ພິທີສົບຫລວງພໍ່ທີ່ເສຍຊີວິດຍ້ອນໂຄວິດ-19 ຖືກສາວົກລຸມຈູບສົບ ສຸດທ້າຍຕິດເຊື້ອກັນຖ້ວນຫນ້າ.


ບຸກຄົນສຳຄັນທາງສາສະໜາຂອງທັງຊາວມອນເຕເນໂກຣ ແລະ ເຊີເບຍ ລວມເຖິງຜູ້ເຂົ້າຮ່ວມງານບາງສ່ວນໄດ້ຕິດເຊື້ອໂຄວິດ-19 ຫຼັງຈາກໄປຮ່ວມງານສົບສາທາລະນະຄັ້ງໃຫຍ່ຂອງຫລວງພໍ່ອາວຸໂສ ທີ່ເສຍຊີວິດດ້ວຍໂຣກນີ້.

ພຣະສັງຄະຣາດ Irinej ຫົວໜ້າຄຣິດຕະຈັກເຊີເບຍອໍໂທດອກ ອາຍຸ 90 ປີ ກໍຕິດໂຄວິດຈາກງານນີ້ເຊັ່ນກັນ ແລະ ກຳລັງເຂົ້າຮັບການຮັກສາຢູ່ໂຮງໝໍ ໂດຍທ່ານ Irinej ເປັນຜູ້ນຳທີສົບຂອງນັກບວດທີ່ອາວຸໂສທີ່ສຸດຂອງຄຣິດຕະຈັກໃນມອນເຕເນໂກ ນາມວ່າ Amfilohije Radovic ອາຍຸ 82 ປີ.

ຜູ້ມາຮ່ວມໄວ້ອາໄລລວມຕົວກັນໃນງານໂດຍບໍ່ມີການໃສ່ໜ້າກາກ ແລະ ຫຼາຍຄົນໄດ້ “ຈູບຮ່າງ” ຂອງຫລວງພໍ່ລາຍດັ່ງກ່າວຂະນະທີ່ນອນຢູ່ໃນໂລງສົບແບບເປີດ.

ເຖິງຈະມີຜູ້ຕິດເຊື້ອໂຄໂຣນາໄວຣັດເພີ່ມຂຶ້ນຢ່າງໄວວາ ທັງໃນເຊີເບນ ແລະ ມອນເຕເນໂກ ເຊິ່ງທາງການກໍໄດ້ອອກຄຳເຕືອນຕ່າງໆແຕ່ປະຊາຊົນ ແລະ ບຸກຄົນທາງສາສະໜາທີ່ເຂົ້າຮ່ວມງານກໍບໍ່ໄດ້ສົນໃຈຕໍ່ຄຳເຕືອນແຕ່ຢ່າງໃດ.

Amfilohije Radovic ຫລວງພໍ່ທີ່ເສຍຊີວິດ ເຄີຍກ່າວວ່າການສະແຫວງບຸນເປັນ “ວັກຊີນຂອງພະເຈົ້າ” ແລະ ຫຼີກລ່ຽງການໃສ່ໜ້າກາກ, ເຊິ່ງໃນຕອນນີ້ ພຣະສັງຄະຣາດ Irinej ແລະ ຄົນອື່ນໆອີກຫຼາຍຄົນທີ່ເຂົ້າຮ່ວມພິທີສົບດັ່ງກ່າວ ເຊື່ອວ່າໄດ້ຕິດໂຄວິດ-19 ເປັນທີ່ຮຽບຮ້ອຍ ລວມໄປເຖິງຜູ້ສືບທອດຂອງ Amfilohije ດ້ວຍເຊັ່ນກັນ.

ທັງນີ້ ນາຍົກລັດຖະມົນຕີຂອງມອນເຕເນໂກ Zdravko Krivokapic ແລະ ປະທານາທິບໍດີຂອງເຊີເບຍ ກໍໄດ້ເຂົ້າຮ່ວມງານນີ້ດ້ວຍເຊັ່ນກັນ ທີ່ເມືອງ Podgorica ປະເທດມອນເຕເນໂກ

ທີ່ມາ: https://www.facebook.com/ThailandState2020/photos/a.104399767912853/202111648141664/?type=3

https://www.bbc.com/news/world-europe-54823860?fbclid=IwAR2q7DYB9cA7cLoo2a7xMymAH-7TI9K9G9K3WUuT8yUrbCZgBZ3nu1BkKzo

ຂ່າວຕ່າງປະເທດ

ໂຄວິດ-19