ໃນອາທິດທີ່ຜ່ານມາ, ຕະຫຼາດ cryptocurrency ໄດ້ປະເຊີນກັບການເທຂາຍຢ່າງຮຸນແຮງຈາກລັດຖະບານເຢຍລະມັນ, ເຊິ່ງໄດ້ຂາຍ Bitcoin ທີ່ຢຶດໄດ້ຈາກເວັບໄຊທີ່ລະເມີດລິຂະສິດ Movie2K ທີ່ຖືກປິດລົງ. ການເທຂາຍນີ້ມີຜົນກະທົບອັນໃຫຍ່ຫຼວງຕໍ່ຕະຫຼາດ, ກົດດັນລາຄາຂອງ Bitcoin ຫຼຸດລົງໄປແຕະລະດັບຕໍ່າສຸດທີ່ 53,400 ໂດລາ, ສ້າງຄວາມຢ້ານກົວ ແລະ ຄວາມກັງວົນໃຫ້ກັບບັນດານັກລົງທຶນ.
ຢ່າງໃດກໍຕາມ, ສະຖານະການດັ່ງກ່າວໄດ້ຖືກແກ້ໄຂລົງແລ້ວໃນປັດຈຸບັນ. ເມື່ອວັນທີ 12 ເດືອນກໍລະກົດ (ມື້ວານນີ້), ເຢຍລະມັນໄດ້ເທຂາຍ Bitcoin ທີ່ຍັງເຫຼືອທັງໝົດຂອງຕົນຢູ່ທີ່ 3,846 BTC, ເຊິ່ງໝາຍຄວາມວ່າການເທຂາຍຂະໜາດໃຫຍ່ໄດ້ສິ້ນສຸດລົງເປັນທີ່ຮຽບຮ້ອຍ.
ການເທຂາຍ Bitcoin ຂອງເຢຍລະມັນໄດ້ຜົນກະທົບຢ່າງຫຼວງຫຼາຍຕໍ່ຕະຫຼາດ Cryptocurrency , ເຮັດໃຫ້ດັດຊະນີຄວາມຢ້ານກົວ ແລະ ຄວາມໂລບ (Fear and Greed Index) ເຂົ້າສູ່ລະດັບ “ເຂດຄວາມຢ້ານກົວທີ່ສຸດ”, ຊີ້ໃຫ້ເຫັນເຖິງຄວາມກັງວົນສຸດຂີດຂອງນັກລົງທຶນ.
ເຖິງແມ່ນວ່າການເທຂາຍຂອງເຢຍລະມັນຈະສິ້ນສຸດລົງ, ແຕ່ຕະຫຼາດຍັງມີຄວາມສ່ຽງຢູ່. ຜົນກະທົບໃນໄລຍະຍາວຂອງການຂາຍນີ້ອາດຈະສົ່ງຜົນຕໍ່ລາຄາ Bitcoin ແລະຕະຫຼາດ cryptocurrency ໂດຍລວມ.
ນອກເໜືອຈາກການເທຂາຍຂອງເຢຍລະມັນແລ້ວ, ຍັງມີປັດໄຈອື່ນໆທີ່ອາດຈະສົ່ງຜົນກະທົບຕໍ່ລາຄາຂອງ Bitcoin, ເຊັ່ນຄວາມກັງວົນກ່ຽວກັບ Mt.Gox, ເຊິ່ງເປັນເວັບໄຊແລກປ່ຽນ crypto ທີ່ລົ້ມລະລາຍ.
ສະຫຼຸບແລ້ວ. ການເທຂາຍ Bitcoin ຂອງເຢຍລະມັນໄດ້ເດີນທາງມາເຖິງຈຸດສຸດສິ້ນສຸດແລ້ວ, ແຕ່ຕະຫຼາດ cryptocurrency ຍັງຄົງມີຄວາມຜັນຜວນສູງ ແລະ ມີປັດໄຈສ່ຽງອື່ນໆທີ່ນັກລົງທຶນຄວນພິຈາລະນາໃນການລົງທຶນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
