບສຸດທິ (net income transfers) ຂອງຕົນເອງໃຫ້ກັບ ADF ຈາກ 1.2 ຕື້ໂດລາໃນ ADF 13 ເປັນເກືອບ 1.6 ຕື້ໂດລາໃນ ADF 14, ເຊິ່ງເພີ່ມຂຶ້ນ 35%, ສ່ວນເງິນທຶນທີ່ຍັງເຫຼືອ 0,9 ຕື້ໂດລາຈະເປັນການໂອນມາຈາກ ADF ຮອບກ່ອນ ແລະ ລາຍໄດ້ຈາກການລົງທຶນຂອງສະພາບຄ່ອງ.
- ຄວາມພະຍາຍາມຮ່ວມກັນ
ນອກເໜືອຈາກເງິນທຶນຊ່ວຍເຫຼືອລ້າຈາກ ADF ແລ້ວ. ADB ຈະໃຫ້ເງິນກູ້ແບບຜ່ອນຜັນ 16.7 ຕື້ໂດລາໃນໄລຍະເວລາ ADF 14, ເຊິ່ງໝາຍຄວາມວ່າຈະມີເງິນທຶນສະໜັບສະໜູນແບບໃຫ້ລ້າ ແລະ ເງິນກູ້ແບບຜ່ອນຜັນຫຼາຍກວ່າ 8 ໂດລາສໍາລັບທຸກໆ 1 ໂດລາທີ່ມາຈາກຜູ້ບໍລິຈາກ.
- ພາລະກິດຂອງ ADB
ADB ມຸ່ງໝັ້ນໄປສູ່ການນຳພາໃຫ້ພາກພື້ນອາຊີ ແລະ ປາຊີຟິກຈະເລີນຮຸ່ງເຮືອງ, ຄອບຄຸມ, ຍືດຫຍຸ່ນ ແລະ ຍືນຍົງ ຄຽງຄູ່ກັບການລຶບລ້າງຄວາມທຸກຍາກອອກຈາກປະເທດທີ່ກຳລັງພັດທະນາ. ADB ສ້າງຕັ້ງຂຶ້ນໃນປີ 1966, ໂດຍມີ 68 ປະເທດສະມາຊິກ, ເຊິ່ງ 49 ປະເທດແມ່ນມາຈາກພາກພື້ນນີ້.
ໝາຍເຫດ:
- ບັນດາຜູ້ໃຫ້ທຶນທີ່ໄດ້ປະກາດໃຫ້ການສະໜັບສະໜູນ ADF 14 ລວມມີ: ອາເມເນຍ, ອອສເຕຣເລຍ, ແຄນາດາ, ເດັນມາກ, ຟິນແລນ, ຝຣັ່ງ, ຈໍເຈຍ, ເຢຍລະມັນ, ຮົງກົງ, ຈີນ, ອິນເດຍ, ອິນໂດເນເຊຍ, ໄອແລນ, ອິຕາລີ, ຍີ່ປຸ່ນ, ລັກເຊມເບີກ, ມາເລເຊຍ, ເນເທີແລນ, ນິວຊີແລນ, ນໍເວ, ສາທາລະນະລັດປະຊາຊົນຈີນ, ຟີລິບປິນ, ໂປຕຸເກດ, ສ.ເກົາຫຼີ, ສະເປນ, ສວີເດນ, ສະວິດເຊີແລນ, ໄທເປ, ຈີນ, Turkey, ສະຫະຣາຊະອານາຈັກ ແລະ ສະຫະລັດອາເມຣິກາ.
- ປະເທດສະມາຊິກທີ່ກໍາລັງພັດທະນາຕໍ່ໄປນີ້ແມ່ນຜູ້ທີ່ໄດ້ຮັບທຶນຫຼັກຈາກ ADF 14 ມີ: ລັດສະຫະພັນໄມໂຄນີເຊຍ, ກີຣິບາຕີ, ສາທາລະນະລັດ Kyrgyz; Maldives, ໝູ່ເກາະມາແຊນ, ນາອູຣູ, ຊາມົວ, ໝູ່ເກາະໂຊໂລມອນ, ທາຈິກິດສະຖານ, ຕົງກາ, ຕູວາລູ, ແລະ ປະເທດວານົວຕູ. ເງິນຊ່ວຍເຫຼືອຈະມີໄວ້ເພື່ອສະໜັບສະໜູນປະຊາຊົນໃນອັຟການີສະຖານ, ມຽນມາ ແລະ ສໍາລັບໂຄງການຫັນປ່ຽນໃນປະເທດບັງກະລາເທດ, ພູຖານ, ກຳປູເຈຍ, ໝູ່ເກາະຄຸກ, ຟິຈິ, ສາທາລະນະລັດ ປະຊາທິປະໄຕ ປະຊາຊົນລາວ, ມົງໂກເລຍ, ເນປານ, ນີວ, ປາກີສະຖານ, ປາລູ, ປາປົວນິວກີນີ, ສີລັງກາ, ຕີມໍ-ເລສເຕ ແລະ ອຸສເບກິສຖານ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
