Mitsubishi Lancer GSR ລົດ Classic ຈາກຍຸກ 70’s ທີ່ຈະກັບມາມີຊີວິດອີກຄັ້ງໃນປັດຈຸບັນ ດ້ວຍເຄື່ອງຈັກແບບໃໝ່ທີ່ແຮງ 220 ແຮງມ້າ.
ໃນປິ 70’s ລົດ Mitsubishi Lancer GSR ເປັນລົດທີ່ໄດ້ຮັບຄວາມນິຍົມຫຼາຍ ດ້ວຍການອອກແບບທີ່ມີລັກສະນະໂດດເດັ່ນ ແລະມີຍອດຂາຍທີ່ຫຼາຍ ເຊິ່ງປັດຈຸບັນລົດຄັນດັ່ງກ່າວກໍກຳລັງຈະໄດ້ຮັບການຟື້ນຄືນອີກຄັ້ງ ແລະ ນຳມາຜະລິດໃໝ່ດ້ວຍເທັກໂນໂລຢີໃນຍຸກ 2021.
Mitsubishi Lancer GSR ຄັນໃໝ່ນີ້ຈະຂັບເຄື່ອນດ້ວຍລໍ້ຫຼັງ ຄືກັບຮຸ່ນທີ່ອອກຂາຍໃນປີ 70, ໃຊ້ຮູບແບບສະຖາປັດຕະຍະກຳສະໄໝໃໝ່ທີ່ມີການສະຕາດແບບອິດສະຫຼະ ແລະ ມີການຕິດຕັ້ງລະບົບກັນສັ່ນສະເທືອນຢູ່ດ້ານຫຼັງ ໂຄງສ້າງຫຼັກຈະເປັນເຫຼັກປະສົມຊະນິດຕ່າງໆ ລວມທັງເຫຼັກທີ່ມີຄວາມແຂງແຮງສູງ, ຈະມີການໃຊ້ອາລູມີນຽມກັບສ່ວນທີ່ປະກອບກັບລະບົບກັນສັ່ນສະເທືອນ, ແຜ່ນບັງຂີ້ຕົມ ແລະ ຝາກະໂປງໜ້າ.
ເຄື່ອງຈັກທີ່ໃຊ້ຈະເປັນຈະເປັນການຮ່ວມມືພັດທະນາລະຫວ່າງ Mitsubishi ແລະ Nissan, ເຊິ່ງ Lancer GSR ຄັນໃໝ່ນີ້ຈະມີເຄື່ອງຈັກແຮງປະມານ 220 ແຮງມ້າ ແລະ ແຮງສະປີດສູງ 295 ນິວຕັນ ທີ່ສົ່ງກຳລັງໄປທີ່ລໍ້ຫຼັງດ້ວບເກຍ 6 ຈັງຫວະ.
ຮູບແບບຂອງ Lancer ໃນຍຸກ 70 ນັ້ນ ມີຄວາມໂດດເດັ່ນໃນທຸກການອອກແບບຢູ່ແລ້ວ ແລະ ມີປະໂຫຍດຢ່າງຫຼວງຫຼາຍໃນການປັບປຸງລົດຈາກຍຸກ Classic ໃຫ້ກັບມາມີຄວາມທັນສະໄໝ. ທາງຜູ້ອອກແບບໄດ້ສ້າງເອກະລັກຂອງໄຟສ່ອງທາງໜ້າ ໂດຍຕິດຕັ້ງໄຟ DRL ທີ່ມີລັກສະນະມົນໃຫຍ່ ແລະ ຕິດຕັ້ງໄຟໃນລົດມີຂະໜາດນ້ອຍ ເນື່ອງຈາກເປັນຊ່ອງລະບາຍອາກາດຈະຢູ່ດ້ານລຸ່ມແບບລົດສະໄໝໃໝ່, ຕົວກັນຢູ່ດ້ານໜ້າຂອງລົດຈະໃຊ້ເປັນແຜງສີດຳເງົາ, ດ້ານຂ້າງຍັງຮັກສາສ່ວນໂຄ້ງຂອງຮຸ່ນຕົ້ນແບບເອົາໄວ້, ດ້ານຫຼັງໄດ້ຮັບການປ່ຽນເປັນໄຟ LED ທີ່ທັນສະໄໝຂອງໄຟທ້າຍຮູບໂຕ L ອັນເປັນເອກະລັກ ແລະ ຊ່ອງເປີດທ້າຍລົດຈະຕ່າງຈາກຮຸ່ນເກົ່າ.
ຂໍ້ມູນຈາກ:
- https://www.topgear.com.ph/features/feature-articles/modern-mitsubishi-lancer-gsr-render-a2588-20210714
- https://www.facebook.com/CarGURUThailand/photos/a.1561603714064167/3650292671861917
ຕິດຕາມຂ່າວທັງໝົດຈາກ LaoX: https://laox.la/all-posts/
