Samsung ປະກາດຈັດງານ Galaxy Awesome Unpacked ຄາດວ່າຈະເປີດຕົວ Samsung Galaxy A52 ແລະ A72


ຫຼັງຈາກ Samsung ໄດ້ເປີດຕົວໂທລະສັບຮຸ່ນເຮືອທຸງນັ້ນຄື Galaxy S21 ໃນງານ Galaxy Unpacked 2021 ເຊິ່ງກໍໄດ້ຮັບການຕອບຮັບເປັນຢ່າງດີ.

ທາງບໍລິສັດ Samsung ຈຶ່ງໄດ້ມີແຜນທີ່ຈະຈັດງານທີ່ມີຊື່ວ່າ Galaxy Awesome Unpacked ເພື່ອເປັນການສືບຕໍ່ຄວາມສຳເລັດຈາກງານກ່ອນໜ້ານີ້ ແລະ ຄາດວ່າໃນພາຍໃນງານຈະໄດ້ມີການເປີດຕົວໂທລະສັບ Galaxy A ອີກ 2 ຮຸ່ນ ນັ້ນຄື Galaxy A52 ແລະ A72.

ກ່ອນໜ້ານີ້ ທາງ Samsung ກໍໄດ້ມີການປ່ອຍຮູບພາບ ແລະ ສະເປັກເຄື່ອງຂອງ Galaxy A52 ອອກມາໃຫ້ຫຼາຍຄົນໄດ້ເຫັນເພື່ອສ້າງຄວາມສົນໃຈ ກ່ອນຈະເປີດຕົວຢ່າງເປັນທາງການໃນງານ Galaxy Awesome Unpacked ຖືໄດ້ວ່າທັງ 2 ຮຸ່ນ ເປັນສະມາດໂຟນຮຸ່ນກາງທີ່ມີສະເປັກສູງສຳລັບ Series A ຂອງ Samsung Galaxy, ນອກນັ້ນ ຍັງສາມາດຮອງຮັບເຄືອຂ່າຍ 5G ໄດ້ ແລະ ຍັງມາພ້ອມກັບລະບົບ ປະຕິບັດການ Android 11.

Samsung Galaxy A52
Samsung Galaxy A72

ສຳລັບງານ Galaxy Awesome Unpacked ນອກຈາກຈະມີການເປີດຕົວສະມາດໂຟນ 2 ຮຸ່ນທີ່ໄດ້ກ່າວມາແລ້ວ ທາງ Samsung ອາດຈະມີການເປີດຕົວອຸປະກອນອື່ນໆອີກ ເຊິ່ງຈະຕ້ອງໄດ້ຕິດຕາມກັນຕໍ່ໄປ.

ຕົວງານຈະໄດ້ຈັດຂຶ້ນ ແລະ ຖ່າຍທອດສົດຜ່ານທາງອອນໄລນ໌ ເນື່ອງດ້ວຍສະພາບການລະບາດຂອງພະຍາດ COVID-19 ເຊິ່ງຄົນທົ່ວໄປກໍສາມາດຮັບຊົມ ແລະ ຕິດຕາມການຖ່າຍທອດສົດໄດ້ຜ່ານທາງ YouTube (http://youtube.com/samsung) ໃນວັນທີ 17 ມີນາ 2021 ເວລາ 22:00 ໂມງ (ຕາມເວລາປະເທດລາວ).

ຂໍຂອບໃຈຂໍ້ມູນຈາກ:

ເທັກໂນໂລຢີ

#Galaxy Awesome Unpacked#HODLaoXSamsung

error: Content is protected !!