ຄູ ແລະ ນັກຮຽນບໍ່ເຂົ້າໂຮງຮຽນ ທ່າມກາງວັນເປີດສົກຮຽນໃໝ່ໃນມຽນມາ


ໃນວັນທີ 1 ມິຖຸນາ ທີ່ຜ່ານມານີ້ ລັດຖະບານມຽນມາຢືນຢັນ ໂຮງຮຽນຈະເປີດສົກຮຽນໃນວັນອັງຄານ ວັນທີ 1 ມິຖຸນາ ເປັນຕົ້ນໄປ ຫຼັງຈາກປິດໂຮງຮຽນໄປ 1 ປີ ເນື່ອງຈາກການລະບາດຂອງເຊື້ອພະຍາດ ໂຄວິດ-19. ແຕ່ ຄູ ແລະ ນັກຮຽນຈຳນວນຫຼາຍ ແມ່ນບໍ່ໄປໂຮງຮຽນ ເພາະສະພາບການເມືອງທີ່ບໍ່ສະຫງົບໃນປັດຈຸບັນ.

ສຳນັກສື່ຂອງລັດຖະບານມຽນມາໄດ້ເປີດເຜີຍ ພາບການລົງທະບຽນເຂົ້າຮຽນ ແລະ ລັດຖະບານກໍໃຫ້ສັນຍາກັບຜູ້ປົກຄອງວ່າ ຈະສ້າງຄວາມພໍໃຈໃຫ້ແກ່ການເປີດສົກຮຽນໃນຄັ້ງນີ້.

ເຖິງແນວໃດກໍຕາມ, ມຽນມາໃນຕອນນີ້ກໍກຳລັງຕົກຢູ່ໃນຄວາມສັບສົນຕັ້ງແຕ່ເກີດການລັດຖະປະຫານ ເມື່ອວັນທີ 1 ກຸມພາທີ່ຜ່ານມາ ແລະ ເກີດການຊຸມນຸມຕໍ່ຕ້ານລັດຖະບານຈາກປະຊາຊົນຫຼາຍຄັ້ງ ຈົນມີຜູ້ເສຍຊີວິດຫຼາຍກວ່າ 800ຊີວິດ. 

ທີ່ມາ: https://www.thaipost.net/main/detail/104961

ພາບ: mgronline

ຕິດຕາມຂ່າວທັງໝົດຈາກ LaoX: https://laox.la/all-posts/

ຂ່າວຕ່າງປະເທດ

#HOD#LaoX#Myanmar

error: Content is protected !!