Sony ປະກາດຂຶ້ນລາຄາ Play Station 5 ເນື່ອງຈາກບັນຫາດ້ານເສດຖະກິດ ແລະ ພາວະເງິນເຟີ້

play station

play station 5


ຈາກທີ່ຊອກຊື້ຍາກຢູ່ແລ້ວກັບເຄື່ອງຫຼິ້ນເກມຍອດນິຍົມ ຢ່າງ Play station 5 ຫຼື PS5 ຫຼ້າສຸດທາງຄ້າຍ Sony ໄດ້ປະກາດປັບລາຄາຂອງເຄື່ອງຫຼິ້ນເກມດັ່ງກ່າວນີ້ຂຶ້ນຕື່ມອີກ ເຊິ່ງຈະມີຜົນກັບຫຼາຍຕະຫຼາດທົ່ວໂລກ.

ໂດຍ Sony ໃຫ້ເຫດຜົນກັບການປັບລາຄາຂຶ້ນຄັ້ງນີ້ວ່າ ເປັນຜົນມາຈາກສະພາວະທາງເສດຖະກິດ ແລະ ບັນຫາເລື່ອງເງິນເຟີ້ ໂດຍການປັບລາຄາຂຶ້ນຄັ້ງນີ້ ແມ່ນຈະປັບຂຶ້ນທັງສອງຮຸ່ນຂອງ PS5 ບໍ່ວ່າຈະເປັນ PS5 ຮຸ່ນໃສ່ແຜ່ນ ຫຼື PS5 ຮຸ່ນບໍ່ໃສ່ແຜ່ນ.

play station

ການປັບລາຄາຄັ້ງນີ້ຈະມີຜົນບັງຄັບໃຊ້ກັບຕະຫຼາດໃຫຍ່ຂອງໂລກບໍ່ວ່າຈະເປັນ UK, ຢູໂຣບ, ຈີນ, ຍີ່ປຸ່ນ, ອອສເຕຣເລຍ, ເມັກຊິໂກ ແລະ ແຄນາດາ ສ່ວນລາຄາທີ່ປັບຂຶ້ນນັ້ນຈະປັບຂຶ້ນຕາມອັດຕາແລກປ່ຽນເງິນຂອງແຕ່ລະປະເທດ. ປະເທດທີ່ໄດ້ຮັບຜົນກະທົບໜັກທີ່ສຸດ ເບິ່ງຄືວ່າຈະແມ່ນປະເທດຍີ່ປຸ່ນ ທີ່ມີການປັບລາຄາຂຶ້ນສູງເຖິງ 21% ຈາກ 39,980 ເຢນ ເປັນ 49,478 ເຢນ ໃນຮຸ່ນບໍ່ມີແຜ່ນ ແລະ ຈາກ 49,980 ເປັນ 60,478 ເຢນໃນຮຸ່ນໃສ່ແຜ່ນ. ແຕ່ສຳລັບຕະຫຼາດໃຫຍ່ທີ່ສຸດໃນໂລກຢ່າງ ອາເມຣິກາ ເບິ່ງຄືວ່າຈະບໍ່ມີການປັບລາຄາຂຶ້ນແຕ່ຢ່າງໃດ.

play station 5

ສ່ວນລາຄາໃນປະເທດໄທ ທີ່ຄົນລາວມັກຈະໄປຊື້ເຄື່ອງເກມດັ່ງກ່າວ ກໍມີການປັບລາຄາຂຶ້ນເຊັ່ນດຽວກັນ ໂດຍໃນຮຸ່ນບໍ່ໃສ່ແຜ່ນແມ່ນປັບຂຶ້ນຈາກ 13,990 ບາດ ມາເປັນ 15,690 ບາດ ແລະ ຮຸ່ນໃສ່ແຜ່ນແມ່ນປັບຂຶ້ນຈາກ 16,990 ບາດ ມາເປັນ 18,690 ບາດ.

ໂດຍການປັບລາຄາຄັ້ງນີ້ຈະມີຜົນບັງຄົບໃຊ້ຕັ້ງແຕ່ມື້ນີ້ເປັນຕົ້ນໄປ ນອກຈາກປະເທດຍີ່ປຸ່ນ ທີ່ຈະເລີ່ມປັບລາຄາຂຶ້ນໃນວັນທີ 15 ກັນຍາ ເປັນຕົ້ນໄປ.

ສ່ວນເລື່ອງສິນຄ້າຂາດຕະຫຼາດ ທາງ Sony ກໍບອກວ່າກຳລັງເລັ່ງມືຊອກຫາວິທີແກ້ໄຂຢູ່.

ຂອບໃຈຂໍ້ມູນຈາກ:

ຕິດຕາມຂ່າວທັງໝົດຈາກ LaoX: https://laox.la/all-posts/

No comment

Leave a Reply

Your email address will not be published.