ເຈົ້າໜ້າທີ່ ກະຊວງແຜນການ ແລະ ການລົງທຶນ ຂອງ ສປປ ລາວ ເຜີຍ ເຜີຍ 5 ເຫດຜົນຫຼັກທີ່ນັກລົງທຶນຕ່າງຊາດ ເຂົ້າມາລົງທຶນໃນ ລາວ.
ອີງຕາມການລາຍງານຂອງ CMG, ໃນກອງປະຊຸມໂຕະມົນກ່ຽວກັບຄວາມຮ່ວມມືດ້ານການລົງທຶນຂອງຈີນ-ອາຊຽນ ທີ່ຈັດຂຶ້ນຢູ່ ໃນວັນທີ 25 ກັນຍານີ້, ທ່ານນາງ ສຸພາພອນ ໄຊຍະເລີດ ຮອງຫົວໜ້າກົມສົ່ງເສີມການລົງທຶນ ກະຊວງແຜນການແລະການລົງທຶນ ສປປ ລາວ ໄດ້ກ່າວໃຫ້ຂໍ້ມູນຕໍ່ກອງປະຊຸມວ່າ: 5 ເຫດຜົນທີ່ນັກລົງທຶນຄວນມາລົງທຶນຢູ່ ສປປ ລາວມີຄື: 1. ເສດຖະກິດຂອງ ສປປ ລາວ ກຳລັງຂະຫຍາຍໂຕຢ່າງວ່ອງໄວເຊິ່ງເປັນກາລະໂອກາດອັນດີທີ່ລົງທຶນຈະມາລົງທຶນ. 2. ລາວມີຊັບພະຍາກອນທີ່ອຸດົມສົມບູນ ເໝາະແກ່ການພັດທະນາຂະແໜງກະສິກຳ, ບໍ່ເເຮ່ ແລະ ພະລັງງານສະອາດ. 3. ລາວມີຄວາມສະຖຽນລະພາບທາງດ້ານການເມືອງ ແລະ ສັງຄົມມີຄວາມສະຫງົບ. 4. ເປັນໜຶ່ງໃນປະເທດທີ່ເຂົ້າຮ່ວມນະໂຍບາຍ ໜຶ່ງແລວທາງ ໜຶ່ງເສັ້ນທາງ ຂອງ ສປ ຈີນ ເພື່ອຫັນປະເທດລາວຈາກປະເທດທີ່ບໍ່ມີທາງອອກສູ່ທະເລ ເປັນປະເທດທີ່ເຊື່ອມໂຍງ ແລະ ເຊື່ອມຈອດທາງບົກ, ສົ່ງເສີມໃຫ້ລາວກາຍເປັນປະຕູ ແລະ ເປັນຂົວຕໍ່ໃຫຍ່ໜຶ່ງທີ່ເຊື່ອມຈີນ ແລະ ອາຊຽນ. 5. ມີນະໂຍບາຍສົ່ງເສີມການລົງທຶນ ໂດຍການຍົກເວັ້ນອາກອນຕ່າງໆ.
ກອງປະຊຸມດັ່ງກ່າວນີ້ ຈັດຂຶ້ນພາຍໃຕ້ງານວາງສະແດງສິນຄ້າຈີນ-ອາຊຽນ ຄັ້ງທີ 21 ທີ່ນະຄອນນານນິງ ເຂດກວາງຊີປົກຄອງຕົນເອງຈີນ, ມີຕົວແທນຈາກຝ່າຍການຄ້າ ແລະ ການລົງທຶນຈາກປະເທດອາຊຽນຜັດປ່ຽນກັນນໍາສະເໜີເຫດຜົນແລະເງື່ອນໄຂດຶງດູດການລົງທຶນດ້ານຕ່າງໆໃນປະເທດຂອງຕົນ ເພື່ອດຶງດູດຄວາມສົນໃຈຂອງນັກທຸລະກິດໃຫ້ເຂົ້າໄປທໍາການຄ້າ ແລະລົງທຶນ.
ທີ່ມາ: CMG
