ໃນເດືອນທັນວາ 2020 ທາງສະຫະພາບຢູໂຣບ ໄດ້ອະນຸມັດໃຫ້ມີການຂາຍ ແລະ ປູກຖ່າຍ “ຫົວໃຈກົນຈັກ” ແບຣນ CARMAT ຄາດວ່ານີ້ອາດຈະເປັນຫົວໃຈກົນຈັກອັນທຳອິດຂອງໂລກ ທີ່ມີຈຸດປະສົງເພື່ອໃຊ້ແທນຫົວໃຈແທ້ແບບຖາວອນ.
ການສ້າງ ”ຫົວໃຈກົນຈັກ” ແລະ ໄດ້ຮັບການອະນຸຍາດໃຫ້ນຳໃຊ້ໄດ້ ຖືວ່າເປັນອີກບາດກ້າວສຳຄັນຂອງວົງການວິທະຍາສາດການແພດ ເພາະວ່າໃນແຕ່ລະມື້ ໂຣກຫົວໃຈເປັນໂຣກທີ່ເອົາຊີວິດຄົນໃນໂລກເປັນຈຳນວນຫຼາຍ ຫຼາຍກວ່າໂຣກມະເຮັງອີກ ທາງການແພດເອງກໍຕ້ອງການຫົວໃຈຫຼາຍຂຶ້ນ, ດັ່ງນັ້ນ ຫົວໃຈກົນຈັກຈຶ່ງເປັນຄວາມຫວັງຂອງຜູ້ປ່ວຍກວ່າ 10 ລ້ານຄົນ.
ຫົວໃຈກົນຈັກຂອງ CARMAT ອອກແບບມາໃຫ້ໂຕຄວບຄຸມມີຂະໜາດນ້ອຍແບບສອດໄວ້ຂ້າງໆໂຕໄດ້ໂດຍບໍ່ຕ້ອງຖື ແລະ ມີອາຍຸການໃຊ້ງານຢ່າງຕ່ຳ 5 ປີ ເຊິ່ງແນ່ນອນວ່າຜູ້ທີ່ປ່ວຍເປັນໂຣກຫົວໃຈ ແລະ ມີອາຍຸເຫຼືອບໍ່ຫຼາຍ ການຍືດອາຍຸອອກໄປ 5 ປີ ຖືວ່າເປັນເວລາທີ່ມີຄຸນຄ່າຫຼາຍ.
ສ່ວນເລື່ອງລາຄາຂອງຫົວໃຈກົນຈັກນີ້ ລາຄາຂັ້ນຕ່ຳ 1 ແສນ ໂດລາສະຫະລັດ ເຖິງ 3 ແສນ ໂດລາສະຫະລັດ ຖືວ່າເປັນເມັດເງິນຈຳນວນບໍ່ໜ້ອຍເລີຍທີ່ຈະໃຊ້ໃນການຜ່າຕັດປ່ຽນຫົວໃຈກົນຈັກ. ໃນອະນາຄົດເຮົາອາດຈະໄດ້ເຫັນຄວາມກ້າວໜ້າທາງການແພດກ່ຽວກັບຫົວໃຈກົນຈັກທີ່ຫຼາຍຄົນສາມາດເຂົ້າເຖິງໄດ້ຫຼາຍກວ່ານີ້ກໍເປັນໄດ້.
ທີ່ມາ:
