ທະນາຄານແຫ່ງ ສປປ ລາວ ອອກກົດເກນດ້ານເງິນຕາຕ່າງປະເທດ ໂດຍໃຫ້ນັກລົງທຶນຕ່າງຊາດຕ້ອງເປີດບັນຊີທະນາຄານໃນ ສປປ ລາວ ສຳລັບການດຳເນີນການທາງການຕ່າງໆ.
ຈາກລາຍງານຂອງສຳນັກຂ່າວ Vientiane Times ລະບຸວ່າ ກົດເກນດັ່ງກ່າວ ເກີດຂຶ້ນຫຼັງຈາກທີ່ລັດຖະບານພົບວ່າເງິນທຶນໄຫຼເຂົ້າຂອງການລົງທຶນຈາກຕ່າງປະເທດ ທີ່ຖືກບັນທຶກໃນລະບົບທະນາຄານຕ່ຳກວ່າມູນຄ່າລົງທຶນ ທີ່ຕົກລົງກັນໄວ້ຢ່າງຫຼາຍ.
ການເຄື່ອນໄຫວຂອງທະນາຄານກາງໃນຄັ້ງນີ້ ຈຶ່ງເປັນສ່ວນໜຶ່ງຂອງຄວາມພະຍາຍາມຂອງລັດຖະບານ ໃນການຮັບປະກັນວ່າເງິນຕາຕ່າງປະເທດຈະເຂົ້າລະບົບທະນາຄານຫຼາຍຂຶ້ນ, ລວມເຖິງເປັນອີກໜຶ່ງສິ່ງທີ່ຊ່ວຍແກ້ບັນຫາການຂາດດຸນການຊຳລະເງິນທັງໝົດ ເຊິ່ງເຊື່ອວ່າການຮັກສາສະຖຽນລະພາບຂອງມູນຄ່າເງິນກີບຈະຊ່ວຍແກ້ໄຂບັນຫາດ້ານການເງິນຂອງປະເທດ ທີ່ກຳລັງພົບຢູ່.
ນັກລົງທຶນຕ່າງຊາດ ຈຶ່ວຈຳເປັນຕ້ອງເປີດບັນຊີທະນາຄານໃນສະກຸນເງິນກີບ ແລະ ສະກຸນເງິນຕາຕ່າງປະເທດກັບທະນາຄານການຄ້າໃນ ສປປ ລາວ ພາຍໃນ 15 ວັນ ຫຼັງຈາກທີ່ໄດ້ຮັບໃບອະນຸຍາດປະກອບທຸລະກິດ ຫຼື ເມື່ອຂໍ້ສະເໜີຂໍລົງທຶນໄດ້ຮັບການອະນຸມັດຮຽບຮ້ອຍ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/