ສະຫະລັດອາເມລິກາໃຫ້ສິດພິເສດຄົນມຽນມາ ສາມາດເຮັດວຽກ-ອາໄສໃນປະເທດໄດ້ 18 ເດືອນ ຫຼັງເກີດລັດຖະປະຫານ


ເມື່ອບໍ່ດົນມານີ້ ຝ່າຍບໍລິຫານຂອງຄະນະລັດຖະບານປະທານາທິບໍດີ Joe Biden ໄດ້ຕົກລົງສະເໜີສະຖານະພິເສດໃຫ້ກັບຊາວມຽນມາທີ່ອາໄສຢູ່ໃນສະຫະລັດອາເມຣິກາ ລວມເຖິງສະຖານທູດ ແລະ ເຈົ້າໜ້າທີ່ລະດັບສູງ ເຊິ່ງອາດຈະໄດ້ຮັບຜົນກະທົບທາງການເມືອງ ນັ້ນແມ່ນການມອບສະຖານະພິເສດຊົ່ວຄາວທີ່ສາມາດເຮັດວຽກ-ອາໄສຢູ່ໃນປະເທດໄດ້ດົນເຖິງ 18 ເດືອນ.

ເນື່ອງຈາກລັດຖະບານສະຫະລັດອາເມຣິກາ ພະຍາຍາມເພີ່ມແຮງກົດດັນໃຫ້ກັບລັດຖະບານທະຫານຂອງ Min Aung Hlaing ຫຼັງຈາກທີ່ພວກເຂົາໄດ້ຍຶດອຳນາດ ແລະ ສັງຫານປະຊາຊົນຜູ້ປະທ້ວງໄປແລ້ວ 200 ກວ່າຄົນ.

Joe Biden ຍັງໄດ້ໃຫ້ຄວາມຮ່ວມມືໃນການຕອບສະໜອງຕໍ່ວິກິດໃນມຽນມາ ຮ່ວມກັບຜູ້ນຳຈາກປະເທດອອສເຕເລຍ, ຍີ່ປຸ່ນ ແລະ ອິນເດຍ ໃນວັນທີ 12 ມີນາທີ່ຜ່ານມາ. ທັງໝົດນີ້ເປັນສັນຍານທີ່ທາງສະຫະລັດອາເມຣິກາສົ່ງໄປໃຫ້ຜູ້ນຳທະຫານ ເພື່ອໃຫ້ຮູ້ວ່າ ພວກເຂົາບໍ່ສະໜັບສະໜູນການໃຊ້ຄວາມຮຸນແຮງ ແລະ ການຍຶດອຳນາດ, ເຊິ່ງຖ້າຫາກຝ່າຍ Min Aung Hlaing ຍັງຢືນຢັນທີ່ຈະໃຊ້ຄວາມຮຸນແຮງຫຼາຍຂຶ້ນ ກໍມີທ່າທີວ່າຈະຖືກປະນາມຈາກທົ່ວໂລກ ແລະ ແນ່ນອນວ່າມັນຈະສ້າງຜົນເສຍຢ່າງຮ້າຍແຮງໃນອະນາຄົດ.

ຂອບໃຈຂໍ້ມູນຈາກ:

https://www.facebook.com/CatDumbNews/posts/4011889492187143

https://www.ft.com/content/42707679-7f35-4fcb-b4bc-e0d4bff5ac08?fbclid=IwAR2FgBfscbdcRce7c8HsfWTm4MxLO-60_SM5hwFmhIOPYDHS9IAIIif0cgc

https://www.wsj.com/articles/myanmar-citizens-in-u-s-granted-temporary-protection-from-deportation-11615594904?fbclid=IwAR3yu-sY0zsTmfhBQYvet-TiMBfNBXSSA8zwmyHKMFTZ0O7S4UWVIDyUC3g

ຂ່າວຕ່າງປະເທດ

#HOD#LaoX#Myanmar#USA

error: Content is protected !!