ປະຕິເສດບໍ່ໄດ້ເລີຍວ່າ Cyberpunk 2077 ເປັນອີກເກມທີ່ໄດ້ຮັບທັງສຽງຊົມເຊີຍ ແລະ ສຽງຕຳໜິມາພ້ອມໆກັນ ເຊິ່ງ Cyberpunk 2077 ຖືກປ່ອຍໃຫ້ບັນດາເກມເມີ້ໄດ້ຫຼິ້ນເມື່ອ 3 ເດືອນທີ່ຜ່ານມາ ແຕ່ເບິ່ງຄືວ່າກະແສວິຈານຂອງຜູ້ຫຼິ້ນຈະອອກໄປໃນທາງທີ່ພວກເຂົາຮູ້ສຶກວ່າຄືເກມຍັງສ້າງບໍ່ແລ້ວ ຫຼັງຈາກນັ້ນກໍມີການພັດທະນາ (patch update) ເຂົ້າມາເລື້ອຍໆເພື່ອໃຫ້ເກມສົມບູນຂຶ້ນ.
ແຕ່ການພັດທະນາຫຼ້າສຸດຢ່າງ ການອັບເດດ 1.2 ກໍມີເກມເມີ້ລາຍໜຶ່ງເຂົ້າໄປສະແດງຄວາມຄິດເຫັນໃນ Twitter ຂອງ Cyberpunk 2077 ເຊິ່ງກໍບໍ່ມີໃຜອື່ນໄກ ແຕ່ເປັນຄົນທີ່ເອົາເກມນີ້ໄປໃສ່ໃນລົດຕົວເອງຢ່າງ Elon Musk ນັ້ນເອງ.
![](https://laox.la/wp-content/uploads/2021/03/image-274.png)
ຫຼາຍຄັ້ງຕັ້ງແຕ່ເກມນີ້ຖືກປ່ອຍອອກມາ Elon Musk ກໍໄດ້ tweet ຂໍ້ຄວາມຊົມເຊີຍ ລວມທັງບອກເຖິງສິ່ງທີ່ຍັງຂາດຂອງເກມຢູ່ເປັນໄລຍະ ແລະ ຄັ້ງນີ້ເອງກໍເຊັ່ນກັນທີ່ລາວອອກມາສະແດງຄວາມຄິດເຫັນວ່າ “ລົດໃນເກມ Cyberpunk 2077 ມັນຄວນຈະຂັບເຄື່ອນດ້ວຍພະລັງງານໄຟຟ້າ ເພາະເກມດັ່ງກ່າວນີ້ໃນປີ ຄ.ສ 2077 ຄວນມີລະບົບ AI ທີ່ສະຫຼາດພໍໃຫ້ລົດມັນຂັບເຄື່ອນແບບອັດຕະໂນມັດໄດ້ແລ້ວໃຫ້ສົມກັບເປັນໂລກອະນາຄົດ.
ເຊິ່ງກໍເປັນສິ່ງທີ່ບໍ່ແປກໃຈເລີຍທີ່ຄົນຢ່າງ Elon Musk ທີ່ເປັນຜູ້ນຳດ້ານເຕັກໂນໂລຊີ ແລະ ລົດໄຟຟ້າທີ່ຈະຂັບເຄື່ອນເລື່ອງນີ້ດ້ວຍໂຕເອງ ແລະ ອອກມາສະເໜີຄວາມຄິດເຫັນແບບນີ້ ເພາະໃນໂລກປັດຈຸບັນຢ່າງປີ 2021 ກໍມີລົດທີ່ສາມາດເຮັດແບບນັ້ນໄດ້ແລ້ວ.
![](https://laox.la/wp-content/uploads/2021/03/image-275.png)
ພາບ: videogamechronicle.com, gamerant.com, estentaillysports.com
ຂອບໃຈຂໍ້ມູນຈາກ: