2021 League of Legends World Championship ຈະຈັດຂຶ້ນທີ່ທະວີບເອີຣົບແທນຈີນ


ເມື່ອກັບໄປຫຼາຍເດືອນ, Riot Games ຜູ້ພັດທະນາ League of Legends (LoL) ໄດ້ປະກາດຂ່າວໃຫຍ່, ຂໍຈັດງານ LoL World Championship 2021 ໃນປະເທດຈີນອີກຄັ້ງໜຶ່ງ ເຖິງແມ່ນວ່າຈະໄດ້ຈັດງານ LoL World Championship 2020 ໃນຈີນໄປບໍ່ດົນມາແລ້ວກໍຕາມ. ການຕັດສິນໃຈດັງກ່າວໄດ້ສ້າງສຽງວິພາກວິຈານຢ່າງໜັກ ເນື່ອງຈາກຕອນນັ້ນ ຫຼາຍຄົນຄິດວ່າການແຂ່ງຂັນໃນ ຊຽງໄຮ, ເສິງຕູ, ຊິງເຕົ່າ, ເຊິນເຈິ້ນ ແລະ ອູຮັ່ນ ອາດໄດ້ຮັບຜົນກະທົບຈາກໂຣກລະບາດຈາກໄວຣັດໂຄວິດ-19.

MSI 2020 cancelled, LoL Worlds regional slots announced | Esport Bet

ແຕ່ຫຼ້າສຸດກໍມີຂ່າວຫຼຸດອອກມາວ່າ Riot Games ກຳລັງຈະປ່ຽນໃຈ ຍ້າຍສະຖານທີ່ຈັດງານຊິງແຊ້ມໃໝ່ ເຊິ່ງຈະຈັດຂຶ້ນທີ່ໂຊນເອີຣົບ ແທນ ປະເທດຈີນ. ການຕັດສິນໃຈໃນຄັ້ງນີ້ອາດຈະເປັນການຕັດສິນໃຈທີ່ດີທີ່ສຸດແລ້ວ ແລະ Riot ກໍຍັງມີປະສົບການ ການຈັດງານໃຫຍ່ມາກ່ອນ ນັ້ນກໍຄື: ງານ VALORANT Master ຈັດທີ່ Reykjavik ປະເທດໄອແລນ ແລະ VALORANT Master ທີ່ປະເທດເຢຍລະມັນ. ເຫຼືອເວລາພຽງໜຶ່ງເດືອນກ່ອນການຈັດການແຂ່ງຂັນຈະເລີ່ມຂຶ້ນ ແຕ່ກໍຍັງບໍ່ມີການຢືນຢັນວ່າຈະເປັນສະຖານທີ່ໃດ ທີ່ສາມາດຮອງຮັບຜູ້ຫຼິ້ນ ແລະ ເຈົ້າໜ້າທີ່ຈຳນວນຫຼາຍໄດ້.

How To Watch The 'League Of Legends' World Championship Final

ຈາກລາຍງານເບື້ອງຕົ້ນໂດຍ Upcomer ແລະ ການຢືນຢັນຂອງ Dot Esports ໄດ້ລາຍງານວ່າ: ສາເຫດທີ່ຍ້າຍສະຖານທີ່ ສ່ວນໜຶ່ງເກີດຈາກບັນຫາໃນການຂໍ VISA ເດີນທາງໄປທີ່ປະເທດຈີນຂອງທີມງານ ແລະ ມີລາຍງານວ່າທີມ LCS ກໍໄດ້ດຳເນີນການຂໍ VISA ເພື່ອເຂົ້າປະເທດຈີນ ແຕ່ບໍ່ມີຄວາມຄືບໜ້າ, ທາງ Riot Games ຈຶ່ງປ່ຽນໄປຈັດງານຢູ່ສະຖານທີ່ໃໝ່.

ທີ່ມາ:

ຕິດຕາມຂ່າວທັງໝົດຈາກ LaoX: https://laox.la/all-posts/

ເກມ

#HOD#LaoXChampionshipຈີນ

error: Content is protected !!