ຖ້າເວົ້າເລື່ອງຄວາມກ້າວໜ້າໃນວິທີການເລົ່າ ແລະ ຄວາມລຳ້ສະໄໝຂອງເນື້ອຫາ ຊື່ຂອງ Christopher Nolan ນັ້ນ ຄົງບໍ່ເປັນສອງຮອງໃຜໃນວົງການຮູບເງົາ.
ເພາະດ້ວຍການເນລະມິດຝັນຊ້ອນຝັນໃນ Inception (2010) ການຕັດຕໍ່ສຸດເລິກລຳ້ໃນ Memento (2000) ໄປຈົນເຖິງການສ້າງທິດສະດີກ່ຽວກັບເວລາສຸດປະຫຼາດໃນ Interstellar (2014) ແລະ ຫຼ້າສຸດກັບການປ່ຽນແນວຮູບເງົາຍ້ອນເວລາກັບ Tenet (2020) ເຮັດໃຫ້ໂນແລນຖືເປັນອີກໜຶ່ງຈອມບົງການທີ່ມັກຈະສ້າງຈັກກະວານເປັນຂອງຕົວເອງໄດ້ຢ່າງໂດດເດັ່ນຢູ່ສະເໝີ.
ເຊິ່ງນັ້ນຖືໄດ້ວ່າເປັນຄຸນນະສົມບັດທີ່ເໝາະກັບການສ້າງເປັນເກມ ຈຶ່ງເປັນເຫດໃຫ້ຕົວໂນແລນເອງໃນຖານະເຈົ້າຂອງໄອເດຍ ເລີ່ມສົນໃຈຈະດັດແປງໜັງເຫຼົ່ານີ້ຂອງລາວເປັນເກມ ໂດຍໃນການໂອ້ລົມກັບຈອບ ໄຄລີ (Geoff Keighley) ນັກຂ່າວດ້ານວີດີໂອເກມເລົ່າວ່າການປ່ຽນໜັງຂອງໂນແລນເປັນເກມຄືສິ່ງທີ່ລາວກຳລັງສົນໃຈຢູ່ຕອນນີ້ ແລະ ໂນແລນຍັງກ່າວເຖິງວິໄສທັດທີ່ມີຕໍ່ວີດີໂອເກມອີກວ່າ:
“ສຳລັບຂ້ອຍເກມຄືໂລກອີກໃບໜຶ່ງທີ່ສຸດແສນອັດສະຈັນ ດັ່ງນັ້ນ ຫາກຂ້ອຍຈະດັດແປງໜັງຂອງຕົວເອງເປັນເກມ ມັນຕ້ອງບໍ່ແມ່ນເກມທີ່ເຮັດເພື່ອຕອບສະໜອງແບຣນ ເພື່ອຮັກສາລິຂະສິດອີຫຍັງແບບນັ້ນ ແຕ່ມັນຕ້ອງເປັນສິ່ງທີ່ຕອບສະໜອງຄວາມສະໜຸກສະໜານ ແລະ ກາຍເປັນສິ່ງທີ່ສຸດຍອດໃນທຸກດ້ານທີ່ວີດີໂອເກມຄວນມີ”
ເຖິງຈະຍັງບໍ່ໄດ້ມີການຢືນຢັນຈາກປາກໂນແລນເອງວ່າ ໜັງເລື່ອງໃດຈະຖືກນຳໄປດັດແປງໄປເກມ ແຕ່ໂປເຈັກດັ່ງກ່າວມີໂອກາດເກີດຂຶ້ນໄດ້ສູງຫຼາຍ ເພາະນີ້ບໍ່ແມ່ນຄັ້ງທຳອິດທີ່ໂນແລນເອີ່ຍປາກເຖິງ.
ການດັດແປງນີ້້ ຫຼັງຈາກຄັ້ງໜຶ່ງໂນແລນໄດ້ສາຍໜັງ Batman Begins (2005), The Prestige (2006) ແລະ Inception (2010) ໃນເກມ Fortnite ໃນແບບຂອງໂນແລນໃຫ້ກັບເຫຼົ່າແຟນໆ.
ພາບ: nypost, Business Insider
ທີ່ມາ:
- https://screenrant.com/chistopher-nolan-video-game-movie-adaptation-possibility/?fbclid=IwAR2WXJ_qy8-nmFqs5u1zc0fed9qvqFT38w1YzAhJ6W9sxcWYaaaIfj0FP0k
- https://www.facebook.com/adaybulletin/photos/a.267853132346/10158601147802347/?_rdc=1&_rdr
