ນັກວິທະຍາສາດອອສເຕເລຍສາມາດປະດິດ “ໂຊລາເຊວແຜ່ນບາງ” ສາມາດພົກພາ ແລະ ເຂົ້າເຖິງໄດ້ທຸກຄົນ


ທີ່ຜ່ານມາເຮົາອາດຈະເຄີຍເຫັນໂຊລາເຊວທີ່ເປັນແຜ່ນໃຫຍ່ໆຖືກຕິດຕັ້ງໄວ້ຕາມສະຖານທີ່ຕ່າງໆທີ່ສາມາດຮັບແສງໄດ້ສະດວກ, ແຕ່ວ່າຢູ່ປະເທດອອສເຕເລຍ ນັກວິທະຍາສາດໄດ້ຄິດຄົ້ນ “ໂຊລາເຊວແຜ່ນບາງ” ທີ່ພິມອອກມາໄດ້ຄືກັບໜັງສືພິມ ແຖມມີລາຄາທີ່ຖືກນຳອີກດ້ວຍ.

ແຜ່ນໂຊລາດັ່ງກ່າວເປັນແຜ່ນແບບໃໝ່ ສາມາດພັບເກັບໄດ້ ແລະ ສາມາດພິມອອກມາແລ້ວໄປຕິດໄວ້ບ່ອນໃດກໍໄດ້ University of Newcastle Centre of Organic Electronics ຜູ້ຜະລິດນະວັດຕະກຳນີ້ກ່າວວ່າ ມັນເປັນການປະຕິວັດການຜະລິດໄຟຟ້າໃນເມືອງເລີຍ.

ແຜ່ນໂຊລານີ້ມີຄວາມໜາ 0.075 ມິນລີແມັດ ສ້າງຂຶ້ນດ້ວຍເທັກໂນໂລຢີການພິມທີ່ໃຊ້ໂພລິເມີອໍແກນິກ ເຮັດໃຫ້ແຜ່ນໂຊລາເຊວອອກມາໃນຮູບແບບຂອງນ້ຳໝຶກ ເວລາທີ່ພິມອອກມາມັນກໍສາມາດຈັບພະລັງງານແສງຕາເວັນແລ້ວປ່ຽນເປັນໄຟຟ້າໄດ້,​ ດັ່ງນັ້ນ ມັນຈຶ່ງຕ່າງຈາກແບບເກົ່າທີ່ເຄີຍໃຊ້ຊິລິຄອນໃນການຊັກນຳໄຟຟ້າ ແລະ ໜັກ 15 ກິໂລຕໍ່ 1 ຕາແມັດ, ລາຄາຢູ່ປະມານ 10 ໂດລາອອສເຕເລຍ ຕໍ່ 1 ຕາແມັດ.

ອາຈານ Paul Dastoor ຈາກ University of Newcastle ກ່າວວ່າ ແຜ່ນໂຊລາເຊວນີ້ ສາມາດພິມແລ້ວນຳໄປຕິດໄວ້ທຸກບ່ອນທີ່ນຳໄປແປງເປັນພະລັງງານໃຫ້ກັບໄຟຫົນທາງ, ໄຟ, ຕັ້ງແຄັ້ມ, ຕຶກ… ທີ່ເປັນທີ່ຢູ່ອາໄສຊົ່ວຄາວຂອງຜູ້ຫຼົບໄພ ແລະຍັງສາມາດເປັນພະລັງງານໃຫ້ກັບລົດໄດ້.

ແຜ່ນແບບໃໝ່ນີ້ ເຮັດຈາກພລາສຕິກ PET ມັນຈະແຂງແຮງ ແລະ ທົນທານໜ້ອຍກວ່າແບບເກົ່າ ແຖມຍັງມີອາຍຸທີ່ສັ້ນກວ່າ. ແບບເກົ່າມີອາຍຸ 20 ປີ ແຕ່ແບບໃໝ່ມີອາຍຸ 2 ປີ, ນັກວິໄຈເອງກໍກຳລັງຄິດຄົ້ນຫາວິທີທີ່ຈະນຳເອົາແຜ່ນໂຊລາທີ່ເປັນພລາສຕິກ PET ກັບມາຣີໄຊເຄິນຕໍ່ໃນອະນາຄົດ.

ຂອບໃຈຂໍ້ມູນຈາກ:

https://www.csiro.au/en/Research/MF/Areas/Innovation/Flex-Electronics/Printed-Solar-Cells?fbclid=IwAR0pirvLKYO1CJX1rkcZFuv4Ud2xbJv9ePbtICqvDCk_jl3lpmb8CPmF4Js

https://en.reset.org/blog/australian-university-creates-ultra-thin-solar-panels-can-be-printed-newspapers-07152020?fbclid=IwAR2PNJLw1g8GkWvv8yg8q5IV1Poips1EZ9BzdTr3JYEJYNqii3V8GjK7CGg

ເທັກໂນໂລຢີ

#HODLaoXເທັກໂນໂລຢີ

error: Content is protected !!