ລາຄານ້ຳມັນດິບ Brent ແລະ West Texas ເພີ່ມຂຶ້ນຢ່າງຫຼວງຫຼາຍໃນຕະຫຼາດ future. ຍ້ອນສະພາບການປະທະກັນທີ່ເຄັ່ງຕຶງຢູ່ພາກພື້ນຕາເວັນອອກກາງ ສົ່ງຜົນໃຫ້ລາຄານ້ຳມັນ Brent ເພີ່ມຂຶ້ນ 77 ເຊັນ ຫຼື 0.9%, ປິດທີ່ 83.73 ໂດລາສະຫະລັດຕໍ່ບາເຣວ. ນ້ຳມັນດິບ West Texas ເພີ່ມຂຶ້ນ 87 ເຊັນ ຫຼື 1.1%, ປິດທີ່ 78.98 ໂດລາຕໍ່ບາເຣວ.
ການໂຈມຕີທາງອາກາດຂອງອິດສະຣາເອວ ຢູ່ເຂດກາຊາ ເປັນແຮງຂັບເຄື່ອນຫຼັກທີ່ຢູ່ເບື້ອງຫຼັງການເພີ່ມຂຶ້ນຂອງລາຄານ້ຳມັນ. ອິດສະຣາເອວ ໄດ້ໂຈມຕີທາງອາກາດໃສ່ເມືອງ Rafah ທາງພາກໃຕ້ຂອງເຂດກາຊາ. ສິ່ງນີ້ໄດ້ເຮັດໃຫ້ເກີດຄວາມກັງວົນກ່ຽວກັບການສະໜອງນ້ໍາມັນທີ່ອາດຈະໄດ້ຮັບຜົນກະທົບ.
ລາຄານ້ຳມັນດິບ Brent ແລະ West Texas ໄດ້ມີການຫຼຸດລົງຫຼາຍທີ່ສຸດໃນ 3 ເດືອນໃນອາທິດທີ່ຜ່ານມາ. ນັກລົງທຶນໄດ້ພາກັນເທຂາຍຊັບສິນທີ່ມີຄວາມສ່ຽງຫຼັງຈາກຕົວເລກການຈ້າງງານຂອງສະຫະລັດ ອ່ອນກວ່າທີ່ຄາດໄວ້, ບວກກັບຄວາມຄືບໜ້າໃນການເຈລະຈາຢຸດຍິງຢູ່ເຂດກາຊາ ຊ່ວຍບັນເທົາຄວາມກັງວົນຂອງນັກລົງທຶນບາງສ່ວນໄດ້.
ເຖິງຢ່າງໃດກໍຕາມ, ໂອກາດທີ່ຈະບັນລຸຂໍ້ຕົກລົງຢຸດຍິງຍັງມີຄວາມເປັນໄປໄດ້. ໂດຍກຸ່ມ Hamas ຄັດຄ້ານຕໍ່ການຮຽກຮ້ອງໃຫ້ປ່ອຍຕົວນັກໂທດປາເລສໄຕນ໌ ເພື່ອແລກປ່ຽນກັບການຍຸຕິສົງຄາມ. ອິດສະຣາເອວບໍ່ຍອມຮັບຂໍ້ສະເໜີນີ້. ສົ່ງຜົນໃຫ້ສະຖານະການຄວາມເຄັ່ງຕຶງຢູ່ພາກພື້ນນັບມື້ນັບເພີ່ມຂຶ້ນ.
ຕະຫຼາດຫຼັກຊັບໃນທົ່ວໂລກໄດ້ປັບຕົວເພີ່ມຂຶ້ນ ແລະ ເງິນໂດລາເອງກໍອ່ອນຄ່າລົງເມື່ອທຽບກັບເງິນເຢນ ແລະ ເງິນຢູໂຣ ໂດຍໄດ້ຮັບແຮງໜຸນຈາກຕົວເລກການຈ້າງງານທີ່ອ່ອນແອຂອງສະຫະລັດ. ເຮັດໃຫ້ນັກລົງທຶນເທຂາຍຊັບສິນເງິນໂດລາ ແລະ ກະຕຸ້ນໃຫ້ນັກລົງທຶນຄາດການວ່າ Fed ມີໂອກາດທີ່ຈະປັບຫຼຸດອັດຕາດອກເບ້ຍ.
ທະນາຄານແຫ່ງອັງກິດ (BoE) ມີແນວໂນ້ມທີ່ຈະຮັກສາອັດຕາດອກເບ້ຍບໍ່ປ່ຽນແປງຢູ່ທີ່ 5.25% ໃນກອງປະຊຸມໃນວັນພະຫັດ ທີ 9 ເດືອນພຶດສະພານີ້.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
