ປະເທດຈີນ ແຈ້ງລົດການລະບາຍນໍ້າຂອງເຂື່ອນ ໃນແມ່ນ້ຳຂອງ


ລັດຖະບານປັກກິ່ງ ໃຫ້ຂໍ້ມູນກັບກຸ່ມປະເທດທີ່ຢູ່ທາງຕອນລຸ່ມແມ່ນໍ້າຂອງ ວ່າຈະລົດການປ່ອຍນ້ຳຈາກເຂື່ອນໃນມົນທົນຢູນານ “ແກ່ຍາວເອົາເກືອບໝົດເດືອນນີ້”. ດ້ວຍເຫດຜົນ ເລື່ອງການສ້ອມແປງປັບປຸງ ເລີຍເພີ່ມຄວາມກັງວົນເລື່ອງໄພແຫ້ງແລ້ງ.

ສໍານັກຂ່າວຕ່າງປະເທດ ລາຍງານຈາກພະນົມເປນ ປະເທດມຽນມາ ເມື່ອວັນທີ 6 ມັງກອນ 2021 ວ່າ: ຄະນະກໍາມາທິການແມ່ນ້ຳຂອງ (ເອັມອາຊີ) ເຊິ່ງສະມາຊິກປະກອບດ້ວຍກໍາປູເຈຍ, ຫວຽດນາມ,  ລາວ, ແລະ ໄທ. ໃນຂະນະດຽວກັນ ໄດ້ມີການອອກມາຖະແຫຼງຂ່າວເມື່ອວັນພຸດທີ່ຜ່ານມານີ້ວ່າ: ໄດ້ຮັບແຈ້ງການຈາກປະເທດຈີນ ກ່ຽວກັບການລົດລະບາຍນ້ຳລົງຈາກເຂື່ອນ ຈຶ່ງຫົງ ເຊິ່ງຕັ້ງຢູ່ໃນບໍລິເວນເທິງສຸດຂອງແມ່ນ້ຳຂອງໃນມົນທົນຢູນານ ທາງຕາເວັນອອກສ່ຽງໃຕ້ຂອງປະເທດຈາກ 1,904 ລູກບາດຕໍ່ວິນາທີເຫຼືອພຽງ 1,000 ລູກບາດຕໍ່ວິນາທີ, ຄິດເປັນສັດສ່ວນປະມານ 47% ລະຫວ່າງວັນທີ 5 ເຖິງ ວັນທີ 24 ມັງກອນນີ້.

ລັດຖະບານຈີນໄດ້ອະທິບາຍເຖິງເຫດຜົນທີ່ຈະລະບາຍນໍ້າຍ້ອນວ່າ: ເພື່ອເປັນການສ້ອມບໍາລຸງສາຍສົ່ງໂຄງຂາຍລະບົບໄຟຟ້າ ແລະ ຢືນຢັນອີກວ່າ: ການລະບາຍນ້ຳຈະກັບຄືນສູ່ສະພາບປົກກະຕິທັນທີທີ່ຄົບກໍານົດ.

ເອັມອາຊີ ກ່າວວ່າ: ເລີ່ມສັງເກດຄວາມປ່ຽນແປງຂອງລະດັບນ້ຳລົດໃນຕອນລຸ່ມສຸດແມ່ນ້ຳຂອງ ຕັ້ງແຕ່ວັນທີ 31 ທັນວາ 2020 ທີ່ຜ່ານມາ ໂດຍລະດັບນ້ຳລົດລົງປະມານ 1.2 ແມັດ. ເຊິ່ງມັນສົ່ງຜົນກະທົບໃຫ້ແກ່ຊາວປະມົງພໍສົມຄວນ.

ອີກປະການໜຶ່ງ ຈີນ ແລະ ເອັມອາຊີໄດ້ລົງນາມຮ່ວມກັນເມື່ອເດືອນຕຸລາປີທີ່ແລ້ວ ວ່າດ້ວຍການທີ່ລັດຖະບານປັກກິ່ງຈະແບ່ງປັນຂໍ້ມູນທາງອຸທົກກະສາດ ແລະ ພູມສາດ ພາຍໃນໄລຍະເວລາ 12 ເດືອນນັບຈາກນີ້ ສະມາຊິກເອັມອາຊີ ຈະສາມາດສັງເກດ ແລະ ວິເຄາະລະດັບນ້ຳຂອງ ຕະຫຼອດຈົນສະຖານະການໄພແຫ້ງແລ້ງໄດ້ຢ່າງປະສິດທິພາບ.

ທີ່ມາຂໍ້ມູນ: https://l.facebook.com/l.php?u=https%3A%2F%2Fwww.dailynews.co.th%2Fforeign%2F817318%3Ffbclid%3DIwAR1udMmXls_Y18gfN36CljY-n0egR6rmMUeR4hYXMWcS3i_RWSAfKd_uYzk&h=AT0eLu6csD3aH_LuZtxSwyFbNPJudDgx7cwZcLdUcJq0wLjueWgg1NJGE8Tq7tcQzrQ4QVOmmVVevSUXzVTGSeiVFFZk0ZBzIOT0P3wx9WaPcodJH8yuZkQlia8qDhj6H9QQ

ຂອບໃຈຮູບພາບຈາກ: Getty Image

ຂ່າວຕ່າງປະເທດ

#LaoX#MekongRiver#ກຳປູເຈຍ#ຈີນ#ລາວ#ໄທ